Water word 5% duurder

Deel van jaarlikse hersiening

03 July 2019 | Regering
Jana-Mari Smith - ‘n Algemene 5%-verhoging van die watertarief in die meeste verbruikerskategorieë, asook ‘n hersiene droogtetariefstruktuur in pas met streng waterbeperkings wat sedert Maandag geld, is verlede week deur die stadsraad goedgekeur.

Die stadsraad se Junie-agenda toon dié 5%-aanpassing is goedgekeur om van 1 Julie af te geld.

Hiervolgens strook die nuwe droogtetariefstruktuur ook met pogings om waterverbruik in “moeilike tye” te beheer “sodat die skaars hulpbron bewaar kan word”.

Die stadsraad is glo in kennis gestel Windhoek se watertariewe is “ver onder soortgelyke tariewe van ander plaaslike owerhede landswyd”.

In die stadsraad se agenda word aangedui die doel van die droogtetariefstruktuur is om die vereiste waterbesparingsteikens in die waterbestuurplan se verskeie kategorieë te behaal.

Die huidige teiken vir waterbesparing is 15%, soos vereis deur kategorie D van die munisipaliteit se waterbestuurplan, wat op ‘n ernstige waterskaarste dui.

Hoewel die tariewe dieselfde in alle kategorieë bly, is die afsnypunte waar straftariewe in werking tree in elke nuwe kategorie verlaag.

Hoewel hierdie tariewe nog nie in die Staatskoerant gepubliseer is nie, beteken die 5%-verhoging huishoudings sal waarskynlik N$34,64 per 1 000 liter betaal as hul totale maandelikse waterverbruik tussen 6 000 l en 25 000 l is.

Dít volgens ‘n waterverbruiktabel wat tariewe aandui.

Die tabel wys ook huishoudings wat tussen 25 000 l en 30 000 l water per maand gebruik, sal N$69,29 per 1 000 liter betaal.

Dit kom op ‘n voorgestelde verhoging van 14% as straftarief neer, as dit met die 2018-’19-tariewe vir kategorie D vergelyk word.

Verbruikers wat meer as 30 000 l per maand gebruik, sal ‘n straftarief van N$138,57 moet betaal. Dit is ‘n 2%-verlaging binne kategorie D. Voorheen was die straftarief vir diegene wat meer as 30 000 l gebruik N$141 per 1 000 l.

‘n Verhoging van 5% tree ook in werking as dit by die basiese watertarief vir beide huishoudelike en nie-huishoudelike verbruikers kom.

Die 5%-verhoging is minder as die 10% wat aanvanklik voorgestel is. ‘n Verhoging van 5% vir riooltariewe is ook in Mei deur die munisipaliteit aangekondig.

In die agenda word gemeld die verhoging van tariewe is deel van ‘n jaarlikse hersiening, wat nodig is om direkte sowel as indirekte kostes te dek.

Die agenda sê NamWater het goedkeuring van die kabinet ontvang om hul tarief vir waterverskaffing in grootmaat met 5% te verhoog.

Die stadsraad is glo ingelig dat die 5%-verhoging in watertariewe gebaseer is op die feit dat NamWater se tarief verhoog, asook op inflasie, die huidige nasionale ekonomiese toestande, ‘n verhoogde brandstofprys, konsultasies met belangegroepe, agterstallige skuld asook bykomende koste verbonde aan die behandeling van die water.

Die stadsraad is in kennis gestel die energiekoste om water van reservoirs, bergingfasiliteite en boorgate na kliënte te versprei asook tussen reservoirs is nie tans beskikbaar nie en is ook nie by die tariefaanpassing ingesluit nie.

Soortgelyk

 

Weduwee en haar eks lank tronk toe vir moord...

2 ure gelede | Howe

Denver Kisting – Rachel Rittman (48) en haar 35-jarige eks, Ryno du Preez, is vanoggend onderskeidelik lewenslange tronkstraf en 30 jaar opgelê vir die moord...

Spuite, pille nie by klinieke

12 ure gelede | Ministeries

Henriette Lamprecht – Tekorte aan voorbehoedmiddels wat voorbehoedpille en –inspuitings insluit, word tans by openbare gesondheidsgeriewe in die land ondervind.Die direkteur van die ministerie van...

Sakkepakke op Lüderitz

12 ure gelede | In beeld

Tanja Bause - Die eerste trein in meer as 20 jaar het Lüderitz in Augustus vanjaar binnegery. Die trein, wat uit twee lokomotiewe en 20...

Gróót oë op Jan Taks

12 ure gelede | Ministeries

Jo-Maré DuddyVerbruikers wat voortaan BTW van 15% op suiker sal moet betaal, is een van die rits belastingaankondigings wat in vanmiddag se halfjaar-begrotingshersiening verwag word.Kenners...

Drie dae, sewe kinders glo verkrag

12 ure gelede | Misdaad

Sewe minderjarige meisies, waarvan die jongste vier en die oudste 15 jaar oud is, het na bewering binne ’n kwessie van drie dae die jongste...

Pushing the boundaries

12 ure gelede | Skole

Ester Kamati “I enjoy coming up with ideas, often random, often impractical, but occasionally valuable,” says young businesswoman of the year Hilja Eelu. Eelu is...

Children need to move

12 ure gelede | Onderwys

Children spend the majority of their day sedentary, behind desks or in front of a screen.The power of movement has been stolen from these children....

Weer vir 22 Oktober

12 ure gelede | Weer

BINNELAND: Gedeeltelik bewolk en bloedig warm in die Noordooste, andersins sonnig en baie tot bloedig warm. Winderige toestande sal oor die binneland voortduur. KUS: Gedeeltelik...

Elke refleks ’n spesifieke doel

12 ure gelede | Onderwys

Henriette Lamprecht - Primitiewe refleksbewegings wat baba vanaf bevrugting en dwarsdeur hul eerste lewensjaar uitvoer, bedraad die brein en versterk die liggaam.Vir elke refleks is...