Esau, Van Wyk wag op borguitspraak
Slotbetoë word binnekort gelewer
Partye sal volgende maand weer in die hof verskyn waartydens 'n datum geskeduleer sal word om die uitspraak te lewer.
Die twee Fishrot-beskuldigdes, Bernhard Esau en Nigel van Wyk, se borgtogaansoek is afgehandel en die twee mans se verteenwoordigers sal op 24 November in die hoërhof in Windhoek verskyn om slotbetoë te lewer.
Esau en Van Wyk se verteenwoordigers, Florian Beukes en Mbanga Siyomuinji, sal dan argumenteer waarom dié twee borgtog toegestaan moet word en die staatsaanklaers, Ed Marondedze en Ezekiel Ipinge, sal die hof probeer oortuig om die mans in aanhouding te hou. Ná argumente gelewer is, sal die uitspraak geskeduleer word.
Partye het die afgelope weke gewag vir die hofrekord om getranskribeer te word sodat hulle dit kan benut in die voorbereiding van hul argumente. Beukes het gister bevestig dat die rekord nou aan hulle beskikbaar gestel is.
Die slotbetoë is gister voor regter David Munsu in die afwesigheid van die beskuldigdes geskeduleer.
Die borgtogaansoek het reeds in Desember verlede jaar begin. Esau is sedert November 2019 in aanhouding en Van Wyk is in Desember 2019 in hegtenis geneem en is ook sedertdien in aanhouding by die Windhoek Sentrale Gevangenis.
Die verrigtinge is in die verlede telkemale vertraag deur Esau se gesondheidskwale.
VERRIGTINGE
Albei Fishrotters se vorige borgtogaansoeke is van die hand gewys en die huidige aansoek is gegrond op nuwe feite, wat insluit Esau se gesondheid wat glo agteruitgaan en al twee mans se finansiële omstandighede wat aanhoudend versleg terwyl hulle in aanhouding is.
Tydens verrigtinge het beide die beskuldigdes die getuiebank ingeneem, waarna die aansoekers hul saak gesluit het. Die staat het die Teenkorrupsiekommissie van Namibië (ACC) se hoofondersoekbeampte, wat die ondersoek in die Fishrot-skandaal behartig het, Andreas Kanyangela, geroep om te getuig.
Esau het getuig dat hy blindelings die amptenare in sy ministerie vertrou het en dit hom glo in die tronk laat beland het.
Van Wyk het ook getuig dat hy net die instruksies van sy destydse werkgewer en nou medebeskuldigde, Sacky Shanghala, uitgevoer het. Hy beweer die geld wat hy ontvang het, was deel van sy salaris en hy het glo nie geweet waar die geld vandaan kom nie.
“Ek het hard gewerk vir daardie geld,” het hy gesê ten opsigte van sowat N$1,9 miljoen wat die staat beweer hy deur die Fishrot-korrupsieskandaal gebaat het.
MEESTE FISHROTTERS AGTER TRALIES
Van die tien Fishrot-beskuldigdes is almal tans in aanhouding met die uitsondering van Marén de Klerk wie se uitlewering steeds hangend is. Hy is tans in die Paarl, Suid-Afrika.
Die plaaslike Fishrot-beskuldigde wat nog die naaste gekom het om borgtog te kry, is Ricardo Gustavo. Regter Herman Oosthuizen het sy aansoek om borgtog in Oktober 2020 in die hoërhof in Windhoek toegestaan, maar is twee maande later in die hooggeregshof op appèl teruggetrek.
– [email protected]
Esau en Van Wyk se verteenwoordigers, Florian Beukes en Mbanga Siyomuinji, sal dan argumenteer waarom dié twee borgtog toegestaan moet word en die staatsaanklaers, Ed Marondedze en Ezekiel Ipinge, sal die hof probeer oortuig om die mans in aanhouding te hou. Ná argumente gelewer is, sal die uitspraak geskeduleer word.
Partye het die afgelope weke gewag vir die hofrekord om getranskribeer te word sodat hulle dit kan benut in die voorbereiding van hul argumente. Beukes het gister bevestig dat die rekord nou aan hulle beskikbaar gestel is.
Die slotbetoë is gister voor regter David Munsu in die afwesigheid van die beskuldigdes geskeduleer.
Die borgtogaansoek het reeds in Desember verlede jaar begin. Esau is sedert November 2019 in aanhouding en Van Wyk is in Desember 2019 in hegtenis geneem en is ook sedertdien in aanhouding by die Windhoek Sentrale Gevangenis.
Die verrigtinge is in die verlede telkemale vertraag deur Esau se gesondheidskwale.
VERRIGTINGE
Albei Fishrotters se vorige borgtogaansoeke is van die hand gewys en die huidige aansoek is gegrond op nuwe feite, wat insluit Esau se gesondheid wat glo agteruitgaan en al twee mans se finansiële omstandighede wat aanhoudend versleg terwyl hulle in aanhouding is.
Tydens verrigtinge het beide die beskuldigdes die getuiebank ingeneem, waarna die aansoekers hul saak gesluit het. Die staat het die Teenkorrupsiekommissie van Namibië (ACC) se hoofondersoekbeampte, wat die ondersoek in die Fishrot-skandaal behartig het, Andreas Kanyangela, geroep om te getuig.
Esau het getuig dat hy blindelings die amptenare in sy ministerie vertrou het en dit hom glo in die tronk laat beland het.
Van Wyk het ook getuig dat hy net die instruksies van sy destydse werkgewer en nou medebeskuldigde, Sacky Shanghala, uitgevoer het. Hy beweer die geld wat hy ontvang het, was deel van sy salaris en hy het glo nie geweet waar die geld vandaan kom nie.
“Ek het hard gewerk vir daardie geld,” het hy gesê ten opsigte van sowat N$1,9 miljoen wat die staat beweer hy deur die Fishrot-korrupsieskandaal gebaat het.
MEESTE FISHROTTERS AGTER TRALIES
Van die tien Fishrot-beskuldigdes is almal tans in aanhouding met die uitsondering van Marén de Klerk wie se uitlewering steeds hangend is. Hy is tans in die Paarl, Suid-Afrika.
Die plaaslike Fishrot-beskuldigde wat nog die naaste gekom het om borgtog te kry, is Ricardo Gustavo. Regter Herman Oosthuizen het sy aansoek om borgtog in Oktober 2020 in die hoërhof in Windhoek toegestaan, maar is twee maande later in die hooggeregshof op appèl teruggetrek.
– [email protected]
Kommentaar
Republikein
Geen kommentaar is op hierdie artikel gelaat nie