Wees net mens

21 September 2021 | Rubrieke
Leandrea Louw

Ek en 'n kollega gesels die anderdag en sy vertel my sy wil nie meer so in haar “feels' wees nie. Sy wil aanbeweeg en beter voel.

Ek probeer haar toe moed in praat en sê sy moet nie haastig wees om deur haar gevoelens te werk nie.

Ek sê toe ook vir haar ek praat uit ondervinding. Om net vinnig deur jou gevoelens te werk, en om vinnig oor dit te probeer kom, gaan nie goeie langtermyngevolge hê nie.

Op dieselfde tyd kom dit in my gedagtes op dat daar so baie dinge in my lewe al met my gebeur het, wat ek nog saam met my dra.

En dan op tye, wanneer die druk van die wêreld ons onderkry, kom al daardie seer, frustrasie en woede op een slag uit. (En dit kom nooit op 'n mooi manier uit nie.)

Hoeveel van ons dra nog jare gelede se lelike woorde, teleurstelling en kwaad binne-in ons rond?

Die jaar 2020 en 2021 tot dusver was nie maklik nie. Wanneer dit lyk of ons die einde van die tonnel bereik, en ons so seker is ons kan die lig sien, dan kom sak daar 'n nuwe golf van Covid-19 op ons neer. En hier praat ons nie eens van die groot stry onder mekaar oor die inenting nie.

Ek het gedink as 2020 ons enige iets geleer het, moes dit tog gewees het die dag van môre is nie gewaarborg nie. Dinge kan in 'n oogwink verander.

Ons het geliefdes aan die dood afgestaan – kollegas, vriende – en nie net aan Covid-19 nie. Daar het derduisende ander dinge gebeur, mense het hul hele lewensbestaan sien afbrand en ons geestesgesondheid het 'n hengse knou gekry. Dit was en is nog steeds nie maklik nie.

So waaroor probeer haas jy om deur jou rou, jou hartseer, jou teleurstelling te werk? Ek weet vandag se lewe draai net om die volgende deadline, om op tyd te wees, beter te wees, die hustle en bustle, en om basies net te oorleef.

Maar liewe leser, gee jouself kans om mens te wees.

Werk deur die negatiewe gevoelens en maak dan seker jy kan vrede daarmee maak, en dan beweeg jy aan. Deel van mens wees, is om foute te maak, te val maar tog weer om jouself af te skud en op te staan.

In 'n vorige rubriek het ek gepraat van ons liggies, en hoe belangrik dit is om dit aan die brand te hou, veral in tye soos hierdie.

So moenie in daardie hoekie van wanhoop bly en vir een oomblik dink die son sal nooit weer skyn nie. Gooi weg daardie bagasie wat jy so swaar aan dra, en onthou die son sál weer skyn. Jy sal weer soos jouself voel, jy sal weer mense kan face, jy sal weer kans sien vir daardie rooi lipstiffie en rooi nommertjie in jou kas, gee jouself net kans. Jy is net mens.

Soortgelyk

 

Vier sterftes, 25 nuwe gevalle

7 ure gelede | Gesondheid

Die Covid-sterftes styg met vier (een tuissterfte) tot 3 538. Gister is 25 nuwe gevalle aangemeld, 'n positiewe koers van 2,2%. Dit sluit drie leerlinge,...

PAS IN: Drie uit ses skuldig aan moord

11 ure gelede | Howe

‘n Vrou wat ‘n groep mans betaal het om haar man te vermoor, is vandag in die hoërhof in Windhoek skuldig bevind aan moord.Die oorledene...

MTC en regering gaan saamwerk om inentings teen Covid...

12 ure gelede | Gesondheid

'n Inisiatief tussen die regering en die mobiele telekommunikasiemaatskappy MTC, “Namibia VaxUP081 Incentive", gaan inwoners vergoed wat hul eerste dosis entstof teen Covid-19 ontvang. Volgens...

Net 14,2% van bevolking ten volle ingeënt

12 ure gelede | Gesondheid

Terwyl Namibië se doelwit was om 750 000 van die land se 1,5 miljoen geoormerkte persone vir immunisering teen Donderdag in te ent, het net...

Aandklokreël opgehef

13 ure gelede | Regering

President Hage Geingob het die aandklokreël amptelik as deel van die nuwe Covid-19-regulasies opgehef. Openbare byeenkomste kan deur 200 persone bygewoon word, so ook dieselfde...

Tweede lugmagongeluk binne enkele weke

1 dag gelede | Ongelukke

Tunohole Mungoba en Ellanie Smit‘n F-7 vegvliegtuig van die Namibiese lugmag het vroeër vandag by die Ondangwa-lughawe neergestort.Die weermag het joernaliste wat kort na die...

Creativity and mental health: Where do we overstep

1 dag gelede | Gesondheid

Kalistu R Mukoroli, PR and brand strategistWe tend to preach about being creative, but isn’t this contributing to mental health issues? Creative people always push...

Tourism mogul driven by passion

1 dag gelede | Toerisme

Iréne-Mari van der Walt Part-owner of Swakop Cycle Tours Paul Ndjambula says despite his business being conceptualised during his time as an intern, it took...

Kalahari se water in die gedrang

1 dag gelede | Omgewing

Frank Steffen en Brigitte Weidlich – “Dit mag eenvoudig nie gebeur nie! Maak nie saak hoe jy uitloogproses benader nie, hierdie unieke kom sal onvermydelik...