Wat sal op jou bord wees?

14 September 2021 | Rubrieke
Yolanda Nel

Ek kom so ruk terug op ’n video af waar hulle ’n paar gevangenes se laaste maaltydversoeke bespreek en ek is gefassineer deur sommige se versoeke.

Dit het my nogal laat wonder wat ék sou kies as ek geweet het dit is my laaste maaltyd. Ek reken ’n groot bederf met ’n verskeidenheid sushi is bo aan my lys, maar my mond water aan die gedagte van ’n kaas-en tamatieroosterbroodjie – met ekstra kaas, baie sout en peper en bietjie asyn.

Victor Feguer het ’n enkele olyf – met die pit in – op sy spyskaart gehad. Hy is in 1963 gehang, nadat hy skuldig bevind is aan ontvoering en moord. Die pit van die olyf is ná sy dood in sy baadjie se sak gekry en baie het gedink hy het gehoop ’n olyfboom sou groei, wat vrede voorstel.

Lawrence Bruwer het besluit hy gaan hierdie geleentheid misbruik en het in 2011 die volgende op sy spyskaart gehad: Twee hoenderschnitzels, ’n tripel spek-en-kaas-burger, ’n kaasomelet met maalvleis, drie fajitas, ’n groot pizza, ’n pond maalvleis met ’n halwe witbrood, fudge en ’n bak roomys vir ’n soetigheid en drie biere. Toe die kos by hom aankom, het hy geweier om ’n hap van enigiets te vat en het aangevoer hy is nie honger nie. Senator John Whitmire was woedend toe hy daarvan te hore kom en het die laaste maaltyd in sy deelstaat verban.

Die reeksmoordenaar John Gacy, ook bekend as Pogo the Clown, het 12 garnale, ’n KFC-bucket met tjips en ’n pond aarbeie versoek. Gacy het drie KFC-kettingwinkels bestuur voor hy aan ongeveer 33 moorde skuldig bevind is. Dit blyk dat hy steeds nie genoeg van dié bederf kon kry nie.

John Spenkelink het nie vir kos gevra nie; net ’n fles vol Jack Daniels. Die drankie het hy saam met die tronk se superintendent geniet. Ná die versoek, is alkohol verbied.

Aileen Wuornos wou ook niks te ete gehad het nie en het net ’n beker swart koffie gesoek.

Ricky Rector het weggelê aan sy laaste maaltyd wat uit steak, hoender, ’n koeldrank en ’n sny pekanneuttert bestaan het. Hy het wel nie aan sy nagereg geraak nie en toe hulle hom vra waarom nie, het hy gesê hy bêre dit vir later.

Dawid Woods het vir 22 jaar op die doodstraf gewag en het vir ’n groot pizza en ’n verjaardagkoek as sy laaste maaltyd gevra. Hy het die maaltyd met vriende en familie gedeel, hoewel sy verjaardag eers drie maande later was.

Sommige versoeke is vreemd en ander laat geen geheim wat hul gunstelingkosse is nie. Maar as jy die geleentheid gegun word – uit die belastingbetaler se beursie – maak dit seker nie saak wat jy eet nie, solank dit net lekker is.

Ná hierdie lys dink ek ek verander my vorige spyskaart en vra dalk eerder vir ’n lekker stukkie braaivleis en aartappelslaai.

Soortgelyk

 

Vier sterftes, 25 nuwe gevalle

9 ure gelede | Gesondheid

Die Covid-sterftes styg met vier (een tuissterfte) tot 3 538. Gister is 25 nuwe gevalle aangemeld, 'n positiewe koers van 2,2%. Dit sluit drie leerlinge,...

PAS IN: Drie uit ses skuldig aan moord

13 ure gelede | Howe

‘n Vrou wat ‘n groep mans betaal het om haar man te vermoor, is vandag in die hoërhof in Windhoek skuldig bevind aan moord.Die oorledene...

MTC en regering gaan saamwerk om inentings teen Covid...

14 ure gelede | Gesondheid

'n Inisiatief tussen die regering en die mobiele telekommunikasiemaatskappy MTC, “Namibia VaxUP081 Incentive", gaan inwoners vergoed wat hul eerste dosis entstof teen Covid-19 ontvang. Volgens...

Net 14,2% van bevolking ten volle ingeënt

14 ure gelede | Gesondheid

Terwyl Namibië se doelwit was om 750 000 van die land se 1,5 miljoen geoormerkte persone vir immunisering teen Donderdag in te ent, het net...

Aandklokreël opgehef

15 ure gelede | Regering

President Hage Geingob het die aandklokreël amptelik as deel van die nuwe Covid-19-regulasies opgehef. Openbare byeenkomste kan deur 200 persone bygewoon word, so ook dieselfde...

Tweede lugmagongeluk binne enkele weke

1 dag gelede | Ongelukke

Tunohole Mungoba en Ellanie Smit‘n F-7 vegvliegtuig van die Namibiese lugmag het vroeër vandag by die Ondangwa-lughawe neergestort.Die weermag het joernaliste wat kort na die...

Creativity and mental health: Where do we overstep

1 dag gelede | Gesondheid

Kalistu R Mukoroli, PR and brand strategistWe tend to preach about being creative, but isn’t this contributing to mental health issues? Creative people always push...

Tourism mogul driven by passion

1 dag gelede | Toerisme

Iréne-Mari van der Walt Part-owner of Swakop Cycle Tours Paul Ndjambula says despite his business being conceptualised during his time as an intern, it took...

Kalahari se water in die gedrang

1 dag gelede | Omgewing

Frank Steffen en Brigitte Weidlich – “Dit mag eenvoudig nie gebeur nie! Maak nie saak hoe jy uitloogproses benader nie, hierdie unieke kom sal onvermydelik...