Weldoeners les Uis se groot dors padlangs

Tenklorries ry water aan

11 January 2017 |
Des Erasmus - Weldoeners van Hentiesbaai en Windhoek het toegetree tot die stryd om inwoners van Uis se dors te les.

Duisende liter water word in tenk­lorries na die geteisterde gemeen­skap aangery.

Terselfdertyd is 'n kwotastelsel op Uis ingestel om elke druppel water te benut wat oor honderde kilometer na die dorp aangery word. Vir baie inwoners was dit gister uitkoms nadat van hulle langer as tien dae sonder 'n druppel water in hul huiskrane moes klaarkom. Van die weldoeners het nie net water gebring nie, maar ook onderneem om met NamWater te skakel om 'n probleem op te los wat nou reeds langer as 'n jaar voortsleep.

Die eerste tenkvragmotor met 20 000 liter water het gister van Hentiesbaai op Uis aangekom. Daar is dadelik begin om die water oor te pomp na die sewe tenks wat die afgelope weke die inwoners van water voorsien het. Die vragmotor met die watervrag was hulp wat deur die Lions van Hentiesbaai gelewer is, met van Hentiesbaai se grootste inkoopsentrums en motordiensstasies met deurnagwinkels wat ook honderde liters bottelwater geskenk het.



rantsoenering

Die tenkvragmotor van Hentiesbaai is deur mnre. Pieter Erasmus en Dawie Bronkhorst van die Lions in 'n ligte vragmotor ondersteun. Die bottelwater is op Uis by die Brandberg Ruskamp afgelaai waar rantsoenering onder toesig deur die eienaar, mnr. Basil Calitz, gedoen sal word. By die ruskamp is inwoners op een liter bottelwater per dag geregtig en daar moet vir die ontvangs van die water geteken word om toe te sien dat die lewensbron soveel huishoudings as moontlik bereik.

By die tenks sal inwoners van Uis ook tot 20 liter water per dag beperk word.

Op Uis is beweer dat 'n tweede vrag­motor met 20 000 liter water gisteraand uit Windhoek na Uis sou vertrek om op 'n soortgelyke wyse bystand aan die dorp te verleen. Bystand kan nie van Omaruru as naaste dorp verwag word nie met dié dorp wat soos Uis 'n ernstige waterkrisis deurleef.

Op Uis het Erasmus aan Republikein gesê nog soortgelyke bystand kan van Hentiesbaai verwag word, maar dit is nie 'n blywende oplossing vir die probleem nie. Daarvoor sal Nam­Water moet sorg.

Die grootmaattenks vir water het op Uis 'n insteling vir waterlewering geword nadat Nai-Nais in die Omarururivier as waterbron van die dorp ingegee het. Op die dorp word wel beweer dat op 'n nuwe waterbron in die Omarururivier verwant aan die Nai-Naisskema afgekom is, maar dat die verouderde verspreidingstelsel na Uis ingegee het. Die geringe waterlewering op Uis is in die voorafgaande weke deur die dorp se eie tenkvragmotor uit 'n bron by Achinab in die Ugabrivier volgehou. Ook dié tenk­vragmotor kon die diens as gevolg van meganiese defekte nie deurlopend volhou nie.

Die waternood het Uis se toerisme as ekonomise lewensaar 'n ­gevoelige slag toegedien. Op die gebied van toerisme is Uis 'n verversingstasie op die drumpel van die wondere van Damaraland en Kaokoland, maar op die dorp word restaurantdienste feitlik net op versoek volgehou wanneer groter groepe Uis op hul roetes aandoen.

Soortgelyk

 

Vrou se liggaam in Goreangabdam gevind

19 ure gelede | Misdaad

Die liggaam van ‘n ongeïdentifiseerde vrou is Donderdagnag in die Goreangabdam by Windhoek gevind. ‘n Woordvoerder van die Namibiese polisie, hoofinsp. Kauna Shikwambi, het vandag...

Dr. Malan Lindeque op lys vir hoë posisies by...

19 ure gelede | Omgewing

Die kabinet het besluit om dr. Malan Lindeque, permanente sekretaris van die omgewing en toerisme, se nominasie vir top-posisies by die Verenigde Nasies (VN) goed...

Nuwe raad vir NPTH

19 ure gelede | Tegnologie

Die adjunkminister van inligting en kommunikasietegnologie mnr. Engel Nawatiseb het vandag die nuutste kabinetsbesluite aangekondig, asook die goedgekeurde nuwe raad van die Namibia Post and...

ECB keur kragtarief-verhoging van 5% goed

21 ure gelede | Energie

Die Elektrisiteitsbeheerraad (ECB) het vanoggend die nasionale kragverskaffer NamPower toestemming te gee om die grootmaat-elektrisiteitstarief met 5% te verhoog. NamPower het op 12 April aansoek...

Muilband-aansoek deur Intelligensiediens oor plase in die hof

22 ure gelede | Howe

Die verhoor van die dringende aansoek vir ‘n interdik waarmee die Namibië se Sentrale Intelligensiediens (NCIS) ‘n weekblad se mond oor moontlike korrupsie met die...

Verwarring oor taxistaking

23 ure gelede | Vervoer

Hoewel die president van die Namibiese Vervoer- en Taxivakbond (NTTU), mnr. Werner Januarie, sê taxi’s gaan eerskomende Maandag staak, sê die president van die...

Seuntjie (3) sterf ná glo met stok geslaan is

23 ure gelede | Misdaad

‘n Driejarige seuntjie het Woensdag in die Otjomukandi-nedersetting in die Kunenestreke gesterf nadat sy 34-jarige tannie hom glo met ‘n stok oral op sy lyf...

Geingob nooi Britse ondernemings na Namibië

1 dag gelede | Regering

Pres. Hage Geingob het gister (Donderdag) saam met 45 ander staatshoofde die amptelike opening van die Statebondsberaad as gas van koningin Elizabeth by Buckingham Paleis...

Hoop in 'n bondeltjie liefde

1 dag gelede | Omgewing

Hope, die bobbejaan wat in 2016 in die nuus was nadat sy in Windhoek erg mishandel is, het ma geword. Ná sy gered is, het...