Windhoek se boeke klop (wéér) nie

Tariewe styg met tot 5%

24 August 2021 | Plaaslik
Ronelle Rademeyer – Windhoek se stadsvaders het 'n begroting van N$4,9 miljard vir die 2021-'22-finansiële jaar goedgekeur, waarvan sowat N$4,4 miljard vir operasionele uitgawes aangewend sal word.

Aangesien die land se hoofstad 'n verwagte inkomste van meer as N$4,6 miljard gaan hê, kan die surplus van sowat N$213,4 miljoen aan kapitaalprojekte bestee word. Die verwagte inkomste uit regeringsubsidies en -toelaes beloop N$500 miljoen.

Me. Jennifer Comalie, strategiese uitvoerende hoof vir finansies en kliëntediens by die munisipaliteit, het gister aan joernaliste gesê dié begroting sluit egter nie waardevermindering in nie. Sou dit in berekening gebring word, sal vir 'n verdere N$565 miljoen begroot moet word.

Dit sal die stadskas in die huidige finansiële jaar met 'n tekort van sowat N$351,6 miljoen laat.

Dit blyk die groot koste-items aan die uitgawekant is die salaris­rekening en die aankoop van elektrisiteit by NamPower – beide verteenwoordig 35% van die totale operasionele begroting.

Die munisipaliteit het N$1,55 miljard vir personeeluitgawes begroot, terwyl hy NamPower N$1,53 miljard vir elektrisiteit aan die hoof­stad sal moet betaal.

Comalie sê verskeie faktore plaas tans groot druk op die stadsbegroting. Dit sluit in verhogings in die grootmaattariewe van leweransiers soos NamPower, die negatiewe groei in die bruto binnelandse produk (BBP), die hoë werkloosheidsyfer in Windhoek, die druk wat verstedeliking op die lewering van basiese dienste plaas, asook die Covid-19-pandemie.

Die munisipaliteit gaan in dié boekjaar N$165,44 miljoen aan die diens van nuwe erwe, die opgradering van informele nedersettings en behuisingsprojekte bestee.

Comalie sê die hoofstad se plaaslike owerheid spits hom toe op 'n volhoubare operasionele begroting wat volledig deur dienslewering en bykomende inkomstebronne gefinansier word.

Daar word net vir ­kapitaalprojekte begroot wanneer die munisipaliteit seker is geld is beskikbaar om dit aan te pak.

Verder streef die stadsvaders daarna om die salarisrekening onder 35% van die totale operasionele begroting te hou, hoewel die regering se maatstaf 40% is, sê Comalie.

Volgens haar wil die munisipaliteit 'n wentelfonds begin met geld wat uit die verkoop van grond verdien word.

Verder wil hy sy afhanklikheid van grootmaatverskaffers soos Nam­Power verminder deur 'n sonkrag­aanleg van 25 MW vir Windhoek op te rig.



DUURDER DIENSTE

In Junie verlede jaar het Windhoek se inwoners die stadskas N$1,01 miljard geskuld. In Junie vanjaar het die skuldboek op N$981 miljoen gestaan.

Wat die verhoging van tariewe vir dienste betref, lyk die ­prentjie só:

• Watertariewe bly onveranderd;

• Huishoudelike afvalverwydering styg met 5%;

• Eiendomsbelasting bly onveranderd;

• Vaste-afvalbestuur styg met 5%;

• Riolering bly onveranderd; en

• Elektrisiteit se tarief styg met 3,7%. Dit is nog onderhewig aan goedkeuring deur die Elektrisiteitsbeheerraad (ECB).

Comalie sê die uitwerking van hierdie tariefverhogings is dat mense in die laerinkomste-woonbuurte soos Katutura se munisipale rekening (water en elektrisiteit uitgesluit) met gemiddeld N$10 sal styg. In middelinkomste-woonbuurte soos Doradopark sal hulle N$20 meer moet opdok en in woonbuurte soos Olympia sal hulle voortaan N$29 per maande meer betaal.

Hoe hoër die waarde van 'n eiendom, hoe meer sal eienaars deur die ­stygings geraak word, sê sy.

Die heffing vir brandweerdienste styg ook met N$10 vir residensiële inwoners, N$20 vir kerke, sportinstansies, klubs en toeriste-instellings, N$50 vir plase en regerings- en onderwysinstellings en N$350 vir groot nywerhede en kommersiële besig­hede.
[email protected]

Soortgelyk

 

Vier sterftes, 25 nuwe gevalle

8 ure gelede | Gesondheid

Die Covid-sterftes styg met vier (een tuissterfte) tot 3 538. Gister is 25 nuwe gevalle aangemeld, 'n positiewe koers van 2,2%. Dit sluit drie leerlinge,...

PAS IN: Drie uit ses skuldig aan moord

12 ure gelede | Howe

‘n Vrou wat ‘n groep mans betaal het om haar man te vermoor, is vandag in die hoërhof in Windhoek skuldig bevind aan moord.Die oorledene...

MTC en regering gaan saamwerk om inentings teen Covid...

13 ure gelede | Gesondheid

'n Inisiatief tussen die regering en die mobiele telekommunikasiemaatskappy MTC, “Namibia VaxUP081 Incentive", gaan inwoners vergoed wat hul eerste dosis entstof teen Covid-19 ontvang. Volgens...

Net 14,2% van bevolking ten volle ingeënt

13 ure gelede | Gesondheid

Terwyl Namibië se doelwit was om 750 000 van die land se 1,5 miljoen geoormerkte persone vir immunisering teen Donderdag in te ent, het net...

Aandklokreël opgehef

14 ure gelede | Regering

President Hage Geingob het die aandklokreël amptelik as deel van die nuwe Covid-19-regulasies opgehef. Openbare byeenkomste kan deur 200 persone bygewoon word, so ook dieselfde...

Tweede lugmagongeluk binne enkele weke

1 dag gelede | Ongelukke

Tunohole Mungoba en Ellanie Smit‘n F-7 vegvliegtuig van die Namibiese lugmag het vroeër vandag by die Ondangwa-lughawe neergestort.Die weermag het joernaliste wat kort na die...

Creativity and mental health: Where do we overstep

1 dag gelede | Gesondheid

Kalistu R Mukoroli, PR and brand strategistWe tend to preach about being creative, but isn’t this contributing to mental health issues? Creative people always push...

Tourism mogul driven by passion

1 dag gelede | Toerisme

Iréne-Mari van der Walt Part-owner of Swakop Cycle Tours Paul Ndjambula says despite his business being conceptualised during his time as an intern, it took...

Kalahari se water in die gedrang

1 dag gelede | Omgewing

Frank Steffen en Brigitte Weidlich – “Dit mag eenvoudig nie gebeur nie! Maak nie saak hoe jy uitloogproses benader nie, hierdie unieke kom sal onvermydelik...