Wat die oog nie sien

08 February 2019 | Kuns en vermaak
I am blind is die eerste uitstalling vir 2019 wat voortspruit uit die Blind Photography Project by die Goethe-Institut.

Dié uitstalling is ’n uitdrukking van die ervarings van gesiggestremdes deur middel van fotografie.

Deur fotografie as hulpmiddel te gebruik, verken die projek nuwe maniere om na die stad kyk, brûe tussen dié wat sien en gesiggestremdes te bou, en stigmas oor die gebrek aan sig uit te daag.

Die uitstalling open op 12 Februarie om 18:00, en duur tot 28 Februarie voort.

Die Blind Photography Project is in 2015 deur Alejandro Loreto in Wene in Oostenryk begin.

Dieselfde konsep is deur Loreto in Caracas, in Venezuela, toegepas.

Die Namibiese kommunikasie- en sosiale ontwerper, Laschandré Coetzee, het by die projek aangesluit en saam is die uitstalling en uitbreiding van die projek aangepak.

Tydens dié interaktiewe uitstalling word gesiggestremdes van Wene, Caracas en nou ook Windhoek se fotografie ten toon gestel.

Die foto’s word saam met stories aangebied – alles in braille geskryf.

“Blindes word in ons stad versteek, so dit gaan daaroor om ’n ruimte vir interaksie te skep, wat nie gewoonlik ervaar word nie. Elke stel foto’s sal saam met die teks in braille aangebied word sodat dié met sig interaksie met gesiggestremdes kan hê. Sodoende word ’n beter begrip van hul werklikheid en ervarings gekry,” sê Coetzee.

In Namibië het drie gesiggestremdes aan die projek deelgeneem. Geen foto is geredigeer nie.

“Gewone mense verstaan nie regtig waartoe ons in staat is nie, en om eerlik te wees, het ek ook nie. Ek het verskeie gesiggestremde vriende wat mal daaroor is om foto’s te neem, en ek kon dit nooit verstaan nie, maar ek moet erken dit is lekker om foto’s te neem.

“Al kan ek nie die foto’s self sien nie, is dit iets wat ek geskep het en wat ek met ander kan deel. Die projek wys mense dat ons in staat is om iets lekker te doen, en dat ons goed kan wees in iets wat so buite ons league is,” sê Leticia Bouwer, ’n Windhoekse deelnemer.

“Ek hou daarvan om goed te skep wat ander mense glo onmoontlik is. Ek is seker daarvan om blind te wees en foto’s te neem, is vir baie mense een van daardie goed.

“Party mense mag dalk net in verwondering staan, maar vir ander mag dit dalk net ’n nuwe blik op die groter verskeidenheid in die wêreld gee,” sê Angela Engel, ’n Weense deelnemer.

Soortgelyk

 

Houtskoolbedryf sien enorme groei

1 dag gelede | Landbou

Elvira Hattingh op Otjiwarongo - Die Namibiese houtskoolbedryf het 'n "ontploffing in houtskoolproduksie" die afgelope jaar ervaar en 'n groei van 33% in een jaar...

Lodge, besigheid beroof – sewe vas

1 dag gelede | Misdaad

Henriette Lamprecht – Sewe verdagtes was gister reeds agter tralies nadat hulle by twee verskillende inbrake in die Omahekestreek betrokke was. Een van die inbrake...

Tolpaaie dalk op pad

1 dag gelede | Vervoer

font face="Verdana" >Catherine Sasman - Die Padfondsadministrasie (RFA) beoog om die lewensvatbaarheid van tolpaaie in Namibië te ondersoek.Dít as ’n moontlike bykomende bron...

Grondwet praat jou taal

1 dag gelede | Howe

Denver Kisting – Dit is belangrik dat die oppergesag van die land, die Grondwet, toeganklik is vir Jan en San Alleman.Alle wette in Namibië is...

Agterstallige pos glo nie NamPost se skuld

1 dag gelede | Ministeries

Catherine Sasman – Volgens NamPost is die agterstand in die aflewering van pos en pakkies nie sy skuld nie, maar wel die Suid-Afrikaanse Internasionale possentrum...

Weer vir 9 Augustus

1 dag gelede | Weer

BINNELAND: Gedeeltelik bewolk en warm in die Suide, maar baie tot bloedig warm in die Noorde.KUS: Gedeeltelik bewolk en matig tot warm met miskolle in...

Nou aan die gang

1 dag gelede | Kuns en vermaak

» Vanaand is die immergewilde Windhoek City Market weer in die hoofstad. Geniet ’n onbeperkte vonkelwynproe van verskeie wynkelders uit Suid-Afrika se produkte. Dié mark...

Klei en keramiek by negende biënnale

1 dag gelede | Kuns en vermaak

Die Pottebakkersvereniging van Namibië (PAN) se 9de Keramiek Biënnale word eersdaags by die Nasionale Kunsgalery van Namibië (NAGN) aangebied sal word. Die geleentheid is die...

N$150 miljoen vir landskapbestuur

1 dag gelede | Ministeries

Die ministerie van die omgewing en toerisme en die Nasionale Beplanningskommissie van Namibië het Woensdag ’n ooreenkoms met die Verenigde Nasies se Ontwikkelingsprogram (UNDP) onderteken,...