Curt von Francois se standbeeld waai vandag
Stigter van Windhoek en Swakopmund
"Mense wat nie hom of sy geskiedenis ken nie, maak sulke besluite."
Vandag word die standbeeld van Curt von Francois, die stigter van Windhoek, voor die munisipaliteit in Windhoek verwyder.
Dit volg nadat nege raadslede tydens ’n raadsvergadering op 27 Oktober vir die verwydering gestem het en vyf daarteen.
Von Francois was nie net die stigter van die moderne Windhoek in 1890 nie, maar ook die stigter van Swakopmund in 1892. Beide die stede floreer en brei vandag nog uit.
Volgens ’n historikus het die destydse inwoners van Windhoek vir die standbeeld betaal en is op 10 Oktober 1965 onthul.
“Die standbeeld is deur die inwoners betaal en opgerig; dit het niks met enige regering te doen nie. Dit is deur die mense gedoen ter nagedagtenis aan die stigter van die stad. ’n Stad wat bly groei. Om dit net af te maai, gaan weer eens die historiese landskap van Windhoek vir altyd verander. Dit maak nie baie sin nie. Dit word verwyder en daar is geen planne vir wat in die plek opgerig sal word nie.”
’n Petisie vir die verwydering van die standbeeld is in 2020 begin weens Von Francois se betrokkenheid by die aanval in 1893 by Hornkrans.
“Die man was ’n soldaat en soos enige ander soldaat in enige oorlog, land of weermag het hy opdragte uitgevoer. Juis nog ’n rede hoekom die standbeeld in die eerste plek opgerig is. Om te wys hy was nie net ’n moordenaar nie, maar ook ’n stigter van suksesvolle stede wat floreer het en nog steeds doen. Nou is al wat ons sien ’n witman en hy moet gaan.”
Von Francois het met die Damara-prinses Amalia !Gwaxas getrou en saam het hulle ’n dogter, Josephine, gehad.
Sy agteragterkleinkind mnr. Ruprecht van Francois wat in Windhoek woon, gaan nie vandag kyk hoe die standbeeld verwyder word nie.
“Die minagting van ander mense en ander rasse is verstommend. Dat mense wat nie sy agtergrond ken nie, net so kan besluit om hom te verwyder. My oupagrootjie was ’n Hugenoot en nie ’n Duitser van afkoms nie. Hy was ’n landmeter en kartograaf wat die eerste kaarte van Namibië opgeteken het. Dit was sy passie. Hy was nie ’n moordenaar nie, maar dit is al wat julle sien. Hy het die Alte Feste – wat die begin van Windhoek was – gebou. In dieselfde fort waar die Damaras en Namas skuiling van die Herero’s gesoek het.”
Hy het ook gesê dat Ouma Josephine vier kinders gehad het waarvan die twee dogters met Oshiwambo-mans getrou het.
“My pa was haar oudste seun en my ma was van Duitse Joodse afkoms. As ek nou na al my familie kyk, is ons eg Namibies. Ons is ’n mengelmoes van rasse en julle wil my oupagrootjie se standbeeld afbreek net omdat hy nie ’n oerbewoner van die land was nie? Wat in die land aangekom het nes al die ander rasse? Net na onafhanklikwording was dit om elke hoek en draai net versoening-versoening. Wat het nou daarvan geword? Het ons oornag almal vyande geword?”
Die standbeeld sal vandag na die Stad Windhoek Museum geskuif word waar dit gestoor sal word.
In 2023 sal die datum van die heroprigting van die standbeeld bekend gemaak word.
– [email protected]
Dit volg nadat nege raadslede tydens ’n raadsvergadering op 27 Oktober vir die verwydering gestem het en vyf daarteen.
Von Francois was nie net die stigter van die moderne Windhoek in 1890 nie, maar ook die stigter van Swakopmund in 1892. Beide die stede floreer en brei vandag nog uit.
Volgens ’n historikus het die destydse inwoners van Windhoek vir die standbeeld betaal en is op 10 Oktober 1965 onthul.
“Die standbeeld is deur die inwoners betaal en opgerig; dit het niks met enige regering te doen nie. Dit is deur die mense gedoen ter nagedagtenis aan die stigter van die stad. ’n Stad wat bly groei. Om dit net af te maai, gaan weer eens die historiese landskap van Windhoek vir altyd verander. Dit maak nie baie sin nie. Dit word verwyder en daar is geen planne vir wat in die plek opgerig sal word nie.”
’n Petisie vir die verwydering van die standbeeld is in 2020 begin weens Von Francois se betrokkenheid by die aanval in 1893 by Hornkrans.
“Die man was ’n soldaat en soos enige ander soldaat in enige oorlog, land of weermag het hy opdragte uitgevoer. Juis nog ’n rede hoekom die standbeeld in die eerste plek opgerig is. Om te wys hy was nie net ’n moordenaar nie, maar ook ’n stigter van suksesvolle stede wat floreer het en nog steeds doen. Nou is al wat ons sien ’n witman en hy moet gaan.”
Von Francois het met die Damara-prinses Amalia !Gwaxas getrou en saam het hulle ’n dogter, Josephine, gehad.
Sy agteragterkleinkind mnr. Ruprecht van Francois wat in Windhoek woon, gaan nie vandag kyk hoe die standbeeld verwyder word nie.
“Die minagting van ander mense en ander rasse is verstommend. Dat mense wat nie sy agtergrond ken nie, net so kan besluit om hom te verwyder. My oupagrootjie was ’n Hugenoot en nie ’n Duitser van afkoms nie. Hy was ’n landmeter en kartograaf wat die eerste kaarte van Namibië opgeteken het. Dit was sy passie. Hy was nie ’n moordenaar nie, maar dit is al wat julle sien. Hy het die Alte Feste – wat die begin van Windhoek was – gebou. In dieselfde fort waar die Damaras en Namas skuiling van die Herero’s gesoek het.”
Hy het ook gesê dat Ouma Josephine vier kinders gehad het waarvan die twee dogters met Oshiwambo-mans getrou het.
“My pa was haar oudste seun en my ma was van Duitse Joodse afkoms. As ek nou na al my familie kyk, is ons eg Namibies. Ons is ’n mengelmoes van rasse en julle wil my oupagrootjie se standbeeld afbreek net omdat hy nie ’n oerbewoner van die land was nie? Wat in die land aangekom het nes al die ander rasse? Net na onafhanklikwording was dit om elke hoek en draai net versoening-versoening. Wat het nou daarvan geword? Het ons oornag almal vyande geword?”
Die standbeeld sal vandag na die Stad Windhoek Museum geskuif word waar dit gestoor sal word.
In 2023 sal die datum van die heroprigting van die standbeeld bekend gemaak word.
– [email protected]
Kommentaar