Zexit: Ekonomie kan nou met tot 2% groei
Jacob Zuma se bedanking bring 'n einde aan 'n tydperk van politieke en beleidsonsekerheid, sê prof. Raymond Parsons.
Elvira Wood - Pres. Jacob Zuma se besluit laat Woensdagaand om tóg te bedank is goeie nuus vir die Suid-Afrikaanse ekonomie.
Adj. pres. Cyril Ramaphosa het met onmiddellike effek as waarnemende president oorgeneem.
Daar is 'n groot waarskynlikheid dat hy selfs so vroeg as Donderdag as die nuwe president ingehuldig kan word.
Prof. Raymond Parsons, ekonoom verbonde aan die Noordwes-Universiteit se sakeskool, sê die gebeure van Woensdagaand kan sakevertroue só 'n hupstoot gee dat ekonomiese groei nader aan 2% vir die 2018-'19- finansiële jaar kan styg.
Dit is teenoor die 0,9% wat die Internasionale Monetêre Fonds in Januarie vanjaar vir Suid-Afrika voorspel het.
“Sy bedanking bring 'n einde aan 'n tydperk van politieke- en beleidsonsekerheid wat Suid-Afrika van aansienlike potensiaal om ekonomies te groei gekos het,” sê Parsons.
Hy sê dit is nou steeds moontlik om 'n algemene afgradering deur kredietgradeerders tot rommelstatus te vermy.
Parsons se voorwaarde is dat die begroting wat op 21 Februarie bekend gemaak word Suid-Afrika se geldsake moet stabiliseer en groei ondersteun.
Dit is net Moody's Investors Service wat Suid-Afrika se kredietgradering nog op beleggingsvlak handhaaf.
Fitch Ratings het Suid-Afrika in April tot rommelstatus afgegradeer en Standard & Poor's Global Ratings het staatskuld in buitelandse geldeenhede in April tot rommelstatus afgegradeer en staatskuld in rand in November.
“ 'n Geloofwaardige begroting moet op die grondslag van nuwe leierskap en politieke stabiliteit berus om suksesvolle ekonomiese ommekeer te verseker,” sê Parsons.
Parsons waarsku egter dat selfs 'n groeikoers van 2% nie genoeg sal wees om Suid-Afrika regtig weer op koers te plaas nie.
“Weens maatskaplik-ekonomiese redes gaan die ekonomie teen 'n koers van meer as 3% moet groei op lang termyn.
“Met nuwe politieke leierskap is daar nuwe hoop, maar dit moet deur ware hervormings gesteun word wat Suid-Afrika se ekonomiese prestasie eerder vroeër as later sal laat verbeter.”
Frans Cronje, uitvoerende hoof van die Suid-Afrikaanse Instituut vir rasseverhoudinge, stem saam die onlangse politieke gebeure sal 'n hupstoot vir ekonomiese groei wees.
Hy voorspel ekonomiese groei van tussen 1,7% en 1,9% vir 2018.
Hy sê ook as daar in die staats- en begrotingsrede 'n oortuigende saak gestel word ten gunste van ekonomiese groei en fiskale omsigtigheid, sal die risiko van 'n verdere afgradering gehalveer word. - Netwerk24
Adj. pres. Cyril Ramaphosa het met onmiddellike effek as waarnemende president oorgeneem.
Daar is 'n groot waarskynlikheid dat hy selfs so vroeg as Donderdag as die nuwe president ingehuldig kan word.
Prof. Raymond Parsons, ekonoom verbonde aan die Noordwes-Universiteit se sakeskool, sê die gebeure van Woensdagaand kan sakevertroue só 'n hupstoot gee dat ekonomiese groei nader aan 2% vir die 2018-'19- finansiële jaar kan styg.
Dit is teenoor die 0,9% wat die Internasionale Monetêre Fonds in Januarie vanjaar vir Suid-Afrika voorspel het.
“Sy bedanking bring 'n einde aan 'n tydperk van politieke- en beleidsonsekerheid wat Suid-Afrika van aansienlike potensiaal om ekonomies te groei gekos het,” sê Parsons.
Hy sê dit is nou steeds moontlik om 'n algemene afgradering deur kredietgradeerders tot rommelstatus te vermy.
Parsons se voorwaarde is dat die begroting wat op 21 Februarie bekend gemaak word Suid-Afrika se geldsake moet stabiliseer en groei ondersteun.
Dit is net Moody's Investors Service wat Suid-Afrika se kredietgradering nog op beleggingsvlak handhaaf.
Fitch Ratings het Suid-Afrika in April tot rommelstatus afgegradeer en Standard & Poor's Global Ratings het staatskuld in buitelandse geldeenhede in April tot rommelstatus afgegradeer en staatskuld in rand in November.
“ 'n Geloofwaardige begroting moet op die grondslag van nuwe leierskap en politieke stabiliteit berus om suksesvolle ekonomiese ommekeer te verseker,” sê Parsons.
Parsons waarsku egter dat selfs 'n groeikoers van 2% nie genoeg sal wees om Suid-Afrika regtig weer op koers te plaas nie.
“Weens maatskaplik-ekonomiese redes gaan die ekonomie teen 'n koers van meer as 3% moet groei op lang termyn.
“Met nuwe politieke leierskap is daar nuwe hoop, maar dit moet deur ware hervormings gesteun word wat Suid-Afrika se ekonomiese prestasie eerder vroeër as later sal laat verbeter.”
Frans Cronje, uitvoerende hoof van die Suid-Afrikaanse Instituut vir rasseverhoudinge, stem saam die onlangse politieke gebeure sal 'n hupstoot vir ekonomiese groei wees.
Hy voorspel ekonomiese groei van tussen 1,7% en 1,9% vir 2018.
Hy sê ook as daar in die staats- en begrotingsrede 'n oortuigende saak gestel word ten gunste van ekonomiese groei en fiskale omsigtigheid, sal die risiko van 'n verdere afgradering gehalveer word. - Netwerk24
Kommentaar
Republikein
Geen kommentaar is op hierdie artikel gelaat nie