‘Weg met fosfaatmynbou’

Petisie oorhandig

11 September 2019 | Howe
Ellanie Smit - Terwyl die omstrede mariene fosfaatmynbou-sage gister weer ’n draai in die Windhoekse hoërhof gemaak het, het betogers die hoofstrad se strate ingevaar.

Die Nasionale Unie vir Namibiese Werkers (NUNW) het die betoging gelei.

’n Petisie is eers aan die kantoor van die eerste minister oorhandig voor die betogers na die hoërhof opgeruk het.

Die hofsaak betrek drie organisasies wat die Namibiese visbedryf verteenwoordig: die Vonfederation of Namibian Fishing Associations, die Namibian Hake Association en die Midwater Trawling Association of Namibia – asook die maatskappy Omualu Fishing.

Hulle versoek die hof om te verklaar dat ’n mynlisensie wat in Julie 2011 aan Namibian Marine Phosphate (NMP) uitgereik is, verval het omdat die maatskappy nie betyds ’n omgewingsimpakstudie onderneem het en aansoek om ’n omgewingsklaringsertifikaat gedoen het nie.

NMP se voorneme om ’n mariene fosfaatmyn-projek in Namibiese waters van stapel te stuur, het hewige teenkanting van omgewingsbewusts en die Namibiese visbedryf gekry.

Hulle vrees mynboubedrywighede kan die land se mariene hulpbronne ernstige en langtermyn skade berokken en visbedrywighede in gevaar stel.

“Weg met fosfaatmynbou,” het mnr. Job Muniaro, die NUNW se sekretaris-generaal, gesê toe hy petisie in die parlementstuine voorgelees het en duidelik gemaak het Namibië is nie te koop nie.

“Dit is nou vir baie patriotiese Namibiërs duidelik daar is mede-Namibiërs is wat geldgierigheid tot elke prys sal najaag ten koste van volhoubare bestuur van hernubare hulpbronne.”

Hy het gesê die nasie het gesien hoe voorstanders van mariene fosfaatmynbou hard aan die werk is om leiers te manipuleer en vir ’n omgewignsklaringsertifikaat om te koop.

“Ons is vandag hier bymekaar om ons land teen magte te verdedig wat dit deur ekonomiese sabotasie tot stilstand wil bring,” het hy gesê.

Muniaro het gesê dié pogings moet deur alle Namibiërs verwerp en veroordeel word.

“Ons wil ’n sterk boodskap uitstuur dat ons nie te koop is nie,” het hy gesê.

Muniaro het die impak van fosfaatmynbou gelys en waarom dit ’n gevaarlike aktiwiteit is.

Hy het “sogenaamede wetenskaplikes” uitgedaag om te bewys dat fosfaatmynbou nie skadelik vir die omgewing is nie.

Muniaro het ’n soorgelyke situasie in Nieu-Seeland opgehaal waar ’n aansoek om fosfaat te myn verwerp is.

Die sekretaris-generaal het gesê mariene fosfaatmynbou moet noot in Namibië toegelaat word nie, want die nadele weeg swaarder as die voordele.

Hy sê fosfaatmynbou sal ekonomiese, omgewings- en maatskaplike ontwikkeling in Namibië in die gedrang bring.

Muniaro het gesê die regering moet ’n onafhanklike liggaam vestig om volhoubaarheid- en omgewingsimpakstudies te onderneem en strategiese risiko-evaluerings te doen.

Meer as 'n 1 000 inwoners van Walvisbaai, meestal visfabriekwerkers, het Maandag ook teen mariene fosfaatmynbou betoog.

[email protected]

Soortgelyk

 

Hardap kry 19 Mm³ water sedert Maandag

27 minute gelede | Omgewing

Elvira Hattingh - Sedert die afgelope Maandag het die Hardapdam ’n reusehoeveelheid water bygekry, naamlik 19,523 Mm³ (miljoen kubieke meter). Die dam is nou 27,2%...

Nóg twee kietsies kry nekbande

1 uur gelede | Omgewing

Nóg twee swartpootwildekatte is in die vroeë oggendure met nekbande toegerus. Prof. Morgan Hauptfleisch en sy span van die Black-Footed Cat Working Group is tans...

Okahandja-kleinhoewe oorstroom weer

12 ure gelede | Weer

Elvira Hattingh - Terwyl die polisie gistermiddag bevestig het ‘n vrou is nog soek nadat die Okahandjarivier haar vroeg gisteroggend meegesleur het, was ‘n kleinhoewe-eienaar...

Geingob stil oor kleiner kabinet

12 ure gelede | Regering

Denver Kisting – Ten spyte van die groot gewag daaroor in sy Oujaarsrede weet Namibiërs nog nie hoe groot pres. Hage Geingob se verkleinde kabinet...

Eerste swartpootwildekat kry nekband

12 ure gelede | Omgewing

Francoise Steynberg - Daar is geskiedenis gemaak toe Namibië se eerste swartpootwildekat vandeesweek met 'n nekband toegerus is. "Om die klein katjies op te spoor,...

Weer vir 27 Februarie 2020

12 ure gelede | Weer

WEERWAAK: Verspreide donderbuie sal oor die noordelike streke en Omaheke- en Khomasstreek voortduur waar kitsvloede verwag word. Die nodige voorsorgmaatreëls moet getref word. BINNELAND: Gedeeltelik...

Drie stroop glo renoster in Etosha

12 ure gelede | Misdaad

Francoise Steynberg - Nege verdagtes is verlede week in verband met renosterstropery of -horingsmokkelary in hegtenis geneem. Vanaf 17 tot 23 Februarie is beslag op...

Droogte: Baie boere wurg nog

12 ure gelede | Landbou

Ronelle Rademeyer - Foto’s van vol riviere, opgaardamme waarvan die vlakke styg en panne water langs die pad en in die veld het die afgelope...

PDM, ECN hof toe gesleep

12 ure gelede | Politiek

Denver Kisting – Mnr. Norman Tjombe, die Windhoekse prokureur wat vier ontstoke Popular Democratic Movement (PDM)-lede verteenwoordig, het gister bevestig hulle gaan hof toe.Alle aanduidinge...