Williams tref PNG soos 'n sandstorm

Krieket

11 October 2019 | Sport
Tielman van Lill - ’n Meesterlike kolfvertoning deur Craig Williams as mokerman het gewys waarmee Namibië se uitdagers in ’n snikhete Dubai te make gaan hê wanneer die Internasionale Krieketraad (ICC) se kwalifiserende T20-Wêreldbekertoernooi op 19 Oktober amptelik begin.

Hoewel die toerspan Woensdag, ’n dag ná hul aankoms, hul eerste opwarmwedstryd teen Papoea-Nieu-Guinee met vyf paaltjies gewen het, moes Niko Davin weens hitte-uitputting met 69 lopies agter sy naam halt roep.

PNG het eerste gekolf en ’n stewige 208 lopies vir drie in sy toegelate 20 boulbeurte op die telbord geplaas.

Die Namibiese boulers het heel skaflik op die vreemde kolfblad gevaar. Die naatboulers Ben Shikongo en Jan Frylinck het onderskeidelik in hul vier en twee boulbeurte swaar straf verduur, wat onnodige druk op die Eagles se kolwers geplaas het. Die Eagles-boulers wat elk eenpaaltjie laat kantel het, was Zhivago Groenewald (3 bb, 1/27), kaptein Gerhard Erasmus (3 bb, 1/22) en Christi Viljoen (2 bb, 1/13). Die ander boulers JJ Smit (4 boulbeurte, 0/36), Ben Shikongo (4 bb, 0/67), Frylinck (2 bb, 0/26), Bernard Scholtz (2 bb, 0/11) help beperk PNG wat nogtans ’n stewige T20-totaal opstel.

Hoewel die gevaarlike aanvangskolwers Tony Uro (10 lopies, 10 balle, 2x4, bvp geboul Groenewald) en Assad Vala (35 van 25 b, 4x4, geboul Erasmus) redelik goedkoop uit is, is dit Lega Siaka wat op nommer drie instap om die Eagles te kasty.

Siaka se onoorwonne 112* slaan hy van 63 aflewerings wat nege sesse en ses viere insluit en so byna die wedstryd uit Namibië se hande neem. Charles Amini (19 van 12 b, 2x4, gevang Smit, geboul Viljoen) en Sese Bau (21* van 13 b, 1x4, 1x6) is die laaste lopiemakers.

In die Eagles se antwoord was aanvangskolwer Stephen Baard (3 van 5 b) ongelukkig om sy paaltjie vroeg te verloor. Maar Davin wat saam met Baard geopen het, het met vyf viere en vier sesse van 41 aflewerings geskitter totdat hy op 69* die veld met hitte-uitputting verlaat.

JP Kotzé (18 van 7 b, 1x4, 2x6, geboul), Erasmus (38 van 29 b, 2x4, 2x6, gevang) en Zane Green (10 van 14 b, gevang) het geweet wat om te doen om die vereiste 10.4 lopies per boulbeurt van PNG suksesvol te jaag.

Maar die Eagles se boulbeurte het spoedig opdroog en JJ Smit en Craig Williams moes in die laaste boulbeurt 34 lopies slaan om ’n oorwinning te behaal. Smit 22* (12 bb, 1x4, 1x6) was op sy stukke, maar dis die gesoute Williams wat die fut uit PNG se boulwerk haal.

Met net ses aflewerings oor en hul telling op 175/4 staar ’n pak slae in die Eagles in die gesig, maar Williams moker in die laaste boulbeurt 35 lopies om die uitslag in sy span se guns te swaai en as die speler van die wedstryd aangewys te word.

Williams eindig met 42* van net 14 balle, wat drie viere en vier sesse insluit.

• Namibië was gister veel makliker aan die wenkant in sy opwarmwedstryd nommer twee, teen die gasheerland.

Die Eagles boul die VAE vir ’n skamele 75 lopies uit, met die groot skade aangerig deur die speler van die wedstryd, Jan Frylinck. Hy stuur net twee boulbeurte af, maar laat vier kolwers terugstap ten koste van net drie lopies.

Sy boulmaats was ewe dodelik – Tangeni Lungameni (1/14 in 2), JJ Smit (1/5 in 3), Christi Viljoen (2/18 in 2) en Craig Williams (1/11 in 2).

Op sy beurt het Namibië net agt boulbeurte gebruik om 57/0 as wentelling te behaal. Karl Birkenstock was op 43 nie uit nie en Stephan Baard op 12*.

AMPTELIKE KOMPETISIE

Namibië se eerste rondomtaliewedstryd in groep A is op Saterdag 19 Oktober teen Nederland, gevolg deur PNG die volgende dag. Hierna volg wedstryde teen Skotland (22 Oktobber), Bermuda (23 Oktober), Kenia (25 Oktober) en Singapoer op 26 Oktober.

Die 13 lande wat meeding om ses plekke by die T20-Wêreldbeker volgende jaar in Australië, is Bermuda, Hongkong, Ierland, Jersey, Kenia, Namibië, Nederland, Nigerië, Oman, Papoea-Nieu-Guinee, Skotland, Singapoer en die Verenigde Arabiese Emirates.

Die Eagles-span in Dubai is kaptein Gerhard Erasmus, Tangeni Lungameni, Zane Green, Christi Viljoen, Craig Williams, Zhivago Groenewald (almal WHS Old Boys), onderkaptein Jan Frylinck, JJ Smit, Bernard Scholtz, Niko Davin, Karl Birkenstock en JP Kotzé (almal Wanderers), Picky Ya France, Stephen Baard (beide CCD) en Ben Shikongo (Welwitschias).

- [email protected]

Soortgelyk

 

COVID-19 in Namibia: Data round up 25 - 28...

46 minute gelede | Gesondheid

Current situation with official data by Thursday 28 May 2020 (showing changes since 24 May 2020) and prelimenary data announced this morning for yesterday.GENERAL INFORMATIONThe...

Geval 22: stabiel, steeds op ventilator

3 ure gelede | Gesondheid

Namibië se 22ste bevestigde Covid-19-geval, 'n 63-jarige man van die kus, is steeds aan 'n ventilator gekoppel. Volgens die adjunkminister van gesondheid en maatskaplike dienste...

Kawana gee besonderhede oor viskwotas

1 dag gelede | Visserye

Nuwe aansoekers sal 56,2% van viskwotas ontvang en bestaande regtehouers die balans van 43,8%.Dr. Albert Kawana, wat as nuwe minister van visserye en mariene hulpbronne...

Namibië het nou 23 bevestigde Covid-19-gevalle

1 dag gelede | Gesondheid

Namibië se jongste bevestigde geval van Covid-19 (nr. 23) is 'n 38-jarige Namibiese vrou wat op 23 Mei vanaf Dar es Salaam, Tanzanië na Namibië...

The cream of the crop

1 dag gelede | Mense

Ester KamatiMonica Gwala (Niilenge), the owner of Mo-nize Farmstead Fresh Produce, is the only entrepreneur amongst six siblings, specifically in the field of agriculture –...

Namibië oper, Walvis toe

1 dag gelede | Regering

Denver Kisting – Die staatshoof, pres. Hage Geingob, sê fase 3 wat Dinsdag in werking tree, gaan van Namibiërs vereis om groter verantwoordelikheid vir hul...

Baie meer as miljard vir Air Nam nodig

1 dag gelede | Regering

Ronelle Rademeyer – Die N$984,6 miljoen wat in die nuwe boekjaar uit die belastingbetaler se sak na die nasionale redery gaan vloei, sal net “die...

Weer vir 29 Mei 2020

1 dag gelede | Weer

BINNELAND: Koud in die oggend, andersins sonnig en matig tot warm, maar warm tot baie warm in die Noorde.KUS: Sonnig en matig tot warm. GETYE...

Ouwêreldse vermaak by 'nuwe' inryteater

1 dag gelede | Kuns en vermaak

Yandi du PlessisDalk is jy al keelvol vir Netflix of ShowMax, of bloot net uitgekuier om by die huis te sit. Dalk verlang jy na...