Amptenaar verkoop uit Amta-silo’s vir eie gewin

ŉ Amptenaar verbonde aan die Landboubemarkings- en Handelsagentskap (Amta) het gister in die landdroshof op Katima Mulilo op klagte van korrupsie verskyn. Dit volg nadat mnr. James Walubita (49) Vrydag in hegtenis geneem is op klagte dat hy graan uit die agentskap se silo’s verkoop en dan ŉ private bankrekening verskaf waarin die betaling gemaak moet word. Die Teenkorrupsiekommissie (ACC) het die afgelope naweek in ŉ mediaverklaring gesê sowat 80 ton se mieliepitte is onlangs uit Amta se silo op Katima Mulilo aan ŉ meulenaar verkoop. Die verdagte het glo ook ŉ faktuur uitgereik vir sowat N$280 000, tesame met die besonderhede van ŉ private persoon se bankbesonderhede, waarin die betaling vir die graan gemaak moet word. Die ACC sê hulle het ŉ wenk van ŉ hokaairoeper oor die beweerde korrupte bedrywighede ontvang.Walubita is tans in polisie-aanhouding en die ACC sê dit staan borgtog ten sterkste teen omdat die inhegtenisname van meer verdagtes nie buite rekening gelaat kan word nie. “Inligting is ontvang dat hierdie nie die enigste keer is wat dit gebeur het nie en daar is dus ŉ moontlikheid dat nog soortgelyke klagte teen hom gelê kan word,” het die ACC gesê. “Amta is ŉ regeringsinstansie wat daarmee toevertrou word om ŉ belangrike rol in die bevordering van voedselsekuriteit in die land te speel. “Die optrede van amptenare in vertrouensposisies wat openbare geld verduister, rig skade aan die nasionale ekonomie asook die voedselsekuriteit in ons land,” het die kommissie gesê.Amta is ingevolge ’n kabinetsbesluit gestig as gespesialiseerde agentskap van die ministerie van landbou, water en bosbou om die bemarking en handel van landbouproduksie in die land te bestuur.Die agentskap se mandaat is om versamelpunte vir vars produkte, asook die land se infrastruktuur vir nasionale strategiese voedselreserwes te bestuur.

Amptenaar verkoop uit Amta-silo’s vir eie gewin

Kommentaar

Republikein 2022-06-29

Meld asseblief aan om kommentaar te lewer

Amptenaar verkoop uit Amta-silo’s vir eie gewin

Kommentaar

Republikein 2022-06-29

Meld asseblief aan om kommentaar te lewer

MELD AAN