Ya Ndakolo: Soldate se verlof deel van besparing

Weermag kán soldate kos gee

23 February 2018 | Ministeries
Estelle de Bruyn



Benewens soldate wat deur die weermag met verpligte verlof gestuur is, is verskeie ander stappe ook deur die ministerie van verdedi­ging geneem om beste­ding te besnoei.

Só sê die minister van verdediging, mnr. Penda ya Ndakolo, wat Dinsdag 'n ministeriële verklaring in die Nasionale Vergadering (NV) voorgelees het.

Hy sê die besluit om die soldate huis toe te stuur was “weldeurdag” en is daarop gemik om die regering tegemoet te kom om uitgawes te bespaar gegewe die huidige ekonomiese situasie in die land.

Van die ander stappe wat die ministerie doen om koste te bespaar, is die uitstel van groot militêre oefeninge wat duur is, die opskorting van die werwing van nuwe lede en die vermindering van en beheer oor voertuigbeweging.

“Deur 30% van die troepe met verpligte verlof te stuur, laat nog 70% van hulle op weermagbasisse. Dit is 'n standaard- militêre gebruik wat deur weermagte dwarsoor die wêreld, veral in vredestye, gedoen word. Ons het nie 100% van ons soldate op basisse nodig nie. Daar is altyd diegene wat op hul eie met verlof is of aan dringende persoonlike sake aandag skenk of met siekverlof is. Om dié rede is 100% van troepe op basisse nie altyd teenwoordig nie. Ek is seker daarvan dit is nie uniek aan die ministerie van verdediging nie.

“Selfs wanneer daar oorlog is, is dit onwaar­skynlik dat 100% van die troepe geredelik beskikbaar sal wees. Daar sal altyd iemand wees wat nie vir diens sal rapporteer nie, om watter rede ook al.

“In ons geval verwerp die ministerie van verdediging ten sterkste die feit dat verpligte verlof vir soldate uitgesonder word en vir politieke en propagandadoeleindes gebruik word,” het Ya Ndakolo gesê.

Hy ontken ook dat soldate huis toe gestuur is omdat daar nie vir hulle kos op die basisse is nie.

“Ons het geen probleem om die troepe van kos te voorsien nie. Mense moet hulle daarvan weerhou om die kwessie te gebruik om goedkoop politieke punte aan te teken,” het hy gesê.

Ya Ndakolo het soldate wat met verpligte verlof gestuur is, aangeraai om hul tyd nuttig en produktief te gebruik, op hul plase te werk en hul families te help om genoeg kos te produseer “om die nasie te voed”.

“Hulle moet ook die tyd gebruik om hul huise te bou en aan buitemuurse aktiwiteite, soos sport en kultuur, deel te neem om fiks en gemotiveerd te bly terwyl hulle met verlof is.”

Ya Ndakolo het die versekering gegee dat selfs met 30% van die land se troepe met verlof, die land se verdediging en sekuriteit veilig is en dat die oorblywende magte in staat is om enige bedreiging die hoof te bied.

Soortgelyk

 

ACC soek vir Rooies

11 ure gelede | Misdaad

Denver Kisting - Die Teenkorrupsiekommissie (ACC) het Maandagmiddag ’n verklaring uitgereik waarin hy die publiek vra om te help om die oudlanddros, mnr. Rooies Mostert,...

Ma, seun van Reho in hof ná tref-en-trap

16 ure gelede | Howe

Denver Kisting – ’n 45-jarige ma van Rehoboth verskyn na verwagting vandag saam met haar tienerseun in die landdroshof op dié dorp.Dít kom nadat die...

Hondelewe vir stropers

1 dag gelede | Ministeries

Francoise Steynberg op Waterberg - Pas ná die ministerie van die omgewing en toerisme met die opleiding van hul honde-eenheid teen stropery begin het, het...

NBC verdrink in skuld

1 dag gelede | Tegnologie

Augetto GraigDie voortslepende arbeidsgeskil by die nasionale uitsaaier (NBC) besorg mnr. Stanley Simataa, minister van inligting en kommunikasietegnologie, hoofbrekens, het hy gesê. “Die NBC verdrink...

PDM beraadslag oor grond

1 dag gelede | Politiek

Augetto Graig - Die nasionale uitvoerende komitee van die amptelike opposisieparty, die Popular Democratic Movement (PDM), het Vrydagaand in voorbereiding op die komende nasionale grondkonferensie...

Weer vir 14 September 2018

1 dag gelede | Weer

BINNELAND: Meestal sonnig en baie warm. KUS: Gedeeltelik bewolk en koud tot matig met miskolle in die oggend op plekke. GETYE BY...

Noodvoedselbank vir hospitale sonder kos

1 dag gelede | Gesondheid

Henriette Lamprecht – ‘n Noodvoedselbank is in die Erongostreek geskep as ‘n tydelike oplossing vir die voedseltekorte wat tans in alle staatshospitale in die streek...

Hoop vir die wilde perde

1 dag gelede | Omgewing

Die wilde perde by Garub in die Suide is ’n vulletjie ryker. Volgens ’n verklaring van die Namibië Wildeperdestigting is die vulletjie se trotse ouers...

Namibiërs trotseer Bolivia se pieke

1 dag gelede | Mense

Elvira Hattingh - Twee kleinneefs, mnre. Gerhard Jacobs en Harmen Potgieter, het onlangs uit Bolivia teruggekeer nadat hulle van die eerste Namibiërs geword het om...