Werkloosheid: SA stel verskriklike rekord op

Grootste slagting in boubedryf

16 May 2019 | Ekonomie
Hanlie Stadler – Die Suid-Afrikaanse ekonomie het die jaar op ’n baie bitter noot begin met werkloosheid wat tot 27,6% opgeskiet het. Dit was in die vierde kwartaal van 2018 27,1%.

Uitgebreide werkloosheid het tot die hoogste vlak tot nog toe, 38%, opgeskiet. Dit was voorheen 37%, wat ook reeds ’n rekord was.

Die syfers kom uit Statistieke Suid-Afrika se kwartaallikse indiensnemingsopname (QLFS) vir die eerste kwartaal van 2019, wat Dinsdagoggend uitgereik is. Sien grafika.

Die aantal mense met werk was in die eerste kwartaal minder as ’n jaar gelede. Dit het met 86 000 mense, oftewel 0,5%, tot minder as 16,3 miljoen mense gedaal.

Daarteenoor het die getal werkloses met 3,7% tot 6,3 miljoen mense gestyg en die getal ontmoedigde werksoekers met 7,5% tot byna 3 miljoen.

Dit beteken byna 9,2 miljoen Suid-Afrikaners van werkende ouderdom (15-64 jaar) is nie op skool nie, studeer nie verder nie en is nie vrywilliglik sonder werk (soos tuisteskeppers of mense wat vroeg afgetree het) nie.

Die aantal werkloses het byna dubbeld so vinnig gestyg as die groei van die getal mense van werkende ouderdom, wat met 1,6% tot nagenoeg 38,3 miljoen mense gestyg het.

Die syfers bevestig bes moontlik ekonome se vermoede dat ekonomiese groei in die eerste kwartaal negatief was, maar groeisyfers word eers in Junie uitgereik.

In watter bedrywe word werk geskep of vernietig?

Vier uit die tien bedrywe wat SSA meet, het minder werknemers as ’n jaar gelede.

· Die bedryf wat in getalle die meeste werknemers verloor het, is gemeenskapsdienste, wat die staatsdiens en verskeie staatsinstellings insluit. Dié bedryf het byna 211 000 minder oftewel 6,4% mense minder in diens as ’n jaar gelede.

· Konstruksie het persentasiegewys die grootste slagting, van 6,4%, beleef. Dit verteenwoordig 92 000 minder mense wat in die sektor werk as ’n jaar gelede.

· Vervaardiging (-3,7% of -69 000 mense) en landbou (-1,1% of -9 000 mense) is die ander bedrywe met minder werknemers.

· Vervoer en logistiek het die grootste persentasie nuwe werknemers, ’n styging van 6,7% oftewel 64 000 mense meer as ’n jaar gelede.

· Finansiële en sakedienste het die grootste getal mense aangestel, 114 000 oftewel 4,7%.

· Dalk verrassend gegewe die druk op verbruikers is dat 26 000 oftewel 2% meer mense as ’n jaar gelede in private huishoudings aangestel is, dus onder meer as huishulpe, tuinwerkers en kinderoppassers.

· Handel het 2,1% oftewel 69 000 meer werknemers. – Netwerk24

Soortgelyk

 

Lodge, besigheid beroof – sewe vas

10 minute gelede | Misdaad

Henriette Lamprecht – Sewe verdagtes was gister reeds agter tralies nadat hulle by twee verskillende inbrake in die Omahekestreek betrokke was. Een van die inbrake...

Tolpaaie dalk op pad

10 minute gelede | Vervoer

font face="Verdana" >Catherine Sasman - Die Padfondsadministrasie (RFA) beoog om die lewensvatbaarheid van tolpaaie in Namibië te ondersoek.Dít as ’n moontlike bykomende bron...

Grondwet praat jou taal

10 minute gelede | Howe

Denver Kisting – Dit is belangrik dat die oppergesag van die land, die Grondwet, toeganklik is vir Jan en San Alleman.Alle wette in Namibië is...

Agterstallige pos glo nie NamPost se skuld

10 minute gelede | Ministeries

Catherine Sasman – Volgens NamPost is die agterstand in die aflewering van pos en pakkies nie sy skuld nie, maar wel die Suid-Afrikaanse Internasionale possentrum...

Weer vir 9 Augustus

10 minute gelede | Weer

BINNELAND: Gedeeltelik bewolk en warm in die Suide, maar baie tot bloedig warm in die Noorde.KUS: Gedeeltelik bewolk en matig tot warm met miskolle in...

Nou aan die gang

10 minute gelede | Kuns en vermaak

» Vanaand is die immergewilde Windhoek City Market weer in die hoofstad. Geniet ’n onbeperkte vonkelwynproe van verskeie wynkelders uit Suid-Afrika se produkte. Dié mark...

Klei en keramiek by negende biënnale

10 minute gelede | Kuns en vermaak

Die Pottebakkersvereniging van Namibië (PAN) se 9de Keramiek Biënnale word eersdaags by die Nasionale Kunsgalery van Namibië (NAGN) aangebied sal word. Die geleentheid is die...

N$150 miljoen vir landskapbestuur

10 minute gelede | Ministeries

Die ministerie van die omgewing en toerisme en die Nasionale Beplanningskommissie van Namibië het Woensdag ’n ooreenkoms met die Verenigde Nasies se Ontwikkelingsprogram (UNDP) onderteken,...

Boere kan doen met ‘n miljoen

10 minute gelede | Omgewing

Engen het gister N$1 miljoen aan die Dare to Care-droogtehulpfonds oorhandig.Dit ná sy eerste skenking van N$850 000 op Vrydag 12 Julie. Die oliemaatskappy het...