Zimbabwe voltooi 5-0 reekssege

14 January 2019 | Sport
Zimbabwe se vrouekrieketspan het 'n suksesvolle toer afgesluit toe hy die internasionale T20-reeks teen Namibië op Walvisbaai met 5-0 beklink het.

In die vyfde wedstryd Donderdag by die Sparta-veld het die Namibiërs met die kolf hul kleinste totaal in die reeks opgestel en het hul twintig boulbeurte op net 60 almal uit afgesluit.

Dié teiken het Zimbabwe maklik verbygesteek vir 'n oorwinning met nege paaltjies en die helfte van hul boulbeurte ongebruik.

Met die heel eerste bal van die beurt is Adri van der Merwe vir 'n nulletjie uitgevang. Die res van dioe toporde kon ook nie hond haaraf maak nie met die vertrek van kaptein Yasmeen Kahn (2), Arrasta Diergaardt (4) en Roché Venter (9) wat die span op 18/4 laat steier het.

Sune Wittmann (21 van 29 balle, 2x4) en Kayleen Green (12 van 34 balle) het kortstondig weerstand gebied met 'n vennootskap van 37 lopies, maar nog 'n ewe dramatiese ineenstorting het op Wittmann se vertrek gevolg toe die volgende vyf paaltjies vir die byvoeging van net vyf lopies gekom het.

Nomatter Mutasa was Zimbabwe se beste bouler, met vier paaltjies vir nege lopies in vier boulbeurte, terwyl Precious Marange 3/5 in haar vier boulbeurte geneem het.

Zimbabwe het net die paaltjie van Modester Mupachikwa verloor toe sy op 4 van Namusha Shiomwenyo se boulwerk uitgevang is. Daar was egter egter geen verdere senuagtigheid terwyl Precious Marange (32 nie uit nie van 31 balle, 4x4) en Chipo Tiripano (13 n.u.n.) die besoekers na 'n oorwinning geneem het nie.

Shiomwenyo was Namibië se enigste bouler wat 'n deurbraak kon maak, met 1/22 in 3.3 boulbeurte.



WEDSTRYD 4

Die Zimbabwiërs het wedstryd nommer 4 met 69 lopies oorheers, wat aangedui het dat hulle die oorhand oor die tuisspan verkry het.

Die besoekers het dié keer eerste gekolf en 'n stewige 150/2 opgestapel. Die totaal was gebou op 75 nie uit nie van die aanvangskolwer Modester Mupachikwa, wat net 63 balle nodig gehad het en tien grenshoue geslaan het.

Silvia Shihepo het die vroeë deurbraak gemaak om Precious Marange vir 'n nulletjie te laat uitvang en Eveleen Kejarukua het deurgebreek om Chipo Tiripano (16 van 14 balle) skoon te boul, maar Mupachikwa het 'n nuwe kolfvennoot in Mary-Anne Musonda gevind, wat onoorwonne op 45 (39 balle, 4x4) geëindig het.

In die Namibiese kolfbeurt van 81 almal uit het die paaltjies met reëlmaat geval, met die enigste ligpunte die aanvangskolwer Adri van der Merwe se 28 lopies van 38 balle (2x4), nommer drie Yasmeen Khan se 17 van 30 balle (1x4) en nommer ses Suné Wittmann se 16 van 17 balle (2x4).

• Die Namibiese afrigter Christopher Coombe, sê die tuisspan se spelers is baie jonk en het gedurende die reeks gestreef om op fyner besonderhede van hul spel in kolf-, boul- en veldwerk te verbeter.

“Zimbabwe het veel meer ondervinding op 'n hoër vlak as ons en namate die reeks gevorder het, het hulle die aanpassings gemaak en hul spelpeil gelig om ons meer en meer onder druk te plaas.

“Wanneer ons gedissiplineerd bly, is ons 'n goeie boulspan, maar ons kan steeds baie op al drie aspekte van ons spel verbeter.”

Soortgelyk

 

Geingob vergader met Nanso oor studiegeld

7 ure gelede | Onderwys

Me. Ester Simon, president van die Namibiese Nasionale Studenteorganisasie (Nanso), het pas bevestig die organisasie vergader vandag by Staatshuis met pres. Hage Geingob...

Mexikaanse sakeman wil Erindi koop

8 ure gelede | Omgewing

Die internasionale entrepreneur, filantroop en president van die konsortium BAL-groep, mnr. Alberto Baillères, 'n gerespekteerde Mexikaanse sakeleier, is besig om die kooptransaksie met Erindi...

Katrina hoor Maandag 8 Julie

9 ure gelede | Howe

Denver Kisting – Regter Christie Liebenberg het vandag gesê hy sal nie later nie as 8 Julie uitspraak lewer in die verhoor van me. Katrina...

Theo Diergaardt voor vir beweerde bedrog

10 ure gelede | Misdaad

Denver Kisting – Die beheeraanklaer van die landdroshof in Windhoek, mnr. Hans Thourob, het bevestig mnr. Theo Diergaardt, oudminister van grondhervorming, is gister inhegtenis geneem.Volgens...

Windhoek se waterverbruik in die rooi

11 ure gelede | Omgewing

Die Windhoekse munisipaliteit sê oor die afgelope week het Windhoekers 7% meer water gebruik as wat huidige teikens vir waterbesparing toelaat. Die weeklikse teiken is...

Dit moes lankal gebeur het, sê Kanime.

12 ure gelede | Plaaslik

Denver Kisting – Oomblikke nadat hy gisteraand heraangestel is, het mnr. Abraham Kanime aan Republikein gesê dit moes lankal gebeur het.Die Windhoekse stadsraad het gisteraand...

Raad sit oor polisiehoof

22 ure gelede | Regering

Denver Kisting – Die Windhoekse stadsraad (CoW) sou gisteraand vir mnr. Abraham Kanime as hoof van die stadspolisie heraangestel het.Kanime is in Maart verlede jaar...

Windhoek droogste in 90 jaar

22 ure gelede | Weer

Ronelle Rademeyer - Die 2018-’19-reënseisoen sal vir die oorgrote deel van die land in die geskiedenisboeke opgeteken staan as van die droogste in menseheugenis.Die statistiek...

Katrina se lot gou bepaal

22 ure gelede | Howe

Denver Kisting – Onder gewone omstandighede is die staat se verantwoordelikheid om skuld bo redelike twyfel te bewys.In die geval van die oudgoewerneur van die...