Winter en Reën

09 March 2018 | Kuns en vermaak
Daar was lank laas ‘n verwerking van ‘n ou treffer wat so opreg, suiwer en beeldskoon opgeneem is soos Christa Steyn se liedjie “Ek wil vir jou”.

Die uiters talentvolle Lizandra Winter en Joshua na die Reën roer die hartsnare en sorg vir ‘n emosiebelaaide weergawe van hierdie pragtige lied. Die liedjie, wat in Februarie aan radiostasies landswyd uitgereik is, word nou opgevolg met die musiekvideo en gaan beslis asems wegslaan.

In die musiekvideo is Lizandra en Joshua op twee verskillende plekke, maar dit is duidelik dat hulle op dieselfde grond is. Hulle sing elkeen vanuit ‘n plek van verlange met die smagting na die ander een se nabyheid, en hoewel hulle nooit vir mekaar kyk nie, is daar ‘n deel in die video waar hulle baie naby aan mekaar is en rug teen rug staan. Hierdie is ‘n metafoor vir hoe dinge soms in ‘n verhouding is. So naby, maar tog so ver . . .

“Soms, veral in die gejaag van ons daaglikse bestaan, kyk ons na mekaar sonder om mekaar raak te sien. Om weerloos voor iemand te wees is nie maklik nie, maar dit is in daardie plek van oorgee waar ons mekaar begin vind en waar lewe kan begin,” sê Lizandra.

Die video is op Gerhard en Nettie de Villiers se gasteplaas, Erfdeel, verfilm en deur Jean de Villiers van Daville Films vervaardig met addisionele materiaal deur Gustav Reyneke en Japie Kruger.

“Omdat hierdie lied regtig eerlik en rou is en ook ‘n tema van ontbloting aanspreek, wou ons graag iets eenvoudigs, dog treffend uitbeeld met die video. Ek hoop die video sal in sy eenvoud ‘n groot impak op mense se harte hê,” sê Lizandra. - Bron?

Soortgelyk

 

Plastieksakke uit nasionale parke verban

1 dag gelede | Omgewing

Die minister van die omgewing en toerisme, mnr. Pohamba Shifeta, het plastieksakke uit alle nasionale parke in die land verban. Die minister het gemaan geen...

Nampol-beamptes skuldig aan nalatigheid

1 dag gelede | Misdaad

Twee senior polisiebeamptes wat intern ondersoek is vir hul beweerde nalatigheid om betyds te reageer in ‘n saak waarin ‘n 18-jarige vyf familielede vroeër vanjaar...

Ollies les hul dors

2 dae gelede | In beeld

Namibiërs in die Zambezistreek kan vandag na verspreide donderbuie uitsien, terwyl dié elders in die binneland vir eers nog met enkele tot geïsoleerde buie tevrede...

Ekonomie: Hou sand uit wiele

2 dae gelede | Politiek

Ronelle Rademeyer Dubbele belasting, soos belasting op dividende en belasting op kapitaalwins is immoreel en gaan nié die ekonomie laat groei nie.'n Ekonomie is die...

PS'e binnekort nié permanent

2 dae gelede | Regering

Denver Kisting - As beplande wetgewing deurgevoer word, is PS’e binnekort nie meer “permanent” in die tuig nie.Hiernaas sal dié rekenpligtige beamptes van ministeries ook...

Gróót regshervorming binnekort op pad

2 dae gelede | Ministeries

Denver Kisting – Die werksaamhede van die land se howe word deur verskeie uitdagings gekortwiek.In die lig van hervorming wat die minister van justisie, mnr....

Ongelukke: Namibië 45ste op wêreldranglys

2 dae gelede | Ongelukke

Padongelukke kos Namibië jaarliks N$1,3 miljard en is die oorsaak van 3,76% van die land se totale sterftes.Dié skokkende syfers is Dinsdag namens die minister...

Weer vir 23 November 2018

2 dae gelede | Weer

BINNELAND: Gedeeltelik bewolk en bloe­dig warm in die ||Kharasstreek en die Weste. Elders sal dit gedeeltelik bewolk en baie tot bloedig warm wees met enkele...

Weer, Donderdag 22 November 2018

2 dae gelede | Weer

BINNELAND: Sonnig en baie tot bloedig warm in die //Kharasstreek. Elders sal dit gedeeltelik bewolk en baie tot bloedig warm wees. Enkele donderbuie word in...