Windhoek raak ernstig oor water
Watertoevoer na skole is herstel na minister uitstaande rekeninge betaal.
Augetto Graig - Die Windhoekse munisipaliteit gaan Dinsdag 24 Januarie alle onwettige karwasbesighede in die hoofstad toemaak, hul toerusting konfiskeer en elk boetes van minstens N$1 000 oplê.
Huishoudings wat onwettige besighede van water en krag voorsien, se dienste sal onmiddellik afgesny word.
Tydens die eerste fase van die opruimingsaksie sal twee munisipale spanne volgende week stelselmatig die stad begin fynkam vir onwettige karwassers.
Mnr. Dieter Tolke, 'n tegnikus in die stad se bestuurseenheid vir wateraanvraag, het gister gesê die beplande aksie teiken spesifiek onwettige karwasbesighede in oop openbare areas om die stad, of op sypaadjies.
Besighede wat sonder die vereiste dokumente werksaam is, sal gesluit word.
Hulle moet ook aan die stad se bouregulasies voldoen.
In die verlede is oortredings dikwels oor die hoof gesien, omdat dit Windhoek se beleid is om klein besighede te ondersteun, sê Tolke.
“Met die huidige watertekort het die situasie net vererger en is dit onregverdig teenoor wettige besighede. Onwettige besighede veroorsaak ook skade aan die stad se infrastruktuur.”
Tolke sê gemeenskappe word geraak deur die waterpoele wat onwettige karwasbesighede op sypaadjies laat. Daar is nie plek vir mense om te stap en kinders om te speel nie.
Tolke noem dat 'n halwe kilometer teerpad sowat N$1 miljoen kos om te herstel, maar selfs erger skade word aan die stad se rioolstelsel veroorsaak.
“In Windhoek is die rioolstelsel afsonderlik van die stormwaterstelsel en kan die seepwater, sand en rotse wat in dié stelsel afspoel, verstopping veroorsaak,” sê hy.
Tolke skat daar is tans tussen 100 en 300 karwasbesighede in Windhoek.
“Baie van die besighede word op of langs klein erwe bedryf, waar daar geen ruimte vir verbetering is nie,” sê hy.
“Maak seker die besigheid is binne jou erf se grense,” waarsku hy.
Karwassers kan die munisipaliteit se boubeheerkantore nader vir hulp en inligting oor hoe om binne die wet hul besighede te bedryf. Karwasbesighede wat binne privaaterwe se grense bedryf word sal gedurende die tweede fase van die veldtog geteiken word.
SKOLE HET WEER WATER
Intussen het die stad weer die watertoevoer na 25 skole herstel na hul water is weens die ministerie van onderwys, kuns en kultuur se wanbetaling van rekeninge.
Me. Lydia Amutenya, woordvoerder van Windhoek se munisipaliteit, het die heraansluitings bevestig. Me. Sanet Steenkamp, permanente sekretaris van onderwys, kuns en kultuur, het dit beaam.
Nie een van die twee wou sê watter bedrag die ministerie aan Windhoek se munisipaliteit verskuldig is nie, maar Steenkamp het vroeër gesê 'n aansienlike bedrag is Maandag oorbetaal en dat nog 'n betaling Vrydag gemaak sal word.
Daar word beweer die bedrag kan meer as N$25 miljoen wees.
Die ministerie van finansies was ook nie gewillig om meer oor die saak te sê nie.
Hulle het ook geweier om meer te sê oor die strenger maatreëls, wat weens die regering se huidige poging tot besuiniging, in werking gestel is.
Huishoudings wat onwettige besighede van water en krag voorsien, se dienste sal onmiddellik afgesny word.
Tydens die eerste fase van die opruimingsaksie sal twee munisipale spanne volgende week stelselmatig die stad begin fynkam vir onwettige karwassers.
Mnr. Dieter Tolke, 'n tegnikus in die stad se bestuurseenheid vir wateraanvraag, het gister gesê die beplande aksie teiken spesifiek onwettige karwasbesighede in oop openbare areas om die stad, of op sypaadjies.
Besighede wat sonder die vereiste dokumente werksaam is, sal gesluit word.
Hulle moet ook aan die stad se bouregulasies voldoen.
In die verlede is oortredings dikwels oor die hoof gesien, omdat dit Windhoek se beleid is om klein besighede te ondersteun, sê Tolke.
“Met die huidige watertekort het die situasie net vererger en is dit onregverdig teenoor wettige besighede. Onwettige besighede veroorsaak ook skade aan die stad se infrastruktuur.”
Tolke sê gemeenskappe word geraak deur die waterpoele wat onwettige karwasbesighede op sypaadjies laat. Daar is nie plek vir mense om te stap en kinders om te speel nie.
Tolke noem dat 'n halwe kilometer teerpad sowat N$1 miljoen kos om te herstel, maar selfs erger skade word aan die stad se rioolstelsel veroorsaak.
“In Windhoek is die rioolstelsel afsonderlik van die stormwaterstelsel en kan die seepwater, sand en rotse wat in dié stelsel afspoel, verstopping veroorsaak,” sê hy.
Tolke skat daar is tans tussen 100 en 300 karwasbesighede in Windhoek.
“Baie van die besighede word op of langs klein erwe bedryf, waar daar geen ruimte vir verbetering is nie,” sê hy.
“Maak seker die besigheid is binne jou erf se grense,” waarsku hy.
Karwassers kan die munisipaliteit se boubeheerkantore nader vir hulp en inligting oor hoe om binne die wet hul besighede te bedryf. Karwasbesighede wat binne privaaterwe se grense bedryf word sal gedurende die tweede fase van die veldtog geteiken word.
SKOLE HET WEER WATER
Intussen het die stad weer die watertoevoer na 25 skole herstel na hul water is weens die ministerie van onderwys, kuns en kultuur se wanbetaling van rekeninge.
Me. Lydia Amutenya, woordvoerder van Windhoek se munisipaliteit, het die heraansluitings bevestig. Me. Sanet Steenkamp, permanente sekretaris van onderwys, kuns en kultuur, het dit beaam.
Nie een van die twee wou sê watter bedrag die ministerie aan Windhoek se munisipaliteit verskuldig is nie, maar Steenkamp het vroeër gesê 'n aansienlike bedrag is Maandag oorbetaal en dat nog 'n betaling Vrydag gemaak sal word.
Daar word beweer die bedrag kan meer as N$25 miljoen wees.
Die ministerie van finansies was ook nie gewillig om meer oor die saak te sê nie.
Hulle het ook geweier om meer te sê oor die strenger maatreëls, wat weens die regering se huidige poging tot besuiniging, in werking gestel is.
Kommentaar
Republikein
Geen kommentaar is op hierdie artikel gelaat nie