|Khomanin eis grond terug
‘|Khomas ons ouers s’n’
Maria Eiseb - ’n Groep van sowat vyfhonderd lede van die |Khomanin het ’n versoekskrif aan die ministerie van grondhervorming oorhandig. Die stap volg na ’n vergadering waartydens lede van die groep hul misnoeë te kenne gegee het met die feit dat hulle oor geen grond in die |Khomas beskik nie.
Die sekretaris van die groep beswaardes, mnr. Immanuel !Aoxamub, sê die lede wil graag boer en is bekommerd oor hul toekoms. Volgens die versoekskrif is die voorvaders van die |Khomanin in 1968 met die implementering van die Odendaalplan met geweld verwyder uit |Khomas, vandag bekend as Damaraland, en van hul menswaardigheid beroof.
“Ons voorvader, mnr. Alpheus Haraseb, is destyds van !Ao||aexas (Augeikas-reservaat), vandag bekend as Daan Viljoen, verwyder, sodat ’n wildreservaat hier gevestig kan word.”
Volgens die versoekskrif eis die groep van die regering dat die |Khomas sonder versuim aan hulle terug gegee moet word. Die |Khomanin moet voorts ook toegang tot die grafte van hul voorvaders in die Khomasstreek kry, terwyl hulle deel aan toekomstige grondbesprekings wil hê om hul saak te kan stel.
Die |Khomanin vra ook dat name, geskiedkundige plekke en riviere se name korrek gespel word. Volgens die groep het |Khomas nie ’n “betekenis” as dit nie korrek gespel word nie.
“Die korrekte spelling van die streek is |Khomas,” het !Aoxamub gesê.
Tydens die oorhandiging van die versoekskrif het die adjunkminister van grondhervorming, mnr. Bernadus Swartbooi, gesê hy verstaan die groep se besware.
“Die ministerie is daarvoor verantwoordelik om aan mense hul grond terug te gee wat hulle deur historiese onreg verloor het, na hul klagtes te luister en ook volgens die grondbeleid hervorming te verseker.”
Volgens hom is kantoorblokke in die |Khomas op die grond van die |Khomanin gebou. Een van die groep beswaardes, me. Claudia Tsaraes, het gesê sy woon al vir jare in Windhoek en het nie ’n stukkie grond van haar eie nie.
“As daar niks aan die saak gedoen word nie, gaan ons die grond vat.”
Die 72-jarige ouma Windeline Garises sê haar voorouers is in |Khomas begrawe en sy het nêrens om te gaan nie.
“Daar moet ’n plan gemaak word, ons sal baklei tot ons iets kry.” Die jeugdiges onder die groep was dit eens dat hul voorvaders se grond aan hulle (die jeug) terug gegee moet word sodat hulle hulself “kan ontwikkel en uit die armoede kom”.
Die sekretaris van die groep beswaardes, mnr. Immanuel !Aoxamub, sê die lede wil graag boer en is bekommerd oor hul toekoms. Volgens die versoekskrif is die voorvaders van die |Khomanin in 1968 met die implementering van die Odendaalplan met geweld verwyder uit |Khomas, vandag bekend as Damaraland, en van hul menswaardigheid beroof.
“Ons voorvader, mnr. Alpheus Haraseb, is destyds van !Ao||aexas (Augeikas-reservaat), vandag bekend as Daan Viljoen, verwyder, sodat ’n wildreservaat hier gevestig kan word.”
Volgens die versoekskrif eis die groep van die regering dat die |Khomas sonder versuim aan hulle terug gegee moet word. Die |Khomanin moet voorts ook toegang tot die grafte van hul voorvaders in die Khomasstreek kry, terwyl hulle deel aan toekomstige grondbesprekings wil hê om hul saak te kan stel.
Die |Khomanin vra ook dat name, geskiedkundige plekke en riviere se name korrek gespel word. Volgens die groep het |Khomas nie ’n “betekenis” as dit nie korrek gespel word nie.
“Die korrekte spelling van die streek is |Khomas,” het !Aoxamub gesê.
Tydens die oorhandiging van die versoekskrif het die adjunkminister van grondhervorming, mnr. Bernadus Swartbooi, gesê hy verstaan die groep se besware.
“Die ministerie is daarvoor verantwoordelik om aan mense hul grond terug te gee wat hulle deur historiese onreg verloor het, na hul klagtes te luister en ook volgens die grondbeleid hervorming te verseker.”
Volgens hom is kantoorblokke in die |Khomas op die grond van die |Khomanin gebou. Een van die groep beswaardes, me. Claudia Tsaraes, het gesê sy woon al vir jare in Windhoek en het nie ’n stukkie grond van haar eie nie.
“As daar niks aan die saak gedoen word nie, gaan ons die grond vat.”
Die 72-jarige ouma Windeline Garises sê haar voorouers is in |Khomas begrawe en sy het nêrens om te gaan nie.
“Daar moet ’n plan gemaak word, ons sal baklei tot ons iets kry.” Die jeugdiges onder die groep was dit eens dat hul voorvaders se grond aan hulle (die jeug) terug gegee moet word sodat hulle hulself “kan ontwikkel en uit die armoede kom”.
Kommentaar
Republikein
Geen kommentaar is op hierdie artikel gelaat nie