Uraanpryse skiet die hoogte in
Internasionale uraanpryse is deur die dak, met Business Insider se Markets Insider-toep wat gister die prys as US$80,85 per een pond triuraan oktoksied (U308) aangedui het.
Dit is volgens verskeie ekonomiese bronne die eerste keer in die afgelope 15 jaar wat die uraanprys so hoog klim.
Volgens die ministerie van myne en energie is dié verwikkeling ’n goeie teken vir Namibië se uraan-mynboubedrywighede.
“Die Langer Heinrich-myn – wat onder sorg en bestuur was – is besig met voorbereiding om mynbedrywighede volgende jaar te hervat,” het die waarnemende uitvoerende direkteur van myne en energie, Bryan Eiseb, vandeesweek in reaksie op Republikein se navrae gesê.
“Met die prys van uraan wat pas US$75 per pond oorskry het, kan mens verwag dat laegraadse uraanprojekte in besit van ondernemings soos Bannerman Mining Resources Namibia en Deep Yellow meer ekonomies sal word en hopelik sal dit lei tot die opening van nuwe uraanmyne in die komende twee tot drie jaar,” brei hy uit.
“Die Orano-myn mag ook bedrywighede hervat,” voeg hy by.
Bannerman se bedryfsverslag vir die kwartaal tot op 30 September 2023 toon dat sy Etango-projek op skedule is – spesifiek met betrekking tot ingenieurswese en ontwerp – om ’n finale beleggingsbesluit in die eerste helfte van volgende jaar te kan neem.
Mylpale wat bereik is, sluit in die projek se eerste volhoubaarheidsverslag vir 2023 wat in September vrygestel is, en die betrokke mynlisensie wat na verwagting binnekort uitgereik sal word.
Volgens Eiseb is daar tans agt mynlisensies vir uraanmynbou in Namibië toegeken. Nogtans is net Swakop Uranium se reuse- Husab-myn en die Rössing-myn tans in produksie. In beide word die meerderheid aandele deur Chinese staatsondernemings besit.
Deep Yellow is, soos Bannerman, op die Australiese aandelebeurs gelys, en vorder ook goed met sy Tumas-projek.
Volgens Eiseb is daar tans 115 eksplorasielisensies vir uraan toegeken, terwyl die ministerie 173 aansoeke vir eksklusiewe eksplorasielisensies ontvang het waarvoor uraan een van die teikenminerale is. Hy sê egter momentum vir uraan-eksplorasie het nie veel vanaf vorige jare verander nie.
In terme van Namibië se voordeel, sê Eiseb alle uraanmynmaatskappye betaal altyd tantième teen die voorgeskrewe koers van 3% aan die regering.
“Die tantième wat vanaf uraanmyne ingevorder is, het teen Augustus 2023 op N$206 miljoen gestaan. Dit in vergelyking met ’n totaal van N$308 miljoen vir 2022. ’n Mens moet in ag neem dat die hoeveelheid tantième afhang van die volumes wat verkoop word en die oorheersende grondbeginsels van die mark. Boonop is ’n dividend van N$3,3 miljoen aangekondig en gedurende November 2023 uitbetaal,” brei Eiseb uit.
Die regering verdien tantième, dividende, heffings en belasting uit uraanproduksie.
“Die Langer Heinrich-uraanmyn sal na verwagting produksie gedurende die eerste kwartaal van 2024 hervat. Geen ander nuwe mynbou-verwikkelinge word verwag nie, alhoewel daar gevorderde uraanprojekte soos Bannerman Energy en Reptile Uranium is wat in die nabye toekoms tot die groei van die uraansektor sal bydra,” sê hy.
– [email protected]
Dit is volgens verskeie ekonomiese bronne die eerste keer in die afgelope 15 jaar wat die uraanprys so hoog klim.
Volgens die ministerie van myne en energie is dié verwikkeling ’n goeie teken vir Namibië se uraan-mynboubedrywighede.
“Die Langer Heinrich-myn – wat onder sorg en bestuur was – is besig met voorbereiding om mynbedrywighede volgende jaar te hervat,” het die waarnemende uitvoerende direkteur van myne en energie, Bryan Eiseb, vandeesweek in reaksie op Republikein se navrae gesê.
“Met die prys van uraan wat pas US$75 per pond oorskry het, kan mens verwag dat laegraadse uraanprojekte in besit van ondernemings soos Bannerman Mining Resources Namibia en Deep Yellow meer ekonomies sal word en hopelik sal dit lei tot die opening van nuwe uraanmyne in die komende twee tot drie jaar,” brei hy uit.
“Die Orano-myn mag ook bedrywighede hervat,” voeg hy by.
Bannerman se bedryfsverslag vir die kwartaal tot op 30 September 2023 toon dat sy Etango-projek op skedule is – spesifiek met betrekking tot ingenieurswese en ontwerp – om ’n finale beleggingsbesluit in die eerste helfte van volgende jaar te kan neem.
Mylpale wat bereik is, sluit in die projek se eerste volhoubaarheidsverslag vir 2023 wat in September vrygestel is, en die betrokke mynlisensie wat na verwagting binnekort uitgereik sal word.
Volgens Eiseb is daar tans agt mynlisensies vir uraanmynbou in Namibië toegeken. Nogtans is net Swakop Uranium se reuse- Husab-myn en die Rössing-myn tans in produksie. In beide word die meerderheid aandele deur Chinese staatsondernemings besit.
Deep Yellow is, soos Bannerman, op die Australiese aandelebeurs gelys, en vorder ook goed met sy Tumas-projek.
Volgens Eiseb is daar tans 115 eksplorasielisensies vir uraan toegeken, terwyl die ministerie 173 aansoeke vir eksklusiewe eksplorasielisensies ontvang het waarvoor uraan een van die teikenminerale is. Hy sê egter momentum vir uraan-eksplorasie het nie veel vanaf vorige jare verander nie.
In terme van Namibië se voordeel, sê Eiseb alle uraanmynmaatskappye betaal altyd tantième teen die voorgeskrewe koers van 3% aan die regering.
“Die tantième wat vanaf uraanmyne ingevorder is, het teen Augustus 2023 op N$206 miljoen gestaan. Dit in vergelyking met ’n totaal van N$308 miljoen vir 2022. ’n Mens moet in ag neem dat die hoeveelheid tantième afhang van die volumes wat verkoop word en die oorheersende grondbeginsels van die mark. Boonop is ’n dividend van N$3,3 miljoen aangekondig en gedurende November 2023 uitbetaal,” brei Eiseb uit.
Die regering verdien tantième, dividende, heffings en belasting uit uraanproduksie.
“Die Langer Heinrich-uraanmyn sal na verwagting produksie gedurende die eerste kwartaal van 2024 hervat. Geen ander nuwe mynbou-verwikkelinge word verwag nie, alhoewel daar gevorderde uraanprojekte soos Bannerman Energy en Reptile Uranium is wat in die nabye toekoms tot die groei van die uraansektor sal bydra,” sê hy.
– [email protected]
Kommentaar
Republikein
Geen kommentaar is op hierdie artikel gelaat nie