Wêreldbeker: twee wedstryde weens tifoon gekanselleer

10 October 2019 | Sport
Meghan Lawrence - Die organiseerders van die Wêreldbeker-toernooi in Japan het Donderdag twee groepwedstryde wat Saterdag sou plaasvind afgestel weens die bedreiging wat tifoon Hagibis inhou.
Hagibis is op koers om teen die naweek Foekoeoka aan Japan se noordwestelike kuslyn te tref.
Dié supertifoon kan oorstromings veroorsaak.
Die hele Japan word ook gewaarsku dat ’n sterk wind van tot 270 km/h groot ontwrigting kan meebring.
Die Japanse Meteorologiese Agentskap (JMA) sê die tifoon Hagibis is baie kragtig.
Die beheerliggaam, Wêreldrugby, sê hulle het die risiko’s wat die tifoon inhou deeglik oorweeg saam met die plaaslike organiseerders, wat onafhanklike weerkenners aangestel het.
Die naweek se groepwedstryde is dus gekanselleer.
“Ons het die moeilike, maar regte besluit geneem om van die wedstryde weens veiligheidsredes te kanselleer,” sê Wêreldrugby in ’n verklaring wat vroeg Donderdag Suid-Afrikaanse tyd uitgereik is.
Twee groepwedstryde wat Saterdag (plaaslike tye onder aangedui) gespeel word, is gekanselleer.
Dit is die All Blacks teen Italië (13:45) wat in Toyota teen mekaar sou speel en Engeland teen Frankryk (17:15) in Jokohama.
Die wedstryd tussen Ierland en Samoa (19:45) in Fukuoka en Vrydag se wedstryd tussen Australië en Georgië (19:15) in Sjizoeoka gaan voort.
“Die besluit om wedstryde te kanselleer, is nie ligtelik geneem nie. Dié besluit is gedoen in die belang van die publiek, spanne en almal wat betrokke is in die toernooi. Ons het alle opsies oorweeg, maar die publiek en spanne se veiligheid is ons eerste prioriteit.”
Wêreldrugby sê hulle wou ook seker maak dat hulle regverdig optree teenoor die spanne wie se wedstryde gekanselleer is.
Hulle het dus besluit dat, volgens die toernooi se reëls, die spanne wie se wedstryde gekanselleer is, twee punte elk sal kry.
“Ons verstaan dat Engeland, Frankryk, Italië en Nieu-Seeland se ondersteuners teleurgesteld sal wees, maar ons vertrou dat hulle dit sal waardeer dat ons hul veiligheid eerste gestel het.”
Wêreldrugby sê hulle sal almal wat kaartjies vir dié wedstryde gekoop het, se geld ten volle terugbetaal.
Hulle het ’n beroep op alle ondersteuners gedoen om eerder Saterdag binnehuis te bly en nie rond te reis nie. – Netwerk24

Soortgelyk

 

Weduwee en haar eks lank tronk toe vir moord...

13 ure gelede | Howe

Denver Kisting – Rachel Rittman (48) en haar 35-jarige eks, Ryno du Preez, is vanoggend onderskeidelik lewenslange tronkstraf en 30 jaar opgelê vir die moord...

Spuite, pille nie by klinieke

1 dag gelede | Ministeries

Henriette Lamprecht – Tekorte aan voorbehoedmiddels wat voorbehoedpille en –inspuitings insluit, word tans by openbare gesondheidsgeriewe in die land ondervind.Die direkteur van die ministerie van...

Sakkepakke op Lüderitz

1 dag gelede | In beeld

Tanja Bause - Die eerste trein in meer as 20 jaar het Lüderitz in Augustus vanjaar binnegery. Die trein, wat uit twee lokomotiewe en 20...

Gróót oë op Jan Taks

1 dag gelede | Ministeries

Jo-Maré DuddyVerbruikers wat voortaan BTW van 15% op suiker sal moet betaal, is een van die rits belastingaankondigings wat in vanmiddag se halfjaar-begrotingshersiening verwag word.Kenners...

Drie dae, sewe kinders glo verkrag

1 dag gelede | Misdaad

Sewe minderjarige meisies, waarvan die jongste vier en die oudste 15 jaar oud is, het na bewering binne ’n kwessie van drie dae die jongste...

Pushing the boundaries

1 dag gelede | Skole

Ester Kamati “I enjoy coming up with ideas, often random, often impractical, but occasionally valuable,” says young businesswoman of the year Hilja Eelu. Eelu is...

Children need to move

1 dag gelede | Onderwys

Children spend the majority of their day sedentary, behind desks or in front of a screen.The power of movement has been stolen from these children....

Weer vir 22 Oktober

1 dag gelede | Weer

BINNELAND: Gedeeltelik bewolk en bloedig warm in die Noordooste, andersins sonnig en baie tot bloedig warm. Winderige toestande sal oor die binneland voortduur. KUS: Gedeeltelik...

Elke refleks ’n spesifieke doel

1 dag gelede | Onderwys

Henriette Lamprecht - Primitiewe refleksbewegings wat baba vanaf bevrugting en dwarsdeur hul eerste lewensjaar uitvoer, bedraad die brein en versterk die liggaam.Vir elke refleks is...