Wet beskerm hokaairoepers
Wetgewing om mense te beskerm wat korrupsie en vergrype aanmeld, is ná belangrike wysigings deur die Nasionale Vergadering aanvaar.
Ronelle Rademeyer - Die Wet op Beskerming van Hokaairoepers is Dinsdagmiddag aanvaar toe die Nasionale Vergadering (NV) sy werksaamhede vir die vyfde sitting van die sesde parlement in Windhoek hervat het.
Dit sal nou deur lede van die Nasionale Raad gedebatteer word.
Die wetgewing is aanvaar nadat sekere wysigings aangebring is – onder meer om voorsiening te maak vir die instelling van 'n kantoor vir die beskerming van hokaairoepers, asook prosedures wat mense beskerm wat inligting oor onbehoorlike optrede soos bedrog en korrupsie bekend maak.
Dr. Albert Kawana, minister van justisie, het Dinsdag gesê die wetskrywers het verskeie aanbevelings wat tydens die vorige sitting deur dié huis gemaak is, in die wetgewing geïnkorporeer.Volgens hom sal hierdie wetgewing gebruik word om korrupsie te beveg “aangesien die land se hulpbronne nie aan individuele mense behoort nie”.
Kawana het die hoop uitgespreek dat die wet burgers die moed sal gee om korrupte optrede aan te meld.
Die drukgroep ACTION Coalition het intussen die wysigings verwelkom wat aangebring is aan dié wetsontwerp wat op 16 Februarie vanjaar in die NV ter tafel gelê is. “Ons verwelkom veral die skrapping van klousule 52(1d), wat daarvoor voorsiening sou maak dat hokaairoepers nie op beskerming kan aanspraak maak indien hulle die regering kritiseer nie.
“Verder is dit prysenswaardig dat die wet nou uitdruklik diegene beskerm wat, bykomend tot ander ongeoorloofde optredes, menseregteskendings openbaar maak,” lui die verklaring deur mnre. Frederico Links en Graham Hopwood van die koalisie.
Hulle sê ander wysigings wat dié wetgewing verbeter, is die toegewing van beskerming aan werknemers wie se werkskontrakte geheimhouding vereis, asook die versekering dat hokaairoepers beskerming sal geniet totdat 'n tribunaal anders besluit.
“Die wet is nie perfek nie; dit penaliseer steeds valse aanmeldings, wat ons voel as 'n afskrikmiddel sal dien vir ware hokaairoepers wat vergelding vrees,” sê Links en Hopwood. Hulle verwelkom ook die verlaging van die maksimum boete vir valse aanmeldings van N$100 000 tot N$30 000 en die maksimum tronkstraf van 20 jaar tot 10 jaar. “Dit is egter jammer dat die boetes vir mense wat hokaairoepers intimideer, óók verlaag is. Gelukkig is die maksimum boete van N$50 000 en maksimum tronkstraf van 20 jaar vir intimideerders nog hoër as die maksimum strawwe vir valse aanmeldings,” lui hul verklaring.
Voorts wys die koalisie daarop dat die wet in sy aangepaste formaat sal bydra tot 'n Namibië waar hokaairoepers vry voel om vergrype aan te meld, sonder vrees vir vergelding.
- Eie berig en Nampa
Dit sal nou deur lede van die Nasionale Raad gedebatteer word.
Die wetgewing is aanvaar nadat sekere wysigings aangebring is – onder meer om voorsiening te maak vir die instelling van 'n kantoor vir die beskerming van hokaairoepers, asook prosedures wat mense beskerm wat inligting oor onbehoorlike optrede soos bedrog en korrupsie bekend maak.
Dr. Albert Kawana, minister van justisie, het Dinsdag gesê die wetskrywers het verskeie aanbevelings wat tydens die vorige sitting deur dié huis gemaak is, in die wetgewing geïnkorporeer.Volgens hom sal hierdie wetgewing gebruik word om korrupsie te beveg “aangesien die land se hulpbronne nie aan individuele mense behoort nie”.
Kawana het die hoop uitgespreek dat die wet burgers die moed sal gee om korrupte optrede aan te meld.
Die drukgroep ACTION Coalition het intussen die wysigings verwelkom wat aangebring is aan dié wetsontwerp wat op 16 Februarie vanjaar in die NV ter tafel gelê is. “Ons verwelkom veral die skrapping van klousule 52(1d), wat daarvoor voorsiening sou maak dat hokaairoepers nie op beskerming kan aanspraak maak indien hulle die regering kritiseer nie.
“Verder is dit prysenswaardig dat die wet nou uitdruklik diegene beskerm wat, bykomend tot ander ongeoorloofde optredes, menseregteskendings openbaar maak,” lui die verklaring deur mnre. Frederico Links en Graham Hopwood van die koalisie.
Hulle sê ander wysigings wat dié wetgewing verbeter, is die toegewing van beskerming aan werknemers wie se werkskontrakte geheimhouding vereis, asook die versekering dat hokaairoepers beskerming sal geniet totdat 'n tribunaal anders besluit.
“Die wet is nie perfek nie; dit penaliseer steeds valse aanmeldings, wat ons voel as 'n afskrikmiddel sal dien vir ware hokaairoepers wat vergelding vrees,” sê Links en Hopwood. Hulle verwelkom ook die verlaging van die maksimum boete vir valse aanmeldings van N$100 000 tot N$30 000 en die maksimum tronkstraf van 20 jaar tot 10 jaar. “Dit is egter jammer dat die boetes vir mense wat hokaairoepers intimideer, óók verlaag is. Gelukkig is die maksimum boete van N$50 000 en maksimum tronkstraf van 20 jaar vir intimideerders nog hoër as die maksimum strawwe vir valse aanmeldings,” lui hul verklaring.
Voorts wys die koalisie daarop dat die wet in sy aangepaste formaat sal bydra tot 'n Namibië waar hokaairoepers vry voel om vergrype aan te meld, sonder vrees vir vergelding.
- Eie berig en Nampa
Kommentaar
Republikein
Geen kommentaar is op hierdie artikel gelaat nie