Zambezi-vroue breek kultuurkettings

Skadelike kulturele praktyke gepak

18 October 2019 | Plaaslik
Francoise Steynberg - Vroue in die Zambezistreek is besig om in opstand te kom teen skadelike kulturele praktyke.

Dit sluit in vroeë en gedwonge huwelike, poligamie, seksuele inlywing en gereedmaking, verkragting, droë seks, en vele meer.

Volgens me. Mimi Mwiya van die Women’s Leadership Centre (WLC) het dié organisasie wat vir vroueregte veg vandeesweek by die kantoor van die eerste dame, die ministerie van onderwys en kultuur, en die kantoor van die ombudsman besoek afgelê om hul stryd teen skadelike kulturele praktyke te bespreek, wat veral vroue in die Zambezistreek raak.

WLC is in 2005 gestig en fokus op die ontwikkeling van vroueleierskap op nasionale en streekvlak deur die Zambezi vir Vroueregte-program (ZWR).

“Skadelike kulturele praktyke stel vroue en meisies bloot aan alle vorms van geweld, asook die hoë risiko van MIV/vigs. Sedert 2005 het jong vroue die stilte en taboes oor die baie skadelike kulturele praktyke begin verbreek," sê Mwiya.

“Deur navorsing het jong vroue die skakel tussen kultuur, geweld en MIV/vigs krities begin analiseer,” sê sy.

Mwiya sê die afgelope 10 jaar het statistieke van die ministerie van gesondheid en maatskaplike dienste getoon byna 50% van swanger vroue tussen 25 en 49 wat op Katima Mulilo getoets is, het MIV/vigs.

“Dit is dubbel die nasionale gemiddeld. Die vigskoers onder meisies en vroue tussen 15 en 24 is 25% – drie keer die nasionale gemiddeld."

Daarom sê Mwyia werk die WLC die afgelope 10 jaar met jong vroue van verskillende nedersettings in die Zambezistreek om hul dogters, niggies en kleindogters teen die “kringloop van geweld” te beskerm.

“Sodra die vroue hul menseregte verstaan – veral die reg van vroue en meisies om teen alle vorms van geweld beskerm te word – word hulle bemagtig, ondersteun hulle mekaar en staan hulle as groep op,” sê Mwiya.

“Vroue praat nou en verbreek die stilte oor dié wanpraktyke.”

Mwiya sê die praktyke behels onder meer die voorbereiding van meisies en vroue se liggame vir mans se plesier, byvoorbeeld die verlenging van die labia minora, seksuele gereedsheidstoetse deur manlike famillielede tydens inwyding om “’n goeie vrou” te wees (’n kultureel aanvaarbare vorm van verkragting), droë seks en skending.

“Dit stel vroue en meisies bloot aan pyn, vernedering en MIV/vigs. Gewelddadige inwydingspraktyke sluit fisieke en emosionele mishandeling in wat vroue en skoondogters vir onderdanigheid voorberei,” verduidelik Mwiya.

“Hulle moet vroeë en gedwonge huwelike, poligamie en lobola aanvaar, asook om met niks uit ’n egskeiding te stap. Weduwees moet ná die afsterwe van hul mans gereinig word – dikwels deur seksuele omgang.”

SLYPSKOLE

Die ZWR het in September ’n vier dae lange slypskool op Katima Mulilo aangebied om 20 nuwe gemeenskapsfasiliteerders uit 10 nedersettings op te lei wat die vier tradisionele owerhede van die Zambezistreek verteenwoordig.

“Hulle sal as kampvegters na hul nedersettings teruggaan om skadelike kulturele praktykte in die gemeenskappe te voorkom,” sê Mwiya.

- [email protected]

Soortgelyk

 

AgriBusDev-baas geskors

1st of June 18:23 | Regering

Mnr. Petrus Uugwanga, die landbousake-ontwikkelingsagentskap (AgriBusDev) se besturende direkteur, is met onmiddelike effek geskors. Die voorsitter van die AgriBusDev-raad, me. Sophia Kasheeta, het pas ‘n...

Twee 'renosterstropers' verskyn in Gobabis-hof

2 ure gelede | Howe

Twee vermeende renosterstropers het vandag in die landdroshof op Gobabis verskyn.Mnre. Alberto Mbwale en Joseph Matheus het op klagte van die onwettige jag van spesiaal...

Pastoor Babi steeds agter tralies

5 ure gelede | Howe

Pastoor Jackson Babi (30) van die House of Joy Ministries en sy medebeskuldigde, mnr. Friza Dumeni (25), bly steeds agter tralies.Landdros Linus Samunzela het vanoggend...

25ste Covid-19-geval bevestig

7 ure gelede | Gesondheid

'n Vroulike gesondheidswerker (32) is Namibië se jongste Covid-19-geval. Dit bring die aantal bevestigde Covid-19-gevalle in Namibië op 25 te staan. Volgens die minister van...

Hof hoor president is 'mislei' oor arbeidsregulasies

18 ure gelede | Howe

Ronelle Rademeyer - Pres. Hage Geingob is “verkeerd geadviseer” met die opstel van die gewraakte arbeidsregulasies waarvan die grondwetlikheid Vrydag in die hoërhof deur Namibiese...

Namibiërs in haglike omstandighede onder SA-kwarantyn

18 ure gelede | Gesondheid

Twee vroue van Windhoek en die een se 16-jarige dogter meen die vervalle staatshospitaal by Nababeep naby Springbok in die Noord-Kaap waar hulle in kwarantyn...

'Profeet' Babi se borgaansoek vandag

18 ure gelede | Misdaad

Francoise Steynberg – Die bekende, charismatiese en selferkende profeet van die House of Joy Ministries, pastoor Jackson Babi (30), en sy medebeskuldigde, mnr. Friza Dumeni,...

Twee bemanningslede positief vir Covid-19

18 ure gelede | Gesondheid

Henriette Lamprecht & Leandrea Louw – Walvisbaai huisves tans drie aktiewe gevalle van Covid-19 ná ‘n 51-jarige man Saterdag positief vir die virussiekte getoets het....

Fishrot-manne skarrel vir borgtog

18 ure gelede | Misdaad

Augetto Graig – Die Windhoek-landdroshof het Vrydag met verskeie Fishrot-sake gewemel, met borgtogaansoeke wat met aansoeke vir die verlenging van tyd vir verdere ondersoek, meegeding...