Windhoek Hoërskool - ’n hele eeu jonk!
Op 5 Februarie 1917 het mnr. William Anderson die eerste hoërskool in Suidwes-Afrika geopen. Presies 101 jaar later staan hierdie skool steeds en dien dit as een van die mees vooraanstaande opvoedkundige instellings in Namibië. Anderson was vir die volgende 30 jaar die “blou” skool se skoolhoof.
Die skool het in daardie stadium net sewe graad 7-leerlinge gehad. Dwarsdeur sy loopbaan as skoolhoof het Anderson alles met groot entoesiasme aangepak. Hy het leerlinge aangemoedig om hul beste te gee.
Sy insig het vrugte op sport- én akademiese gebied afgewerp.
Toe hy in 1946 aftree, verlaat hy die skool met hoë standaarde wat gestel is.
Goeie punte was volgens hom net die helfte van die stryd - die belangrikste was vir hom dat leerders die wêreld met met trots en goeie morele waardes ingaan.
TYDLYN
1919
Die embleem met die leuse “Virtus Floreat” (deugsaamheid floreer), soos dit vandag nog gebruik word, is deur Anderson ontwerp. Dit bestaan uit ‘n koedoekop teen ’n ligblou agtergrond met ‘n wit banier agter die horings. Die banier beeld die letters “WHS” uit. Die koedoe simboliseer skoonheid, genade, waaksaamheid en trots. Die blou verwys na oop ruimte en die hoop op ’n blink toekoms. Wit verteenwoordig eenheid.
1921
Die eerste vier standerd 10’s skryf hul matriekeksamen in November en die eerste basiese skooluniform maak sy verskyning.
1923
Die Boy Scout Troop word by Windhoek Government School op die been gebring.
1925
WHS trek na “die sinkgebou”, waar die skool tans nog geleë is. WHS was oorspronklik by die Laerskool Emma Hoogenhout in Robert Mugabeweg. Dié perseel is vandag ‘n museum. In dieselfde jaar word die eerste Girl Guides Company en Windhoek Highschool Magazine bekend gestel.
1927
WHS se alumni word tydens die 19 jaar-viering gevestig. Klasse word in Afrikaans, Engels en Duits aangebied.
1928
Inhuldiging van die eerste SWA Interschool Championship Sports (SWAICS) en Arts-kompetisie.
1930’s
Depressiejare. Moeilike ekonomiese omstandighede. Die skool kry ‘n vlootblou skoolbaadjie met ligblou strepe.
1932
Afrikaans word as onderrigmedium aanvaar.
1935
Voortrekkerbeweging word by WHS gestig.
1934-’36
WHS bekleë ‘n unieke plek in Suider-Afrika. Leerlinge word toegelaat om hul matriekeksamen in enige van die drie aanvaarde tale, Afrikaans, Engels of Duits, te voltooi.
1938
Die nuwe hoofgebou en die Small Hall word ingehuldig.
1939
Die eerste rugbyliedjie word geskryf en voor elke wedstryd gesing.
1945
Vlootblou skoolbaadjie met ligbou omboorsel.
1946
Anderson tree ná 30 jaar as skoolhoof af.
1950
Die skoollied word vir die eerste keer in Engels gesing.
1952
Die Alte Feste word as ‘n koshuis vir seuns aangewend en as klaskamers. Die eerste 100%-slaagsyfer vir 98 standerd 8’s en 24 standerd 10’s.
1953
Die laaste interhuisatletiekvergadering met vier spanne: Kanniedood, Swarthaak, Wag-‘n-Bietjie en Haak-en-Steek.
1958
Koshuis 1 het oorspronklik net meisies gehuisves en later seuns. Dit was langs die huidige skoolgebou geleë. WHS se vlootblou baadjie met ligblou en wit strepe word geregistreer. Die paviljoen word op die rugbyveld gebou.
1961
Meer as 1 000 leerlinge is geregistreer. Owerhede begin met die bou van Hoërskool Jan Möhr High en Hoërskool Centaurus. Die skool se eerste langspeelplaat, WHS Varia, word bekend gestel.
1962
Die skoollied word in Afrikaans vertaal. Hoërskool Centaurus neem al die Engelse leerlinge, en leerlinge wat aan die westelike kant van Kaiserstrasse gewoon het, word by Hoërskool Jan Möhr ingeskryf. In dieselfde jaar verskyn die eerste skoolkoerant, die Virtus Floreat.
1964
WHS koop sy eerste skoolbus, die Blou Ark, aan en die eerste Cravenweek-span word gekies, waarvan agt spelers uit WHS kom.
1965
Die leerlingraad vestig die skool se erekode, “Die Here is my banier. My skool, my eer”.
1966
Die eerste interhoër atletiek tussen WHS en Hoërskool Jan Möhr vind plaas.
1967
WHS vier sy 50ste bestaansjaar.
1969
Die skoolkalender bestaan uit vier kwartale en 200 skooldae.
1971
Die seuns van Koshuis 1, langs die skool, verhuis na die nuutgeboude Koshuis 1 op die bult. Die JG van der Wath-stadion word aan WHS oorhandig.
1973
Die hoofgebou en laboratoriums word ingehuldig.
1974
Nuwe skooldrag word vir senior leerlinge ingestel.
1978
WHS bou ‘n swembad en Koshuis 1 word na Huis Dreyer hernoem.
1979
Onthulling van die rugbygalery en WHS se leerlingraadkamer.
1982
Eerste Aus-atletiekbyeenkoms tussen WHS en Hoërskool Wennie du Plessis.
1985
Rekenaarstudie word vir die eerste keer in die skool aangebied.
1986
Oop speelgrond net vir matrieks.
1987
WHS word 70.
1988
Standerd 5’s word vir die eerste keer by die hoërskool ingeskryf en die skool behaal ‘n 100%-matriekslaagsyfer.
1990
Namibië raak onafhanklik en WHS aanvaar leerlinge van alle stamme en tale. Klasse ook in Engels aangebied. In dieselfde jaar word die The Windhoek School Foundation gevestig. Dit was die laaste jaar wat Latyn as skoolvak aangebied is.
1991
Mev. Kuvambo Nujoma open die House Competition. Die skoollied se eerste vers is in Afrikaans en die tweede vers in Engels. Karlienhof en Huis Floreat smelt saam en word Karlienhof.
1992
WHS het ‘n gemiddeld van 1 200 leerlinge in grade 8 tot 12.
1993
Laaste jaar vir graad 7’s om aan die hoërskool in te skryf.
1994
Laaste jaar wat die die matrieks die KOD-eksamen skryf.
1995
Eerste jaar wat die Cambridge- en eksterne eksamens geskryf word.
1997
WHS word 80.
1998
Die internet word vir alle leerlinge beskikbaar gestel.
2000
Die JG van der Wath-stadion word na Vegkop hernoem en die eerste internasionale interhoër atletiekbyeenkoms word teen Hoërskool Upington gehou.
2007
Die skool word 90.
2009
Vegkop kry atletiekbane van gras en raak ook ‘n venue vir die T20.
2011
WHS Old Boys Cricket Centre word gestig.
2012
WHS High Performance Centre open en die gimnasium kry ‘n voltydse afrigter.
2016
WHS word 99. Al die eerste spanne, insluitende rugby, seuns- en meisieshokkiespanne en netbal, wen by nasionale ligas. Eerste jaar van gratis onderrig.
2017
WHS vier ’n eeu.
Die W.H.S 100-jaar gedenkblad is by Finasiële sekretaresse, Marly Schrader, tydens skoolure teen N$250 beskibaar. Enige navrae kan aan Bertus Gous by 081 272 9889 of [email protected] gerig word.
Die skool het in daardie stadium net sewe graad 7-leerlinge gehad. Dwarsdeur sy loopbaan as skoolhoof het Anderson alles met groot entoesiasme aangepak. Hy het leerlinge aangemoedig om hul beste te gee.
Sy insig het vrugte op sport- én akademiese gebied afgewerp.
Toe hy in 1946 aftree, verlaat hy die skool met hoë standaarde wat gestel is.
Goeie punte was volgens hom net die helfte van die stryd - die belangrikste was vir hom dat leerders die wêreld met met trots en goeie morele waardes ingaan.
TYDLYN
1919
Die embleem met die leuse “Virtus Floreat” (deugsaamheid floreer), soos dit vandag nog gebruik word, is deur Anderson ontwerp. Dit bestaan uit ‘n koedoekop teen ’n ligblou agtergrond met ‘n wit banier agter die horings. Die banier beeld die letters “WHS” uit. Die koedoe simboliseer skoonheid, genade, waaksaamheid en trots. Die blou verwys na oop ruimte en die hoop op ’n blink toekoms. Wit verteenwoordig eenheid.
1921
Die eerste vier standerd 10’s skryf hul matriekeksamen in November en die eerste basiese skooluniform maak sy verskyning.
1923
Die Boy Scout Troop word by Windhoek Government School op die been gebring.
1925
WHS trek na “die sinkgebou”, waar die skool tans nog geleë is. WHS was oorspronklik by die Laerskool Emma Hoogenhout in Robert Mugabeweg. Dié perseel is vandag ‘n museum. In dieselfde jaar word die eerste Girl Guides Company en Windhoek Highschool Magazine bekend gestel.
1927
WHS se alumni word tydens die 19 jaar-viering gevestig. Klasse word in Afrikaans, Engels en Duits aangebied.
1928
Inhuldiging van die eerste SWA Interschool Championship Sports (SWAICS) en Arts-kompetisie.
1930’s
Depressiejare. Moeilike ekonomiese omstandighede. Die skool kry ‘n vlootblou skoolbaadjie met ligblou strepe.
1932
Afrikaans word as onderrigmedium aanvaar.
1935
Voortrekkerbeweging word by WHS gestig.
1934-’36
WHS bekleë ‘n unieke plek in Suider-Afrika. Leerlinge word toegelaat om hul matriekeksamen in enige van die drie aanvaarde tale, Afrikaans, Engels of Duits, te voltooi.
1938
Die nuwe hoofgebou en die Small Hall word ingehuldig.
1939
Die eerste rugbyliedjie word geskryf en voor elke wedstryd gesing.
1945
Vlootblou skoolbaadjie met ligbou omboorsel.
1946
Anderson tree ná 30 jaar as skoolhoof af.
1950
Die skoollied word vir die eerste keer in Engels gesing.
1952
Die Alte Feste word as ‘n koshuis vir seuns aangewend en as klaskamers. Die eerste 100%-slaagsyfer vir 98 standerd 8’s en 24 standerd 10’s.
1953
Die laaste interhuisatletiekvergadering met vier spanne: Kanniedood, Swarthaak, Wag-‘n-Bietjie en Haak-en-Steek.
1958
Koshuis 1 het oorspronklik net meisies gehuisves en later seuns. Dit was langs die huidige skoolgebou geleë. WHS se vlootblou baadjie met ligblou en wit strepe word geregistreer. Die paviljoen word op die rugbyveld gebou.
1961
Meer as 1 000 leerlinge is geregistreer. Owerhede begin met die bou van Hoërskool Jan Möhr High en Hoërskool Centaurus. Die skool se eerste langspeelplaat, WHS Varia, word bekend gestel.
1962
Die skoollied word in Afrikaans vertaal. Hoërskool Centaurus neem al die Engelse leerlinge, en leerlinge wat aan die westelike kant van Kaiserstrasse gewoon het, word by Hoërskool Jan Möhr ingeskryf. In dieselfde jaar verskyn die eerste skoolkoerant, die Virtus Floreat.
1964
WHS koop sy eerste skoolbus, die Blou Ark, aan en die eerste Cravenweek-span word gekies, waarvan agt spelers uit WHS kom.
1965
Die leerlingraad vestig die skool se erekode, “Die Here is my banier. My skool, my eer”.
1966
Die eerste interhoër atletiek tussen WHS en Hoërskool Jan Möhr vind plaas.
1967
WHS vier sy 50ste bestaansjaar.
1969
Die skoolkalender bestaan uit vier kwartale en 200 skooldae.
1971
Die seuns van Koshuis 1, langs die skool, verhuis na die nuutgeboude Koshuis 1 op die bult. Die JG van der Wath-stadion word aan WHS oorhandig.
1973
Die hoofgebou en laboratoriums word ingehuldig.
1974
Nuwe skooldrag word vir senior leerlinge ingestel.
1978
WHS bou ‘n swembad en Koshuis 1 word na Huis Dreyer hernoem.
1979
Onthulling van die rugbygalery en WHS se leerlingraadkamer.
1982
Eerste Aus-atletiekbyeenkoms tussen WHS en Hoërskool Wennie du Plessis.
1985
Rekenaarstudie word vir die eerste keer in die skool aangebied.
1986
Oop speelgrond net vir matrieks.
1987
WHS word 70.
1988
Standerd 5’s word vir die eerste keer by die hoërskool ingeskryf en die skool behaal ‘n 100%-matriekslaagsyfer.
1990
Namibië raak onafhanklik en WHS aanvaar leerlinge van alle stamme en tale. Klasse ook in Engels aangebied. In dieselfde jaar word die The Windhoek School Foundation gevestig. Dit was die laaste jaar wat Latyn as skoolvak aangebied is.
1991
Mev. Kuvambo Nujoma open die House Competition. Die skoollied se eerste vers is in Afrikaans en die tweede vers in Engels. Karlienhof en Huis Floreat smelt saam en word Karlienhof.
1992
WHS het ‘n gemiddeld van 1 200 leerlinge in grade 8 tot 12.
1993
Laaste jaar vir graad 7’s om aan die hoërskool in te skryf.
1994
Laaste jaar wat die die matrieks die KOD-eksamen skryf.
1995
Eerste jaar wat die Cambridge- en eksterne eksamens geskryf word.
1997
WHS word 80.
1998
Die internet word vir alle leerlinge beskikbaar gestel.
2000
Die JG van der Wath-stadion word na Vegkop hernoem en die eerste internasionale interhoër atletiekbyeenkoms word teen Hoërskool Upington gehou.
2007
Die skool word 90.
2009
Vegkop kry atletiekbane van gras en raak ook ‘n venue vir die T20.
2011
WHS Old Boys Cricket Centre word gestig.
2012
WHS High Performance Centre open en die gimnasium kry ‘n voltydse afrigter.
2016
WHS word 99. Al die eerste spanne, insluitende rugby, seuns- en meisieshokkiespanne en netbal, wen by nasionale ligas. Eerste jaar van gratis onderrig.
2017
WHS vier ’n eeu.
Die W.H.S 100-jaar gedenkblad is by Finasiële sekretaresse, Marly Schrader, tydens skoolure teen N$250 beskibaar. Enige navrae kan aan Bertus Gous by 081 272 9889 of [email protected] gerig word.
Kommentaar
Republikein
Geen kommentaar is op hierdie artikel gelaat nie