Waterkrisis woed op Rundu
Inwoners is ontstoke omdat hulle beweer die nasionale watervoorsiener het hulle nie vooraf gewaarsku watertoevoer gaan beperk word nie.
Maria Eiseb
'n Voortslepende waternood heers die afgelope week op Rundu en het sommige inwoners sonder 'n druppel water in hul krane gelaat.
Drie woonbuurte, Ndama, Safari en Millennium, loop veral kwaai deur en in dié gedeeltes waar daar nog 'n bietjie water is, vloei dit stadig.
Inwoners is ontstoke omdat hulle beweer die nasionale watervoorsiener, NamWater, het geen voorafwaarskuwing uitgereik nie.
Tot dusver weet hulle glo ook nie wat tot die waterkrisis aanleiding gegee het nie.
Die dorpsraad het gistermiddag by monde van sy waarnemende uitvoerende hoof, me. Fransiska Sikerete, gesê hulle is bewus van die waterkrisis, maar weet glo nie watter woonbuurte geraak is nie.
“Ek weet van die ramp, maar is nie bewus daarvan dat watertoevoer ook nog in die ander buurte afgesny is nie. Ek kan nie met sekerheid sê watter woonbuurte van Sondag af nie water het nie,” het sy bygevoeg.
'n Inwoner van die Tutungeni-woonbuurt het by navraag gesê hulle het nog 'n bietjie water, maar dit is vuil en loop baie stadig.
Hy het uitgevaar teen die dorpsraad wat hulle nie voor die tyd van die situasie in kennis gestel het nie.
“Ons weet nie wat die oorsaak is nie en ons weet nie tot wanneer dit sal wees nie,” het hy gesê.
Mnr. Johannes Shigwedha, NamWater se woordvoerder, sê Rundu maak – nes Rehoboth – van 'n voorafbetaalde meterstelsel gebruik.
Volgens hom het die dorpsraad die verantwoordelikheid om die stelsel aan die gang te hou en betalings te maak om watertoevoer te verseker.
Hy het voorts aangevoer die probleem lê nie by NamWater nie, maar by die dorpsraad wat nie vir die diens betaal nie.
NamWater het gistermiddag wal gegooi en gesê hulle het vir die hospitale en skole voorsiening gemaak sodat leerlinge en pasiënte nie deur die probleem benadeel word nie.
Die nasionale watervoorsiener het verder aangedui daar word ook vir die res van die dorp gesorg deur die toevoer vir ongeveer vier ure per dag te herstel sodat inwoners minstens hul toilette kan spoel.
Na wat verneem word, skuld die dorpsraad die watervoorsiener ongeveer N$60 miljoen.
Hulle het glo onlangs net N$200 000 van dié agterstallige bedrag betaal.
'n Voortslepende waternood heers die afgelope week op Rundu en het sommige inwoners sonder 'n druppel water in hul krane gelaat.
Drie woonbuurte, Ndama, Safari en Millennium, loop veral kwaai deur en in dié gedeeltes waar daar nog 'n bietjie water is, vloei dit stadig.
Inwoners is ontstoke omdat hulle beweer die nasionale watervoorsiener, NamWater, het geen voorafwaarskuwing uitgereik nie.
Tot dusver weet hulle glo ook nie wat tot die waterkrisis aanleiding gegee het nie.
Die dorpsraad het gistermiddag by monde van sy waarnemende uitvoerende hoof, me. Fransiska Sikerete, gesê hulle is bewus van die waterkrisis, maar weet glo nie watter woonbuurte geraak is nie.
“Ek weet van die ramp, maar is nie bewus daarvan dat watertoevoer ook nog in die ander buurte afgesny is nie. Ek kan nie met sekerheid sê watter woonbuurte van Sondag af nie water het nie,” het sy bygevoeg.
'n Inwoner van die Tutungeni-woonbuurt het by navraag gesê hulle het nog 'n bietjie water, maar dit is vuil en loop baie stadig.
Hy het uitgevaar teen die dorpsraad wat hulle nie voor die tyd van die situasie in kennis gestel het nie.
“Ons weet nie wat die oorsaak is nie en ons weet nie tot wanneer dit sal wees nie,” het hy gesê.
Mnr. Johannes Shigwedha, NamWater se woordvoerder, sê Rundu maak – nes Rehoboth – van 'n voorafbetaalde meterstelsel gebruik.
Volgens hom het die dorpsraad die verantwoordelikheid om die stelsel aan die gang te hou en betalings te maak om watertoevoer te verseker.
Hy het voorts aangevoer die probleem lê nie by NamWater nie, maar by die dorpsraad wat nie vir die diens betaal nie.
NamWater het gistermiddag wal gegooi en gesê hulle het vir die hospitale en skole voorsiening gemaak sodat leerlinge en pasiënte nie deur die probleem benadeel word nie.
Die nasionale watervoorsiener het verder aangedui daar word ook vir die res van die dorp gesorg deur die toevoer vir ongeveer vier ure per dag te herstel sodat inwoners minstens hul toilette kan spoel.
Na wat verneem word, skuld die dorpsraad die watervoorsiener ongeveer N$60 miljoen.
Hulle het glo onlangs net N$200 000 van dié agterstallige bedrag betaal.
Kommentaar
Republikein
Geen kommentaar is op hierdie artikel gelaat nie