Windhoek Skou begin môre
Ronelle Rademeyer - Windhoekers weet al: As die jakarandas begin blom, is dit skoutyd in die hoofstad.
Die hekke na die 63ste jaarlikse Windhoek Nywerheids- en Landbouskou open om 10:00 môre, met ’n vol program aan die landboukant en ’n veeltal stalletjies met produkte te kus en te keur.
Soos in die verlede kan skougangers ook weer uitsien na die pretpark met sy mallemeule.
Wat die grootveebeoordelings betref, gaan 57 telers altesaam 488 beeste skou. Die Simbra-ras vier sy 30ste bestaansjaar met nasionale kampioenskappe wat Saterdag om 08:00 in Ring 2 in die Arena aangebied word.
Aan die kleinveekant het 45 telers altesaam 1 111 stuks vee ingeskryf. Die Boerbok-, Kalahari Red- en Damaraskaap-telers ding in nasionale kampioenskappe met hul diere mee.
Anders as vorige jare vind die Veeparade vanjaar nie eers op Donderdag plaas nie, maar is verskuif na Dinsdag om 16:30 in die Arena.
Toegang vir die skou beloop N$40 vir volwassenes en N$20 vir skoolgaande kinders. Bejaardes kan die skou gratis bywoon.
WEN KAARTJIES
Twintig lesers kan elkeen dubbelkaartjies na die Windhoek Skou wen. SMS die woord “SKOU”, jou naam en van na 51500 om in aanmerking te kom. Elke SMS kos N$3 en die lyn sluit om middernag.
Die hekke na die 63ste jaarlikse Windhoek Nywerheids- en Landbouskou open om 10:00 môre, met ’n vol program aan die landboukant en ’n veeltal stalletjies met produkte te kus en te keur.
Soos in die verlede kan skougangers ook weer uitsien na die pretpark met sy mallemeule.
Wat die grootveebeoordelings betref, gaan 57 telers altesaam 488 beeste skou. Die Simbra-ras vier sy 30ste bestaansjaar met nasionale kampioenskappe wat Saterdag om 08:00 in Ring 2 in die Arena aangebied word.
Aan die kleinveekant het 45 telers altesaam 1 111 stuks vee ingeskryf. Die Boerbok-, Kalahari Red- en Damaraskaap-telers ding in nasionale kampioenskappe met hul diere mee.
Anders as vorige jare vind die Veeparade vanjaar nie eers op Donderdag plaas nie, maar is verskuif na Dinsdag om 16:30 in die Arena.
Toegang vir die skou beloop N$40 vir volwassenes en N$20 vir skoolgaande kinders. Bejaardes kan die skou gratis bywoon.
WEN KAARTJIES
Twintig lesers kan elkeen dubbelkaartjies na die Windhoek Skou wen. SMS die woord “SKOU”, jou naam en van na 51500 om in aanmerking te kom. Elke SMS kos N$3 en die lyn sluit om middernag.
Kommentaar
Republikein
Geen kommentaar is op hierdie artikel gelaat nie