Ya Nangoloh spoeg vuur in mensehandelsaak

Borgtogverhoor duur voort

04 October 2018 | Howe
Kenya Kambowe op Oshakati



Die menseregteaktivis mnr. Phil ya Nangoloh het gister in die Oshakati-landdroshof gesê die twee beskuldigdes wat op klagte van mensehandel en verkragting van 'n 14-jarige meisie verskyn, moet borgtog geweier word.

Ya Nangoloh was die eerste staatsgetuie in die formele borgtogverhoor van mnr. Frederick Jacobus van Zyl (32) en sy 18-jarige medepligtige, Sylvia Bonifatius (18). Hulle staar klagte van mensehandel, twee aanklagte van verkragting, onsedelike praktyke, die bedwelming en/of verdowing van 'n vroulike slagoffer vir onwettige seks in die gesig.

Die twee word daarvan beskuldig dat hulle 'n 14-jarige skoolmeisie van Oshakati in Julie ontvoer, bedwelm en verkrag het. Hulle is eers in September in hegtenis geneem.

Ya Nangoloh, het uitgebreide getuienis voor hooflanddros Mika Namweya gegee en verduidelik die twee beskuldigdes mag nie op borgtog vrygelaat word nie en moet in aanhouding bly totdat die saak afgehandel is.

Ya Nangoloh het verwysings na internasionale en plaaslike wette, asook die Grondwet gemaak en gesê die hof word verbied om borgtog toe te staan as verdagtes op ernstige oortredings soos mensehandel aangekla is.

“Mensehandel is 'n oortreding wat nie borgtog verdien nie. Diegene wat op sulke ernstige klagte soos mensehandel verskyn, moet agter tralies bly totdat die saak afgehandel is en bepaal is of hulle skuldig of onskuldig is,” het Ya Nangoloh gesê.

Die beskuldigdes doen formeel om borgtog aansoek wat die staat om vyf redes teenstaan, onder meer die erns van die oortredings, die vrees dat hulle op die vlug kan slaan, asook dat hulle met die ondersoek kan inmeng.

Die staat meen ook dit is nie in openbare belang of in dié van geregtigheid as hulle borgtog toegestaan word nie, veral omdat die ondersoek nog in 'n vroeë stadium is.

Voor Dinsdag se hofverrigtinge is lede van die publiek deur die Noorde-sakeman mnr. Sigo Amunyela in 'n vreedsame optog gelei in 'n betoog dat borgtog nie aan die beskuldigdes toegestaan word staan nie.

“Te veel sake van ontvoering word in Namibië gerapporteer. Ons weet nie of hierdie twee reeds voorheen vermiste kinders ontvoer het nie en of hulle nog meer kinders gaan ontvoer nie. Hulle is beslis 'n bedreiging vir die samelewing en moet agter tralies bly,” het 'n petisie aan die hof gelui.

Bonifatius het aan die hof gesê dat sy en Van Zyl in 'n romantiese verhouding is. Sy het ook getuig dat sy 'n goeie vriendin van die slagoffer is, maar hulle het die verhouding in Julie beëindig.

Bonifatius het ook beweer dat die slagoffer weggekruip het nadat haar pa haar glo geslaan en uit sy huis gejaag het.

Van Zyl het gister getuig dat hy van geen voorneme is om te vlug nie, “want 'n onskuldige man vlug nie”.

Beide Van Zyl en Bonifatius het gesê dat hulle van voorneme is om onskuldig op alle klagte te pleit.

Bonifatius word deur mnr. Simson Aingura verteenwoordig en Van Zyl deur mnr. Pieter Greyling.

Me. Chrisna Masule is die staatsaanklaer.

Die borgtogverhoor duur voort. Die staat het aangedui dat nóg getuies geroep gaan word.

Soortgelyk

 

Man sterf op Walvisbaai-Swakopmund-pad

4 ure gelede | Ongelukke

Die 27-jarige Franico Esly Huseb is vandag omstreeks 07:30 dood, nadat die bakkie waarin hy op reis was op die pad tussen Swakopmund en Walvisbaai...

Eksamenuitslae dán bekend

4 ure gelede | Onderwys

Die voorlopige uitslae vir graad 10 (JSC) en graad 12 (NSSC) hoë vlak vir voltydse en deeltydse kandidate word aanstaande Donderdag (20 Desember) amptelik bekendgemaak....

Drie meisies verdrink in sandputte

5 ure gelede | Ongelukke

Die Namibiese polisie in die Ohangwenastreek het ‘n beroep op kontrakteurs gedoen om sandputte toe te stoot wat geskep is met die uitgrawe van sand...

1,6 miljoen toeriste besoek Namibië in 2017

6 ure gelede | Toerisme

Altesaam 2,2% meer toeriste het Namibië in 2017 as in die vorige jaar besoek met meer as 1,6 miljoen buitelandse toeriste wat die land ingestroom...

Studente betaal meer by Unam

7 ure gelede | Onderwys

Die finansiële verknorsing waarin die Universiteit van Namibië (Unam) verkeer, tesame met die algemene ekonomiese vooruitsig vir die land, het die universiteitsraad genoop om klasgelde...

Plunderwoude: Ministerie ontken ongerymdhede

17 ure gelede | Plaaslik

Elvira Hattingh - Die ministerie van landbou, water en bosbou sê die meerderheid permitte wat vir die oes en vervoer van hout uitgereik is, is...

Polisie op sy knieë

17 ure gelede | Polisie

Denver Kisting – Die inspekteur-generaal van die Namibiese polisie, lt.genl. Sebastian Ndeitunga, sê die land se finansiële verknorsing het die mag op sy knieë.Ndeitunga het...

Avihe-moordenaar het dalk landuit gevlug

17 ure gelede | Misdaad

Denver Kisting – As Avihe Cheryl Ujaha (9) nie deur iemand in haar binnekring vermoor is nie, is haar moordenaar(s) waarskynlik al landuit.Só sê die...

Weer vir 13 Desember 2018

17 ure gelede | Weer

BINNELAND: Gedeeltelik bewolk en baie tot bloedig warm met geïsoleerde buie plek-plek in die noordelike en sentrale dele. Elders sal dit sonnig en baie tot...