Hoog in die takke

Martin Nel van Bloemfontein in Suid-Afrika het Junie vanjaar by die Salvadora-watergat in die Etosha Nasionale Park stilgehou en gesien hoe ’n leeuwyfie van agter die bosse beweeg en gaan lê, met ’n gemsbok en springbok wat ook in die omgewing was. Sy het skielik opgespring en na 'n nabygeleë boom gehardloop waar Martin “iets hoër in die takke sien verdwyn het”. Aanvanklik het hy gedink dit is “nog ’n leeu wat kan boomklim”, maar met die aflaai van sy foto’s gewaar hy toe die luiperd wat in die takke skuil. "Die luiperd was natuurlik ’n bedreiging vir die leeu en sy wou hom net laat verstaan om maar liewers daar bo te bly. Na ongeveer ’n halfuur het ek gery en teen daardie tyd het die leeuwyfie steeds by die boom waggestaan!”