'Hulle verkrag my om die beurt’
Drie verdagtes in hegtenis
Die ma van vier wat ten tyde van die verkragting nog haar jongste dogter geborsvoed het, is nie meer in staat om dit te doen nie weens die uiterste stres en trauma van wat sy ervaar het.
Enzo Amuele - In ’n eksklusiewe onderhoud met ons susterkoerant Namibian Sun het ’n jong ma van vier vertel hoe ’n normale aand in haar ergste nagmerrie ontaard het toe sy die slagoffer was van ’n bendeverkragting deur twee mans wat sy ken.
Die voorval het vroeër vandeesmaand in Onyeelelo in die Oshanastreek plaasgevind toe Maria Shitaka (skuilnaam) en ’n mansvriend omstreeks 20:00 van ’n cuca-winkel af op pad huis toe was.
Twee jong mans het uit die bosse verskyn en geld van hulle geëis, het Shitaka vertel.
Sy was geskok, aangesien sy die mans van die dorp ken, en het by hulle gepleit om haar nie seer te maak nie.
“Een van hulle het ’n mes uitgehaal en my grond toe gestoot. Hy het my spanbroek afgesny, my broekie afgeruk en my toe begin verkrag,” het sy gesê.
Shitaka het gesê die ander man het met haar vriend baklei, en toe haar aanvanklike aanvaller haar klaar verkrag het, het hulle rolle omgeruil en die tweede man het haar ook verkrag.
BEURTE GEMAAK
“Hulle het my om die beurt verkrag. Ek is verpletter, dit voel steeds asof dit net gister gebeur het. Ek kan nie slaap nie. Ek leef in konstante vrees,” het Shitaka gesê.
Volgens haar het ’n derde man, wat hulle nie ken nie, tydens die aanval “uit die bloute” verskyn.
“Hierdie man het my vriend begin steek wat my probeer help het. Ek het ’n kans gekry om te ontsnap en by ’n nabygeleë huis ingehardloop om hulp te soek,” het sy gesê.
Volgens haar bure kan hulle dikwels hoor hoe Shitaka in die middel van die nag “ondaningwa oshima oshinene” skree. Dit vertaal na “iets groots het met my gebeur”.
Dit is ’n duidelike aanduiding dat sy nie oor die voorval is nie en sy dringend berading nodig het, het ’n buurvrou gesê.
SELFDOODGEDAGTES
Shitaka – wat die volgende dag mediese behandeling by die Onandjokwe-hospitaal ontvang het – het gesê sy het steeds nie berading ontvang nie, en bygevoeg dat sy snags nie kon slaap nie en sukkel om wat met haar gebeur het, te verwerk.
“Ek word gevang deur gedagtes om selfdood te pleeg. Ek het nooit gedink ek sou ’n verkragtingslagoffer wees nie,” het sy gesê.
Die ma van vier wat ten tyde van die verkragting nog haar jongste dogter geborsvoed het, is nie meer in staat om dit te doen nie weens die uiterste stres en trauma van wat sy ervaar het.
Sy is egter nie in staat om formulemelk te bekostig nie.
Sy het om hulp gepleit en enige barmhartige Samaritane gevra om haar te help om doeke en formulemelk vir die baba te koop.
Intussen is die twee mans wat Shitaka verkrag het asook die derde man, wat haar vriend gesteek het, in hegtenis geneem en het op 7 Julie hul eerste verskyning in die landdroshof op Ondangwa gemaak.
Hulle is almal borgtog geweier en die saak is tot 12 Oktober uitgestel vir verdere polisieondersoeke.
– [email protected]
Die voorval het vroeër vandeesmaand in Onyeelelo in die Oshanastreek plaasgevind toe Maria Shitaka (skuilnaam) en ’n mansvriend omstreeks 20:00 van ’n cuca-winkel af op pad huis toe was.
Twee jong mans het uit die bosse verskyn en geld van hulle geëis, het Shitaka vertel.
Sy was geskok, aangesien sy die mans van die dorp ken, en het by hulle gepleit om haar nie seer te maak nie.
“Een van hulle het ’n mes uitgehaal en my grond toe gestoot. Hy het my spanbroek afgesny, my broekie afgeruk en my toe begin verkrag,” het sy gesê.
Shitaka het gesê die ander man het met haar vriend baklei, en toe haar aanvanklike aanvaller haar klaar verkrag het, het hulle rolle omgeruil en die tweede man het haar ook verkrag.
BEURTE GEMAAK
“Hulle het my om die beurt verkrag. Ek is verpletter, dit voel steeds asof dit net gister gebeur het. Ek kan nie slaap nie. Ek leef in konstante vrees,” het Shitaka gesê.
Volgens haar het ’n derde man, wat hulle nie ken nie, tydens die aanval “uit die bloute” verskyn.
“Hierdie man het my vriend begin steek wat my probeer help het. Ek het ’n kans gekry om te ontsnap en by ’n nabygeleë huis ingehardloop om hulp te soek,” het sy gesê.
Volgens haar bure kan hulle dikwels hoor hoe Shitaka in die middel van die nag “ondaningwa oshima oshinene” skree. Dit vertaal na “iets groots het met my gebeur”.
Dit is ’n duidelike aanduiding dat sy nie oor die voorval is nie en sy dringend berading nodig het, het ’n buurvrou gesê.
SELFDOODGEDAGTES
Shitaka – wat die volgende dag mediese behandeling by die Onandjokwe-hospitaal ontvang het – het gesê sy het steeds nie berading ontvang nie, en bygevoeg dat sy snags nie kon slaap nie en sukkel om wat met haar gebeur het, te verwerk.
“Ek word gevang deur gedagtes om selfdood te pleeg. Ek het nooit gedink ek sou ’n verkragtingslagoffer wees nie,” het sy gesê.
Die ma van vier wat ten tyde van die verkragting nog haar jongste dogter geborsvoed het, is nie meer in staat om dit te doen nie weens die uiterste stres en trauma van wat sy ervaar het.
Sy is egter nie in staat om formulemelk te bekostig nie.
Sy het om hulp gepleit en enige barmhartige Samaritane gevra om haar te help om doeke en formulemelk vir die baba te koop.
Intussen is die twee mans wat Shitaka verkrag het asook die derde man, wat haar vriend gesteek het, in hegtenis geneem en het op 7 Julie hul eerste verskyning in die landdroshof op Ondangwa gemaak.
Hulle is almal borgtog geweier en die saak is tot 12 Oktober uitgestel vir verdere polisieondersoeke.
– [email protected]
Kommentaar
Republikein
Geen kommentaar is op hierdie artikel gelaat nie