Wildmisdadigers word lig gestraf

29 April 2021 | Howe
Francoise Steynberg – Verskeie smokkelaars van beheerde wildprodukte soos renosterhoring, olifanttande en ietermagôs, het verlede week in Namibiese howe met ligte vonnisse weggekom.

Frans Natnael wat op 26 Junie 2020 met ’n renosterhoring by Oshikango betrap is, is verlede Dinsdag tot ’n boete van N$10 000 of een jaar tronkstraf gevonnis. Sy tronkstraf is ten volle vir 36 maande opgeskort. Beslag is ook op sy voertuig gelê waarin die gesmokkelde renosterhoring gevind is.

Twee Angolese mans, Ben Kashela en Timoteus Bernandu, is op 27 Januarie met vyf olifanttande by Nkurenkuru vasgetrek. Hulle is verlede Donderdag met N$15 000 beboet of moet twee jaar agter tralies bly.

Drie Namibiese ivoorsmokkelaars, Lloyd Kozonguizi, Josua Kambato en Niklaas Ganuseb, het verlede Maandag ’n ligter vonnis in die Outjo-landdroshof gekry. Hulle is op 19 Junie 2016 met een olifanttand in hul besit in hegtenis geneem en moet ’n boete van N$2 000 betaal of ses maande in die tjoekie vertoef.

In die Windhoekse landdroshof in Katutura is Gustav Garoeb verlede Vrydag met ’n boete van N$1 500 of gevangenisstraf van vyf maande gevonnis. Hy is op 9 September 2018 met ’n lewende ietermagô en twee ietermagôvelle in Wanaheda in hegtenis geneem.

Nóg twee ietermagôsmokkelaars, Nicolas Kaveto en Gothbert Kamanya wat op 23 Maart met ’n ietermagôvel by Mururani betrap is, is swaarder gestraf. Hulle is tot ’n boete van N$10 000 of twee jaar gevangenisstraf elk gevonnis.

[email protected]

Soortgelyk

 

Pastoor verkrag glo tienerseuns

10 ure gelede | Howe

Augetto Graig – 'n Pastoor wat tereg staan op vier klagte van verkragting van vier minderjarige seuns, is op borgtog vrygelaat.Die seuns is almal onder...

Eerste nag in selle vir Boulter

10 ure gelede | Howe

Ester Kamati op Outjo – Die invloedryke Britse miljardêr mnr. Harvey Eric Boulter (51) se aansoek om borgtog is gister in die landdroshof op Outjo...

Weer vir 12 Mei 2021

10 ure gelede | Weer

BINNELAND: Dit sal aanvanklik koud wees in die binneland, maar andersins sal dit sonnig en warm tot baie warm wees. In die Noorde sal dit...

Vermeende beesdiewe loop hul rieme styf

10 ure gelede | Misdaad

Ronelle Rademeyer – Drie mans is op Otjinene in aanhouding nadat hulle na bewering Sondag naby Summerdown die slot van 'n plaashek geknip en helder...

'Glyjakkalse' loop hul rieme styf

10 ure gelede | Howe

Twee jong mense wat glo by ver­skeie oornagplekke in die noorde van die land bedrog gepleeg het, is Vrydag in hegtenis geneem. Mnr. Francois Strydom...

Mobiele Covid-toetseenheid by padblokkade

10 ure gelede | Gesondheid

Die eerste mobiele Covid-19-toetsgeriewe vir toeriste is by die Okahandja-padblokkade op die B1-hoofpad geopen. Die mobiele eenheid is 'n inisiatief deur die Toer- en Safarivereniging...

Otji-5-verhoor: Weduwee wil vergoeding eis

10 ure gelede | Howe

Marc Springer – Die weduwee van 'n Zimbabwiese burger wat twee jaar gelede op Otjiwarongo vermoor is, het die eerste wetlike hekkie oorkom in haar...

Tweejarige peuters verdrink in puttoilet

10 ure gelede | Misdaad

Volgens die Namibiese polisie se misdaadverslag het twee kinders, beide twee jaar oud, Saterdag in 'n puttoilet verdrink. Die ongeluk het omstreeks 14:00 in die...

Transgender aanrandingsaak teen polisielid begin

10 ure gelede | Howe

Jana-Mari Smith – Die verhoor waarin 'n transgender Namibiër 'n klag van aanranding teen 'n polisiebeampte aanhangig gemaak het, het Maandag in die hoërhof in...