Regering beoog ondersoek na prospekteringslisensies
Toekenning van mynlisensies neem tot twee jaar
Die ministerie van myne en energie het 'n tender uitgereik vir potensiële bieërs om die toekenning van EPL'e te help vergemaklik.
Ogone Tlhage – Die ministerie van myne en energie wil ’n ondersoek van stapel stuur na alle aansoeke vir eksklusiewe prospekteringslisensies (EPL’e) wat tussen September 2021 en September 2022 ingedien is.
Dié stap word beskou as ’n pasaangeër vir regulatoriese veranderinge wat oorweeg word om die regime vir die toewysing van openbare hulpbronne te hersien.
Dit het Dinsdag aan die lig gekom toe die ministerie ’n tender uitgereik het vir potensiële konsultante om die toekenning van EPL’e te help vergemaklik deur beleide te ontwerp wat die toekenningsproses sal bespoedig.
Dit volg op bekommernisse dat die proses om lisensies aan voornemende mynmaatskappye uit te reik in die verlede teen ‘n slakkepas beweeg het.
Dit is onduidelik waarom die ministerie spesifiek die bogenoemde tydperk wil hersien nie.
Die proses kan tans tot twee jaar duur, maar die ministerie wil dit tot ses maande verminder.
TYDIGE HERSIENING
Mnr. Shawe Nyambe, ’n mynboukonsultant, het die voorgestelde hersienings verwelkom.
“Ek wil graag die minister van myne en sy span loof vir hierdie inisiatief waarmee hulle vorendag gekom het. Dit moet nie net prosesse wees om die toekenning van EPL’e te bespoedig nie, maar sulke prosesse moet ook op vaste fondamente van deursigtigheid en aanspreeklikheid gebou word,” het hy gesê.
Hy het bygevoeg om te verseker dat die mynbedryf op ’n oop, doeltreffende en verantwoordbare manier bestuur word, moet die regering ’n robuuste aanlyn administratiewe stelsel vir die hantering van aansoeke implementeer, asook ’n toeganklike en bygewerkte register van lisensie-inligting. Dié inligting moet onder meer die besonderhede van die lisensiehouer, die lisensiegebied, die aansoekdatum, die toekenningsdatum en die tydperk wat die lisensie geldig sal wees, moet insluit.
“Ek wil graag beklemtoon dat korrupsievrye mynbou begin met ’n deursigtige en verantwoordbare proses vir die verkryging van mynpermitte; daarom is dit noodsaaklik dat die prosesse wat ontwikkel word hierdie grondbeginsels bevat.”
Hy het versoek dat dieselfde benadering vir petroleumeksplorasielisensies onderneem word.
EKONOMIESE GELEENTHEDE
Die afgelope tyd was daar ’n toename in EPL-aansoeke.
Tussen September 2021 en September 2022 het die ministerie meer as 400 aansoeke ontvang.
Namibiërs het ook EPL’e geïdentifiseer as ’n geleentheid om vinnig uit armoede te ontsnap.
In die meeste gevalle verkry spekulante EPL’e uitsluitlik om dit in die internasionale mark te verkoop.
Die regering het by verskeie geleenthede hierdie neiging veroordeel en ’n beroep op plaaslike inwoners gedoen om minerale hulpbronne te gebruik om nywerheidsgeleenthede te skep.
“Die ministerie het in die verlede talle klagtes ontvang oor die lang tyd wat dit neem om mineraallisensie-aansoeke te verwerk. Dit was nie ongewoon vir die ministerie om tot twee jaar te neem om op ’n aansoek te reageer nie. Gevolglik het die ministerie in 2019 vir ’n tydelike tydperk van 12 maande nie nuwe mineraallisensie-aansoeke aanvaar nie,” het die ministerie gesê.
Dié ondersoek sal uitgevoer word op EPL’e wat wel gefinaliseer is, het hy bygevoeg.
VEREISTES UITEENGESIT
As deel van die konsultant se verantwoordelikhede sal die raadgewende entiteit die mineraallisensiëringsprosesse hersien om verbeterings aan sakeprosesse aan te beveel wat die doeltreffendheid waarmee aansoeke geëvalueer word, sal verhoog.
Daar sal van die konsultant verwag word om die beste praktyke oraloor die wêreld te identifiseer en te ondersoek hoe Namibië dit moet oorweeg om daardie praktyke in sy prosesse te implementeer, het die ministerie gesê.
“Die ministerie is veral geïnteresseerd in die implementering van aanlyn aansoeke en die doeltreffende benutting van inligting- en kommunikasietegnologie-instrumente in die proses, en wil ondersoek hoe menslike betrokkenheid in die prosesse geminimaliseer kan word en hoe die outomatisering van die proses deursigtigheid en terugvoer oor die status van elke aansoek kan verbeter,” word in die tenderdokument uiteengesit.
ANDER VEREISTES
Daar sal ook van die konsultant verwag word om spesifiek risiko’s te identifiseer en tekortkominge in die prosesse te beheer; die doeltreffendheid van die evalueringskomitee te ondersoek en moontlike verbeterings aan die komitee voor te stel, insluitend die vermoë van die minister om eksterne individue in die komitee aan te stel.
Die konsultant moet ook die beste praktyke oorweeg soos die implementering van ’n gedragskode en die pligte en verantwoordelikhede van die komitee.
Daar sal ook van die konsultant verwag word om verder as net mineraallisensies te assesseer, het die ministerie gesê.
Die konsultant sal die moontlikheid evalueer om die aanbevelings vir die assesserings van alle EPL’e in Namibië te implementeer buiten net die mineraallisensies, veral met inagneming van die regulatoriese en beleidsomgewing.
– [email protected]
Dié stap word beskou as ’n pasaangeër vir regulatoriese veranderinge wat oorweeg word om die regime vir die toewysing van openbare hulpbronne te hersien.
Dit het Dinsdag aan die lig gekom toe die ministerie ’n tender uitgereik het vir potensiële konsultante om die toekenning van EPL’e te help vergemaklik deur beleide te ontwerp wat die toekenningsproses sal bespoedig.
Dit volg op bekommernisse dat die proses om lisensies aan voornemende mynmaatskappye uit te reik in die verlede teen ‘n slakkepas beweeg het.
Dit is onduidelik waarom die ministerie spesifiek die bogenoemde tydperk wil hersien nie.
Die proses kan tans tot twee jaar duur, maar die ministerie wil dit tot ses maande verminder.
TYDIGE HERSIENING
Mnr. Shawe Nyambe, ’n mynboukonsultant, het die voorgestelde hersienings verwelkom.
“Ek wil graag die minister van myne en sy span loof vir hierdie inisiatief waarmee hulle vorendag gekom het. Dit moet nie net prosesse wees om die toekenning van EPL’e te bespoedig nie, maar sulke prosesse moet ook op vaste fondamente van deursigtigheid en aanspreeklikheid gebou word,” het hy gesê.
Hy het bygevoeg om te verseker dat die mynbedryf op ’n oop, doeltreffende en verantwoordbare manier bestuur word, moet die regering ’n robuuste aanlyn administratiewe stelsel vir die hantering van aansoeke implementeer, asook ’n toeganklike en bygewerkte register van lisensie-inligting. Dié inligting moet onder meer die besonderhede van die lisensiehouer, die lisensiegebied, die aansoekdatum, die toekenningsdatum en die tydperk wat die lisensie geldig sal wees, moet insluit.
“Ek wil graag beklemtoon dat korrupsievrye mynbou begin met ’n deursigtige en verantwoordbare proses vir die verkryging van mynpermitte; daarom is dit noodsaaklik dat die prosesse wat ontwikkel word hierdie grondbeginsels bevat.”
Hy het versoek dat dieselfde benadering vir petroleumeksplorasielisensies onderneem word.
EKONOMIESE GELEENTHEDE
Die afgelope tyd was daar ’n toename in EPL-aansoeke.
Tussen September 2021 en September 2022 het die ministerie meer as 400 aansoeke ontvang.
Namibiërs het ook EPL’e geïdentifiseer as ’n geleentheid om vinnig uit armoede te ontsnap.
In die meeste gevalle verkry spekulante EPL’e uitsluitlik om dit in die internasionale mark te verkoop.
Die regering het by verskeie geleenthede hierdie neiging veroordeel en ’n beroep op plaaslike inwoners gedoen om minerale hulpbronne te gebruik om nywerheidsgeleenthede te skep.
“Die ministerie het in die verlede talle klagtes ontvang oor die lang tyd wat dit neem om mineraallisensie-aansoeke te verwerk. Dit was nie ongewoon vir die ministerie om tot twee jaar te neem om op ’n aansoek te reageer nie. Gevolglik het die ministerie in 2019 vir ’n tydelike tydperk van 12 maande nie nuwe mineraallisensie-aansoeke aanvaar nie,” het die ministerie gesê.
Dié ondersoek sal uitgevoer word op EPL’e wat wel gefinaliseer is, het hy bygevoeg.
VEREISTES UITEENGESIT
As deel van die konsultant se verantwoordelikhede sal die raadgewende entiteit die mineraallisensiëringsprosesse hersien om verbeterings aan sakeprosesse aan te beveel wat die doeltreffendheid waarmee aansoeke geëvalueer word, sal verhoog.
Daar sal van die konsultant verwag word om die beste praktyke oraloor die wêreld te identifiseer en te ondersoek hoe Namibië dit moet oorweeg om daardie praktyke in sy prosesse te implementeer, het die ministerie gesê.
“Die ministerie is veral geïnteresseerd in die implementering van aanlyn aansoeke en die doeltreffende benutting van inligting- en kommunikasietegnologie-instrumente in die proses, en wil ondersoek hoe menslike betrokkenheid in die prosesse geminimaliseer kan word en hoe die outomatisering van die proses deursigtigheid en terugvoer oor die status van elke aansoek kan verbeter,” word in die tenderdokument uiteengesit.
ANDER VEREISTES
Daar sal ook van die konsultant verwag word om spesifiek risiko’s te identifiseer en tekortkominge in die prosesse te beheer; die doeltreffendheid van die evalueringskomitee te ondersoek en moontlike verbeterings aan die komitee voor te stel, insluitend die vermoë van die minister om eksterne individue in die komitee aan te stel.
Die konsultant moet ook die beste praktyke oorweeg soos die implementering van ’n gedragskode en die pligte en verantwoordelikhede van die komitee.
Daar sal ook van die konsultant verwag word om verder as net mineraallisensies te assesseer, het die ministerie gesê.
Die konsultant sal die moontlikheid evalueer om die aanbevelings vir die assesserings van alle EPL’e in Namibië te implementeer buiten net die mineraallisensies, veral met inagneming van die regulatoriese en beleidsomgewing.
– [email protected]
Kommentaar
Republikein
Geen kommentaar is op hierdie artikel gelaat nie