Minister stil terwyl geweld teen kinders toeneem
Polisie rig streng waarskuwing aan ouers
Minstens vyf minderjariges word tans elke maand in die Omusatistreek verkrag.
Tuyeimo Haidula – Ten spyte van die polisie se kommer oor talle voorvallle van verkragting van minderjariges, het die minister in die presidensie verantwoordelik vir geslagsgelykheid, armoede-uitwissing en maatskaplike welsyn, Doreen Sioka, nog nie ’n woord oor die kwessie gerep nie.
Minstens vyf minderjariges word tans elke maand in die Omusatistreek verkrag. Polisie in dié streek het ’n streng waarskuwing aan ouers uitgereik om nie kinders sonder toesig te laat nie, maar verkragtingsvoorvalle duur voort en in sommige gevalle is die ouers die skuldiges.
Sestien minderjariges is sedert die begin van 2023 in die Ohangwenastreek verkrag. Die mees onlangse geval sluit in twee meisies van twee jaar oud wat na bewering op Valentynsdag deur ’n 18-jarige verkrag is.
PA VERKRAG GLO VYFJARIGE
’n Vyftigjarige man is Sondag by Iinongo in die Oniipa-omgewing in hegtenis geneem vir die beweerde seksuele aanranding van sy vyfjarige dogter. Volgens die polisieverslag het die man na bewering sy vingers in die meisie se private dele gedruk.
Die beampte verantwoordelik vir gemeenskapsake in die Oshikotostreek, inspekteur Ellen Nehale, het gesê die voorval het Sondag in die vroeë oggendure plaasgevind.
“Die slagoffer is by haar pa by die huis gelos terwyl haar ma gaan werk het,” het sy gesê.
Nehale het verder gesê toe die ma by die huis gekom het, het die vrou opgemerk haar dogter loop moeilik, wat daartoe gelei het dat sy die meisie se privaat dele ondersoek het. Sy het die polisie in kennis gestel en die verdagte is daarna in hegtenis geneem. Hy sal na verwagting vandeesweek in die Ondangwa-landdroshof verskyn.
GEEN ANTWOORD VAN MINISTERIE
Die media word oorval met voorvalle waar minderjariges na bewering verkrag word. Soveel so dat die polisie dit as ’n pandemie verklaar het wat dringende ingryping nodig het.
Op navraag oor wat die ministerie doen om die grudade teen kinders te takel, het Sioka Republikein se susterkoerant, Namibian Sun, na die woordvoerder van die ministerie, Lukas Haufiku, verwys. Haufiku het belowe om terugvoering te gee.
Ten spyte daarvan dat sy vroeër vandeesweek gekontak is, het Sioka gesê: “Dit het ’n neiging geword dat die media op Dinsdae bel terwyl hulle bewus is dat daar elke Dinsdag kabinet is. Oorweeg dalk ander dae, nie Dinsdae nie."
Die minister het ook gesê dat haar werkslading baie van haar tyd in beslag neem.
“Jy sal nie die omvang en die werklading van hierdie posisie verstaan nie. Ek het van 08:30 tot 13:00 ’n vergadering met belanghebbendes by die Country Club gehad. Daarna het ek na die kinderhuis gegaan vir die Nuwejaarsgroete wat om 16:00 geëindig het,” het Sioka in ’n teksboodskap gesê.
TWEEJARIGE VERDRINK IN EMMER
In ’n aparte voorval ondersoek die polisie in die Oshikotostreek ’n saak van verdrinking nadat ’n kleuter in ’n 50 liter emmer vol water by Etunda, Okankolo, verdrink het.
Nehale het gesê die tweejarige Thomas Jona Amakali se ma het glo kerk toe gegaan en hom by die huis saam met sy ouma en ander kinders gelos. Thomas se lewelose liggaam is daarna in die emmer water gevind.
Sy naasbestaandes is reeds in kennis gestel, terwyl sy oorskot na die Okankolo-lykshuis geneem is vir ’n nadoodse ondersoek. – [email protected]
Minstens vyf minderjariges word tans elke maand in die Omusatistreek verkrag. Polisie in dié streek het ’n streng waarskuwing aan ouers uitgereik om nie kinders sonder toesig te laat nie, maar verkragtingsvoorvalle duur voort en in sommige gevalle is die ouers die skuldiges.
Sestien minderjariges is sedert die begin van 2023 in die Ohangwenastreek verkrag. Die mees onlangse geval sluit in twee meisies van twee jaar oud wat na bewering op Valentynsdag deur ’n 18-jarige verkrag is.
PA VERKRAG GLO VYFJARIGE
’n Vyftigjarige man is Sondag by Iinongo in die Oniipa-omgewing in hegtenis geneem vir die beweerde seksuele aanranding van sy vyfjarige dogter. Volgens die polisieverslag het die man na bewering sy vingers in die meisie se private dele gedruk.
Die beampte verantwoordelik vir gemeenskapsake in die Oshikotostreek, inspekteur Ellen Nehale, het gesê die voorval het Sondag in die vroeë oggendure plaasgevind.
“Die slagoffer is by haar pa by die huis gelos terwyl haar ma gaan werk het,” het sy gesê.
Nehale het verder gesê toe die ma by die huis gekom het, het die vrou opgemerk haar dogter loop moeilik, wat daartoe gelei het dat sy die meisie se privaat dele ondersoek het. Sy het die polisie in kennis gestel en die verdagte is daarna in hegtenis geneem. Hy sal na verwagting vandeesweek in die Ondangwa-landdroshof verskyn.
GEEN ANTWOORD VAN MINISTERIE
Die media word oorval met voorvalle waar minderjariges na bewering verkrag word. Soveel so dat die polisie dit as ’n pandemie verklaar het wat dringende ingryping nodig het.
Op navraag oor wat die ministerie doen om die grudade teen kinders te takel, het Sioka Republikein se susterkoerant, Namibian Sun, na die woordvoerder van die ministerie, Lukas Haufiku, verwys. Haufiku het belowe om terugvoering te gee.
Ten spyte daarvan dat sy vroeër vandeesweek gekontak is, het Sioka gesê: “Dit het ’n neiging geword dat die media op Dinsdae bel terwyl hulle bewus is dat daar elke Dinsdag kabinet is. Oorweeg dalk ander dae, nie Dinsdae nie."
Die minister het ook gesê dat haar werkslading baie van haar tyd in beslag neem.
“Jy sal nie die omvang en die werklading van hierdie posisie verstaan nie. Ek het van 08:30 tot 13:00 ’n vergadering met belanghebbendes by die Country Club gehad. Daarna het ek na die kinderhuis gegaan vir die Nuwejaarsgroete wat om 16:00 geëindig het,” het Sioka in ’n teksboodskap gesê.
TWEEJARIGE VERDRINK IN EMMER
In ’n aparte voorval ondersoek die polisie in die Oshikotostreek ’n saak van verdrinking nadat ’n kleuter in ’n 50 liter emmer vol water by Etunda, Okankolo, verdrink het.
Nehale het gesê die tweejarige Thomas Jona Amakali se ma het glo kerk toe gegaan en hom by die huis saam met sy ouma en ander kinders gelos. Thomas se lewelose liggaam is daarna in die emmer water gevind.
Sy naasbestaandes is reeds in kennis gestel, terwyl sy oorskot na die Okankolo-lykshuis geneem is vir ’n nadoodse ondersoek. – [email protected]
Kommentaar
Republikein
Geen kommentaar is op hierdie artikel gelaat nie