Tuané in topvyf o.20’s wêreldwyd
Atletiek
Die skoolmeisie Tuané Silver het haar eie nasionale senior vrouerekord in die gewigstoot verbeter, toe sy vandeesweek die land se enigste verteenwoordiger by die onder 20-wêreldkampioenskap in die Colombiaanse stad Cali was.
Silver het met ’n beste gooi van 15.95 meter haar plek in die topvyf o.20-atlete ter wêreld ingeneem. Suid-Afrika se Miné de Klerk het met 17.17 meter gewen.
Silver (18), van Windhoek Gimnasium, het vanjaar reeds merkwaardige verbetering getoon. In Februarie het sy in Pretoria die vorige nasionale rekord (13.82 meter van Charlene Engelbrecht in 2011) met ’n wenpoging van 15.24 meter uitgevee – wat ook haar kwalifisering vir die reis na Cali beklink het.
Op 25 Junie het sy die beste merk in Sasolburg tot 15.38 laat aanskuif, voordat sy Dinsdag in Colombia meer as ’n halwe meter bygevoeg het.
Benewens die naellopers Beatrice Masilingi en Christine Mboma was Silver die land se enigste kwalifiseerder vir vanjaar o.20-wêreldkampioenskap. Die naellopers was onderskeidelik weens ’n besering en verpligtinge by die Statebondspele afwesig.
Volgens Corlia Maritz, wat die gewigstoter as spanbestuurder vergesel het, is Silver se voorneme om voor die jaareinde vir ’n verdere verbetering te sorg. Sy het glo ook planne om haar atletiekloopbaan by Tuks voort te sit.
Silver het met ’n beste gooi van 15.95 meter haar plek in die topvyf o.20-atlete ter wêreld ingeneem. Suid-Afrika se Miné de Klerk het met 17.17 meter gewen.
Silver (18), van Windhoek Gimnasium, het vanjaar reeds merkwaardige verbetering getoon. In Februarie het sy in Pretoria die vorige nasionale rekord (13.82 meter van Charlene Engelbrecht in 2011) met ’n wenpoging van 15.24 meter uitgevee – wat ook haar kwalifisering vir die reis na Cali beklink het.
Op 25 Junie het sy die beste merk in Sasolburg tot 15.38 laat aanskuif, voordat sy Dinsdag in Colombia meer as ’n halwe meter bygevoeg het.
Benewens die naellopers Beatrice Masilingi en Christine Mboma was Silver die land se enigste kwalifiseerder vir vanjaar o.20-wêreldkampioenskap. Die naellopers was onderskeidelik weens ’n besering en verpligtinge by die Statebondspele afwesig.
Volgens Corlia Maritz, wat die gewigstoter as spanbestuurder vergesel het, is Silver se voorneme om voor die jaareinde vir ’n verdere verbetering te sorg. Sy het glo ook planne om haar atletiekloopbaan by Tuks voort te sit.
Kommentaar
Republikein
Geen kommentaar is op hierdie artikel gelaat nie