Wêreldbank: Geen tyd vir ideologiese debat in SA

‘SA glad nie voorbereid’

06 December 2018 | Ekonomie
William Horne – Suid-Afrikaners sal militant moet raak oor openbare gesondheidsorg en onderrig sodat die land by die res van die wêreld ten opsigte van mensekapitaal kan opvang.

Dit is die mening van Jim Yong Kim, president van die Wêreldbank, wat Maandag ’n toespraak by die Universiteit van die Witwatersrand in Johannesburg gelewer het.

Kim sê navorsing deur die Wêreldbank dui daarop dat 70% van ontwikkelde lande se rykdom kom van mensekapitaal soos vergestalt deur openbare gesondheid, opvoeding en infrastruktuur.

Lae-inkomste-lande wat tot dusver tot ’n hoër vlak ontwikkel het, is dié lande wat die ontwikkeling van mensekapitaal prioritiseer.

Volgens hom meen die meeste ontwikkelende lande ongelukkig dat hul toekoms van natuurlike hulpbronne en die vervaardigingsektor afhang. Dit is hierdie wanpersepsie wat sal lei tot katastrofiese werkloosheid en armoede in die nabye toekoms wanneer outomatisering en kunsmatige intelligensie die wêreldekonomie herskep.

Die enigste manier om voor te berei is om te belê in die bevolking, grootskaalse infrastruktuur te bou vir ’n digitale ekonomie wat inklusief kan funksioneer, en om te verseker dat die land mededingend kan wees in die internasionale vrye mark en dus beleggings kan lok.

“Suid-Afrika is glad nie voorbereid om in die ekonomie van die toekoms mededingend te wees nie. Julle moet eintlik op die oorlogspad wees om die nodige veranderinge betyds te bewerkstellig,” het hy gesê.

Luidens die Wêreldbank se navorsing ly 27% van Suid-Afrikaanse kinders aan die permanente gevolge van vertraagde ontwikkeling as babas.

Dit kan lei tot ’n agterstand in breinontwikkeling en minder neurale bane wat die kinders se vooruitsigte vir opvoeding erg belemmer.

Daar is geen manier waarop Suid-Afrika getransformeer kan word sonder direkte buitelandse investering nie. Om hierdie beleggings te lok, moet Suid-Afrika sy instellings verbeter sodat beleggers vertroue het om hier te belê.

Jim Yong Kim, president van die Wêreldbank

Dit is dié kinders wat weens die afwesigheid van voldoende mediese sorg en besteding in hul vroeë jare nooit mededingend in die digitale ekonomie sal kan wees nie, sê Kim. “En nie weens hul eie toedoen nie, gaan hulle in die toekoms die bron van politieke onstabiliteit wees wanneer hulle deur middel van tegnologie elke dag die wêreld waaraan hulle nooit sal kan deelneem nie sal sien, hoor en voel.”

Om openbare gesondheid en opvoeding reg te ruk is verantwoordelike en aanspreeklike leierskap, asook direkte buitelandse investering (DBI) nodig.

“Daar is geen manier waarop Suid-Afrika getransformeer kan word sonder DBI nie. Om hierdie beleggings te lok, moet Suid-Afrika sy instellings verbeter sodat beleggers vertroue het om hier te belê,” sê Kim.

Al is daar ideologiese verskille tussen Suid-Afrikaners oor die toepaslikheid van vryemark- en liberale beginsels wat die land se instellings aanloklik vir die buiteland sou maak, sê Kim, is die tyd vir debat verby.

“Almal is geregtig op hul mening en hul ideologie. Maar die Suid-Afrikaanse onderwysstelsel is so swak dat julle nie meer die voorreg het om oor ideologie te debatteer nie.

“Selfs die kommunistiese lande soos China en Viëtnam voer nie meer die ideologiese debatte wat julle hier voer nie.

“Hulle weet aan die ekonomiese front is bewyse al wat saak maak, en dat dit deurslaggewend vir ’n land is om vir sy eie volhoubaarheid aan die internasionale vrye mark deel te neem.” – Netwerk24

Soortgelyk

 

Honderde miljoene vir veevoer nodig

23 ure gelede | Landbou

Ronelle Rademeyer - Die 2019 droogte is ‘n omvangryke ramp en ten minste N$170 miljoen is nodig om net 5 persent van die nasionale veekudde...

Min of geen handboeke vir nuwe leerplan

23 ure gelede | Onderwys

Henriette Lamprecht – Óf drupsgewys óf glad nie. Dit is volgens verskeie skole oraloor die land die huidige stand van handboeke vir die nuwe leerplan...

Regional council must account for vandalised buildings

23 ure gelede | Infrastruktuur

AUSSENKEHR – The //Kharas Regional Council must account for government buildings that are vandalised and left to become white elephants, the minister of urban and...

Swapo beslis dorpsraadslede se lot

23 ure gelede | Politiek

Dorpsraadslede van Okahandja en Rundu moes Maandag ure lank by Swapo se hoofkantoor in Windhoek wag om te hoor wat hul lot is. Verskeie nasionale...

Groeiende stad druk rioolstelsel

23 ure gelede | Infrastruktuur

Elvira Hattingh - Die Windhoekse munisipaliteit erken sekere rioolpype in die stad moet opgradeer word om die groeiende getal stadsbewoners te akkommodeer. Terselfdertyd beloof hulle...

Weer vir 19 Februarie 2019

23 ure gelede | Weer

WEERWAAK: Bloedige hittetoestande word vir die res van die week in die binneland verwag.BINNELAND: Mooiweer en bloedig warm in die ||Kharasstreek. Elders sal dit gedeeltelik...

Gammams staan steeds stil

23 ure gelede | Regering

Elvira Hattingh – Windhoek se munisipaliteit (CoW) sê hul Gammams-watersuiweringsaanleg staan steeds stil nadat swaarbrandstofolie meer as twee weke gelede in die stad se rioolstelsel...

‘Vroue is sterk’

23 ure gelede | Maatskaplik

Mariselle Stofberg – TrueKrav Namibia het Donderdag, in samewerking met die Namibiese Vrouevereniging en Kosmos, ’n praatjie oor geslagsgeweld in die hoofstad aangebied.TrueKrav bied...

Namcor wil vry van sekere wette wees

23 ure gelede | Energie

Elvira Hattingh - Namibië se Nasionale Petroleumkorporasie (Namcor) het ‘n aansoek by die Namibiese Kompetisie-kommissie ingedien om vir die volgende 10 jaar vrygestel te wees...