Bybelse wysheid

DR. ANNES NELEfesiërs 2:4,6: “Maar God is ryk in barmhartigheid en het ons innig lief. . . in Christus Jesus het Hy ons saam met Hom opgewek uit die dood en ons saam met Hom ’n plek in die hemel gegee.”Stukkende mense maak hulself nie reg nie. Paulus beskryf eers die mens se toestand – sonder hoop en vasgevang in sonde – en onderbreek dan skielik sy gedagtes met die kragtige woorde: “Maar God…” Iets radikaals het gebeur. Dit breek deur die donkerte van menslike mislukking (2:1-3).Wat God doen, is nie ’n klein verbetering of gedeeltelike herstel nie, maar ’n totale verandering: “in Christus Jesus het Hy ons saam met Hom opgewek uit die dood en ons saam met Hom ’n plek in die hemel gegee” (2:6). Ons deel in sy oorwinning oor die dood. Meer nog, ons is saam met Hom in die hemel. Dit is ons nuwe posisie. Dit is ’n teenswoordige geestelike werklikheid. Dit was ’n eenmalige, beslissende daad van God, gebou op wat Christus reeds gedoen het.Daar is ’n storie van Frederik die Grote wat aan ’n skoolmeisie gevra het of mense in die diereryk of planteryk hoort. Sy het geantwoord: “Ons behoort aan die koninkryk van God.”Dit is die waarheid. Ons is nie net ietwat beter mense nie. Ons is in God se koninkryk ingebring. Ons het ’n eenrigtingkaartjie hel toe verdien, maar God gee vir ons ’n plek in die hemel.Here, dankie dat U gebroke lewens verander deur u genade. Amen.

Bybelse wysheid

Kommentaar

Republikein 2026-06-10

Meld asseblief aan om kommentaar te lewer

Bybelse wysheid

Kommentaar

Republikein 2026-06-10

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.