Werkers in opstand by behuisingsprojek

Leë sakke het arbeidsmag woedend

30 November 2016 | Infrastruktuur
Jessica Botes - Sommige huise van die massabehuisingsprojek wat deur die Delta-groep op Swakopmund gebou word, is amper vernietig deur ongeveer 50 werknemers van die maatskappy nadat hulle nie hul lone ontvang het nie.

Die werkers het verlede Woensdag op die perseel byeengekom en gedreig om die huise af te brand indien hul uitstaande lone nie teen 17:00 daardie dag betaal is nie.

Lede van die Namibiese polisie wat op die toneel was, het daarin geslaag om die woedende werkers te kalmeer. Hulle het die toneel verlaat met die belofte dat hulle Vrydag sou terugkeer om hul lone in ontvangs te neem.

Al het die maatskappy teen Vrydag nog nie die uitstaande lone betaal nie, het die besturende direkteur, mnr. Koos Gouws, twee van die maatskappy se voertuie by die Mondesa-polisiekantoor gelaat as waarborg dat die lone betaal sal word.

“Ons het albei voertuie geadverteer en ‘n aantal belangstellende kopers gevind. Sodra ons die betaling ontvang, sal ons die nodige stappe doen om die werkers te betaal,” het Gouws gesê.

Volgens hom het die maatskappy wat die tender gekry het om 400 lae koste huise ingevolge die massabehuisingskema te bou, kontantvloeiprobleme begin ondervind nadat die regering versuim het om hulle te betaal vir werk wat reeds afgehandel is.

Die ministerie van stedelike en landelike ontwikkeling het Vrydag ‘n dringende vergadering belê om die uitstaande betalings aan die maatskappy te bespreek.

Gouws het egter bevestig dat hulle nog geen reaksie van die ministerie ontvang het nie en dat nou na alternatiewe oplossings gesoek word om geld in die hande te kry.

Al sal die verkoop van die voertuie die maatskappy in staat stel om die uitstaande lone te betaal, sal dit nie voldoende wees om die uitstaande skuld te delg nie.

“Die bedrag wat ons benodig om die werkers en subkontrakteurs te betaal, beloop ongeveer N$200 000, maar ons skuld ook ander mense en verskaffers geld. Hoe besluit ‘n mens wie om eerste te betaal?” wou Gouws weet.

‘n Woordvoerder van die groep werkers, mnr. Gerson Kandjeje, sê hulle het reeds die polisie, die Erongo-streekraad en die ministerie om bystand genader.

“Niemand kon ons help nie en ons het geen ander keuse gehad om met ons dreigemente hierheen te kom nie. Ons is moeg om te wag, ons is honger en het nie geld om na ons gesinne om te sien nie. Wat moet ons doen?” het hy gevra.

Vrydag het die werkers ingestem om die bouperseel te verlaat en te wag totdat die voertuie verkoop is sodat hulle hul geld kan kry. ‘n Groep van die werkers het egter na die polisiekantoor in Mondesa gegaan waar hulle eise gestel het vir die geld om betaal te word.

Die ministerie se permanente sekretaris, mnr. Nghidinua Daniel, was nie vir kommentaar beskikbaar nie en het alle oproepe na mnr. Don Kondunda by die ministerie se departement vir massa-behuising verwys. Daar was geen antwoord by sy kantoor toe navraag gedoen is nie.

Soortgelyk

 

Boere kry interdik teen grondbelasting

44 minute gelede | Howe

Catherine Sasman - Die regering is verbied om grondbelasting te hef vanweë die vermeende onwettighede en ongerymdhede in die berekening van grondwaardes, en die redelike...

Vandalisme strem hepatitis-veldtog

44 minute gelede | Gesondheid

Henriette Lamprecht Vandalisme en diefstal strem 'n noodreaksieplan teen 'n hepatitis E-uitbreking wat sedert Oktober verlede jaar die lewe van vyf mense geëis het. Mobiele...

Geluk aan die finaliste!

44 minute gelede | Toerisme

Die vier finaliste in Namibia Media Holdings se Klein Dorp van die Jaar-kompetisie vir 2018 (NTY2018) is Eenhana, Okahao, Oniipa en Oranjemund.Baie dankie aan elkeen...

Studente staan agter Unam-moordverdagte

44 minute gelede | Howe

Fred Goeieman Studente van die Universiteit van Namibië (Unam) se Khomasdal-­kampus het gister by die Windhoekse landdros­hof in Katutura borgtog betaal vir 'n medestudent wat...

Hóés, sê Jan Taks

44 minute gelede | Plaaslik

Jo-Maré Duddy – Waar ‘n rokie draai, moet ‘n belastingvuurtjie wees.Die Suid-Afrikaanse minister van finansies, mnr. Malusi Gigaba, se aankondiging gister dat aksynsbelasting op sigarette...

Weer vir 22 Februarie 2018

44 minute gelede | Weer

BINNELAND: Gedeeltelik bewolk en baie warm tot bloedig warm oor die westelike helfte van die binneland. Elders sal dit gedeeltelik bewolk en baie warm...

Ngatjizeko tree af

44 minute gelede | Ministeries

Die nuwe mediasekretaris van die kantoor van die president, dr. Alfredo ­Tjiurimo Hengari, het gister aan ­Republikein bevestig minister Immanuel Ngatjizeko het ­afgetree.In 'n nuusverklaring...

Telecom kry nóg 'n knou

44 minute gelede | Misdaad

Skurke het vandeesweek gesorg dat Telecom Namibia wéér aan die kortste ent trek. Maandag is nóg koperkabels in Cimbebasia, in Windhoek, gesteel. Volgens mnr. Oiva...

Taxi-amok ná verwarring

44 minute gelede | Ministeries

Maria Eiseb Ontevrede taxibestuurders het die Namibië Bus- en Taxivereniging (Nabta) en die Namibiese Vervoer- en Taxivakbond (NTTU) daarvan beskuldig dat hulle Dinsdag onenigheid en...