WBO-kampioen kan Executioner nie meer lank ontduik

Boks

13 September 2018 | Sport
Die onoorwonne Walter Kautondokwa word tans tweede op die wêreldranglys van die Wêreldboksorganisasie (WBO) gereken en sy promotor, Nestor Tobias, sê die middelgewig se opmars is onafwendbaar om vir die WBO se wêreldtitel te veg.

Die enigste bokser wat voor “The Executioner” in die ry staan, is die Amerikaner Demetrius Andrade wat die nommer een aanspraakmaker op die titel van Billy Joe Saunders van Brittanje is.

Die wonderlike nuus uit die Namibiese oogpunt is dat Andrade binnekort (20 Oktober) in die TD Garden-sportkompleks in Boston, Massachusetts teen Saunders in 'n titelgeveg vir laasgenoemde se WBO middelgewigwêreldgordel deur die toue moet klim.

Ongeag die uitslag behoort die WBO dan vir Kautondokwa tot die verpligte nommer een uitdager vir die titelhouer te bevorder.

“Ek is hoogs tevrede met die vordering wat Kautondokwa tot dusver gemaak het.

“Dit was 'n lang reis tot hier en ek vertrou die WBO sal hom as die nommer 1 aanwys sodra Saunders en Andrade in die kryt klim. Maak nie saak wie wen tussen Andrade (25 gewen, geen verloor) of Saunders (26-0) nie, die kampioen sal teen Kautondokwa moet veg.

“Beide die manne het Walter reeds vir 'n lang ruk vermy en die tyd het nou vir hulle aangebreek om teen Walter te veg, of hulle daarvan hou of nie. Ons sien uit na die dag wanneer dit gebeur,” het Tobias gister in'n nuusverklaring gesê.

Tobias is seker dat Kautondokwa binne die eerste drie maande van 2019 teen Andrade óf Saunders deur die toue kan klim. In die tussentyd beplan Tobias nog een geveg vir sy man om hom op sy skerpste te hou.

“Ek weet Kautondokwa is die toekoms van die middelgewigafdeling. Sy werktempo en dissipline is ongelooflik hoog en ek kan nie wag dat hy Namibië se vyfde ­wêreldkampioen in die bokskryt word nie,” het Tobias afgesluit.

Kautondokwa is ná 17 beroepsgevegte steeds onoorwonne, waarvan hy almal behalwe sy debuutgeveg met uitklophoue beëindig het – die meeste daarvan binne die eerste twee rondes.



KRAGTIGE LYFHOUE

Sy gevreesde slaankrag en armlengte was te veel vir manne met beduidende ondervinding in die professionele arena, soos toe hy verlede jaar vir Obodai Sai (32 gewen, twee verloor) in sy tuisland Ghana gaan pap slaan het. Vier maande later het Meshack Mwankemwa van Tanzanië (17 gewen, drie verloor) ook by die Windhoek Buiteklub geknak.

Kautondokwa se enigste geveg sover in 2018 was op die onafhank­likheidsnaweek, toe hy Billi Godoy van Argentinië by die Ramatex-saal met 'n linkerhaakhou teen die kakebeen platgeslaan en die skeidsregter die geveg beëindig het.

Die 33-jarige vegter word trots deur die MTC Nestor Sunshine-promosies verteenwoordig.

Soortgelyk

 

Regering staan bakhand vir 2% van Namibiërs se jáárlikse...

1 uur gelede | Regering

Denver Kisting – Die verwarring oor of die regering Namibiërs vra om 2% van een maand of een jaar se basiese salaris te skenk, is...

Making employees feel at home at Plastic Packaging

13 ure gelede | Mense

JONELL MALAN Human resource management is a function in organisations designed to maximise employee performance in the service of an employer’s strategic objectives. One empowers...

Duisende registreer vir e-taks

13 ure gelede | Ministeries

Elvira Hattingh - Altesaam 192 225 belastingopgawes is teen Dinsdag via die ministerie van finansies se nuwe aanlyn belastingdiens, die geïntegreerde belastingadministrasiestelsel (Itas), ontvang.Mnr. Tonateni...

Apollo 11-euforie só onthou

13 ure gelede | Tegnologie

Ronelle Rademeyer - Namibië se eie ruimteman, dr. Japie van Zyl, sê ’n getekende foto van die drie Apollo 11-ruimtevaarders, Neil Armstrong, Buzz Aldrin en...

Kalender 12 Julie

13 ure gelede | Kuns en vermaak

Nou aan die gang» Bottomless Coffee Band is ’n instrumentele, alternatiewe duo wat bestaan uit die getroude paartjie Lourens en Esté Rabé van Kaapstad, Suid-Afrika....

Weer vir 19 Julie 2019

13 ure gelede | Weer

BINNELAND: Sonnig en warm tot baie warm in die Noorde.KUS: Sonnig en matig tot warm.GETYE BY WALVISBAAI: H 04:47 L 10:41...

Nuwe begin vir vier wildehonde

13 ure gelede | Omgewing

Francoise Steynberg - Ná die tragiese skietvoorval in Februarie waarin drie wildehonde van die N/a’an ku sê-stigting en -wildreservaat glo deur personeel van die...

Just a click away

13 ure gelede | Gesondheid

Michelline Nawatises Organic Box is an online grocery shop specialising in selling organic vegetables, meat and dairy products, farm produce, and speciality homemade products.It was...

Rundu surveys new extensions

13 ure gelede | Plaaslik

The Rundu town council plans to survey two new extensions in the Tuhingireni informal settlement for N$ 1 million, according to the head of town...