Winkelwag afgedank, aangekla
Die sekuriteitsmaatskappy beskou die voorval as ‘n ‘interne arbeidskwessie’.
Elvira Hattingh - Die sekuriteitswag wat sy toesighouer in die Auas Valley-winkelsentrum oënskynlik aangeval en met ’n mes gedreig het, is afgedank en ’n saak is teen hom by die polisie aanhangig gemaak.
Die voorval het glo reeds op 9 Mei omstreeks 20:00 plaasgevind.
Southern Cross Security Services se uitvoerende hoof, mnr. Johan Janeke, het berigte weerlê dat ’n lid van die publiek deur een van sy sekuriteitswagte aangeval is, en het beklemtoon die voorval het niks met die Auas Valley-winkelsentrum of sy bestuur te doen gehad nie.
“Dit is ’n interne arbeidskwessie wat lankal reeds afgehandel is. Dit is jammer dat die video nou uitgelek het,” het hy gesê.
’n Video van die voorval het vroeër vandeesweek soos ’n veldbrand in sosiale media versprei.
Janeke sê die man wat aangeval is, is sy werknemer, mnr. Franco Pieters.
Hy sê Pieters was as toesighouer besig met sy normale rondes, en die wag, toe ook ‘n werknemer van Southern Cross Security Services, was glo ontevrede met iets wat Pieters vir hom gesê het. Dít het na wat verneem word tot die voorval gelei.
In daardie stadium het Pieters slegs sowat twee maande vir die sekuriteitsmaatskappy gewerk.
Op kringetelevisiekameras kan gesien word hoe Pieters met die wag praat en dan wegstap. In die video wat in sosiale media versprei is, kan gesien word hoe die wag daarná vir Pieters skop terwyl hy op die grond lê. Hy verdedig homself nie.
Die wag het oënskynlik ’n mes in sy hand. Pieters sê herhaaldelik dat hy “baie jammer” is en “dit nie weer sal doen nie”.
Op die video kan ook gehoor word hoe die man wat die video maak in Oshiwambo vir die wag sê om Pieters nie “dood te maak nie; skop hom eerder net”.
Later sê die wag in Oshiwambo: “Hy pik altyd op my.”
Janeke sê die wag het Pieters nie met die mes gesteek nie, hoewel hy hom skynbaar daarmee gedreig het, en Pieters het geen beserings tydens die voorval opgedoen nie.
Hy het bygevoeg Pieters het net sy werk gedoen en was onskuldig.
Janeke sê hy veroordeel die wag se optrede, en beweer dit is nie ‘n rassekwessie nie.
“Dit het gegaan oor iemand wat verkeerd opgetree het teenoor ‘n medewerker. Southern Cross Security Services sou die saak dieselfde hanteer het, al was die rolle omgeruil.”
Hy sê die sekuriteitswag wat die video van die voorval gemaak het, het ‘n finale waarskuwing ontvang omdat hy nie gehelp het om sy toesighouer te beskerm nie.
Dié wag is steeds in diens van Southern Cross Security Services.
Janeke sê mense moenie die saak uit verband ruk en beweer die winkelsentrum is onveilig nie.
Hy sê ook hy wens mense wil seker maak van hul feite voor hulle kommentaar in sosiale media lewer.
Janeke het bevestig die wag sal in Junie voor die hof verskyn.
Die voorval het glo reeds op 9 Mei omstreeks 20:00 plaasgevind.
Southern Cross Security Services se uitvoerende hoof, mnr. Johan Janeke, het berigte weerlê dat ’n lid van die publiek deur een van sy sekuriteitswagte aangeval is, en het beklemtoon die voorval het niks met die Auas Valley-winkelsentrum of sy bestuur te doen gehad nie.
“Dit is ’n interne arbeidskwessie wat lankal reeds afgehandel is. Dit is jammer dat die video nou uitgelek het,” het hy gesê.
’n Video van die voorval het vroeër vandeesweek soos ’n veldbrand in sosiale media versprei.
Janeke sê die man wat aangeval is, is sy werknemer, mnr. Franco Pieters.
Hy sê Pieters was as toesighouer besig met sy normale rondes, en die wag, toe ook ‘n werknemer van Southern Cross Security Services, was glo ontevrede met iets wat Pieters vir hom gesê het. Dít het na wat verneem word tot die voorval gelei.
In daardie stadium het Pieters slegs sowat twee maande vir die sekuriteitsmaatskappy gewerk.
Op kringetelevisiekameras kan gesien word hoe Pieters met die wag praat en dan wegstap. In die video wat in sosiale media versprei is, kan gesien word hoe die wag daarná vir Pieters skop terwyl hy op die grond lê. Hy verdedig homself nie.
Die wag het oënskynlik ’n mes in sy hand. Pieters sê herhaaldelik dat hy “baie jammer” is en “dit nie weer sal doen nie”.
Op die video kan ook gehoor word hoe die man wat die video maak in Oshiwambo vir die wag sê om Pieters nie “dood te maak nie; skop hom eerder net”.
Later sê die wag in Oshiwambo: “Hy pik altyd op my.”
Janeke sê die wag het Pieters nie met die mes gesteek nie, hoewel hy hom skynbaar daarmee gedreig het, en Pieters het geen beserings tydens die voorval opgedoen nie.
Hy het bygevoeg Pieters het net sy werk gedoen en was onskuldig.
Janeke sê hy veroordeel die wag se optrede, en beweer dit is nie ‘n rassekwessie nie.
“Dit het gegaan oor iemand wat verkeerd opgetree het teenoor ‘n medewerker. Southern Cross Security Services sou die saak dieselfde hanteer het, al was die rolle omgeruil.”
Hy sê die sekuriteitswag wat die video van die voorval gemaak het, het ‘n finale waarskuwing ontvang omdat hy nie gehelp het om sy toesighouer te beskerm nie.
Dié wag is steeds in diens van Southern Cross Security Services.
Janeke sê mense moenie die saak uit verband ruk en beweer die winkelsentrum is onveilig nie.
Hy sê ook hy wens mense wil seker maak van hul feite voor hulle kommentaar in sosiale media lewer.
Janeke het bevestig die wag sal in Junie voor die hof verskyn.
Kommentaar
Republikein
Geen kommentaar is op hierdie artikel gelaat nie