Weermaglede sterf in ongeluk
Minstens 28 mense is die afgelope langnaweek op Namibiese paaie dood.
Nóg vyf mense het Maandag in padongelukke gesterf.
Dit bring die getal slagoffers wat die afgelope langnaweek omgekom het, op minstens 28 te staan.
Drie weermaglede het Maandag omstreeks 14:54 in 'n kop-teen-kop-botsing 30 km suid van Oshivelo op die pad tussen Oshivelo en Tsumeb gesterf.
Volgens hoofinsp. Edna Nawa van die Oshikotostreek het 'n sedanvoertuig met vier insittendes vanaf Oshivelo 'n voertuig probeer verbysteek en met 'n aankomende dubbelkajuitbakkie gebots wat in die teenoorgestelde rigting gery het.
Nawa sê die drie insittendes in die sedan is op slag dood, terwyl die vierde passasier na die Tsumeb-staatshospitaal gehaas is en wie se toestand as kritiek beskryf word. Al vier die insittendes van die sedanvoertuig is weermaglede.
Die bestuurder van die bakkie, me. Victoria Kambuta (60) van Tsumeb, was die enigste insittende en het die ongeluk oorleef. Sy is met 'n beenbreuk in die Tsumeb-hospitaal opgeneem.
Die identiteit van die oorledenes kan nie bekend gemaak word nie, want hul naasbestaandes is nog nie van hul dood ingelig nie.
In 'n ander ongeluk Maandagaand het twee mense op slag gesterf nadat 'n dubbelkajuitbakkie sowat 9 km noordwes van Otjiwarongo omgeslaan het.
Die twee oorledenes is me. Helvi Namupala Iipinge (27) 'n lid van die lugmag by die Karibib-lugmagbasis en die 26-jarige Ndakewongo Pameni Lameck Simon.
Die bestuurder (27) van die bakkie het ernstige beserings opgedoen en is na die Otjiwarongo-staatshospitaal geneem.
Ao. Maureen Mbeha van die die Otjozondjupastreek sê die ongeluk het omstreeks 18:00 gebeur.
"Die voertuig het vyf keer op die grondpad tussen Otjiwarongo en die Queen Sofia-hervestigingsplaas gerol," het Mbeha gesê.
'n Saak van strafbare manslag is by die polisiestasie op Otjiwarongo geopen.
AMBULANSVLUG
‘n Ambulansvlug is vroeg gisteroggend van Swakopmund na Windhoek onderneem met een passasier van ‘n rolbakkie wat in ‘n kritieke toestand van ‘n toneel sowat 7 km suid van Hentiesbaai versorg moes word, berig Des Erasmus.
‘n Beweerde oorlaaiery vorm deel van die ondersoek na die voorval van Maandagaand. In en op die ligte vragmtor met sy enkelkajuit was na bewering meer as 20 mense, onder wie net een kind. Op die ongelukstoneel het die polisie ‘n syfer van 19 mense op die bakkie verstrek. ‘n Opvolgbewering was dat 20 mense in Swakopmundse hopitale opgeneem was met ernstige en minder ernstige beserings. Toe die opvolgoprasie op die toneel begin het, was selfs meer mense reeds deur ander motorryers op die roete na hospitale en klinieke weggebring.
Die ongeluk het op ‘n strook met padwerke gebeur met die bou van die nuwe teerpad na die Noorde. Die roete is berug vir sy hoë padskouers weerskante van omweë.
Sowat 8 km wes van Usakos het ‘n swaar vragmotor gisteroggend op die B2-hoofweg uitgebrand. Volgens die eerste berigte het die kajuitpersoneel ongedeerd daarvan afgekom.
Swaar verkeer tussen die binneland en die sentrale kusdorpe word nog die res van die week met sy twee openbare vakansiedae verwag. In Swakopmund se strate het die swaar verkeer in die middedorp gisteroggend aan die Kersgety op die vakansieoord herinner. Opvallend in die strate was die talle Suid-Afrikaners. - Nampa en eie berig
Dit bring die getal slagoffers wat die afgelope langnaweek omgekom het, op minstens 28 te staan.
Drie weermaglede het Maandag omstreeks 14:54 in 'n kop-teen-kop-botsing 30 km suid van Oshivelo op die pad tussen Oshivelo en Tsumeb gesterf.
Volgens hoofinsp. Edna Nawa van die Oshikotostreek het 'n sedanvoertuig met vier insittendes vanaf Oshivelo 'n voertuig probeer verbysteek en met 'n aankomende dubbelkajuitbakkie gebots wat in die teenoorgestelde rigting gery het.
Nawa sê die drie insittendes in die sedan is op slag dood, terwyl die vierde passasier na die Tsumeb-staatshospitaal gehaas is en wie se toestand as kritiek beskryf word. Al vier die insittendes van die sedanvoertuig is weermaglede.
Die bestuurder van die bakkie, me. Victoria Kambuta (60) van Tsumeb, was die enigste insittende en het die ongeluk oorleef. Sy is met 'n beenbreuk in die Tsumeb-hospitaal opgeneem.
Die identiteit van die oorledenes kan nie bekend gemaak word nie, want hul naasbestaandes is nog nie van hul dood ingelig nie.
In 'n ander ongeluk Maandagaand het twee mense op slag gesterf nadat 'n dubbelkajuitbakkie sowat 9 km noordwes van Otjiwarongo omgeslaan het.
Die twee oorledenes is me. Helvi Namupala Iipinge (27) 'n lid van die lugmag by die Karibib-lugmagbasis en die 26-jarige Ndakewongo Pameni Lameck Simon.
Die bestuurder (27) van die bakkie het ernstige beserings opgedoen en is na die Otjiwarongo-staatshospitaal geneem.
Ao. Maureen Mbeha van die die Otjozondjupastreek sê die ongeluk het omstreeks 18:00 gebeur.
"Die voertuig het vyf keer op die grondpad tussen Otjiwarongo en die Queen Sofia-hervestigingsplaas gerol," het Mbeha gesê.
'n Saak van strafbare manslag is by die polisiestasie op Otjiwarongo geopen.
AMBULANSVLUG
‘n Ambulansvlug is vroeg gisteroggend van Swakopmund na Windhoek onderneem met een passasier van ‘n rolbakkie wat in ‘n kritieke toestand van ‘n toneel sowat 7 km suid van Hentiesbaai versorg moes word, berig Des Erasmus.
‘n Beweerde oorlaaiery vorm deel van die ondersoek na die voorval van Maandagaand. In en op die ligte vragmtor met sy enkelkajuit was na bewering meer as 20 mense, onder wie net een kind. Op die ongelukstoneel het die polisie ‘n syfer van 19 mense op die bakkie verstrek. ‘n Opvolgbewering was dat 20 mense in Swakopmundse hopitale opgeneem was met ernstige en minder ernstige beserings. Toe die opvolgoprasie op die toneel begin het, was selfs meer mense reeds deur ander motorryers op die roete na hospitale en klinieke weggebring.
Die ongeluk het op ‘n strook met padwerke gebeur met die bou van die nuwe teerpad na die Noorde. Die roete is berug vir sy hoë padskouers weerskante van omweë.
Sowat 8 km wes van Usakos het ‘n swaar vragmotor gisteroggend op die B2-hoofweg uitgebrand. Volgens die eerste berigte het die kajuitpersoneel ongedeerd daarvan afgekom.
Swaar verkeer tussen die binneland en die sentrale kusdorpe word nog die res van die week met sy twee openbare vakansiedae verwag. In Swakopmund se strate het die swaar verkeer in die middedorp gisteroggend aan die Kersgety op die vakansieoord herinner. Opvallend in die strate was die talle Suid-Afrikaners. - Nampa en eie berig
Kommentaar
Republikein
Geen kommentaar is op hierdie artikel gelaat nie