Was als as jy in dieselfde kroeë as Russiese spioen was

13 March 2018 | Internasionaal
’n Dringende beroep is Sondag op die publiek in Salisbury, Engeland, gedoen om al hul besittings en klere te was as hulle onlangs in dieselfde kroeg en restaurant as ’n voormalige Russiese spioen en sy dogter was.

Dié beroep is gedoen ’n week nadat Sergei Skripal (66) en sy dogter, Yulia (33), bewusteloos gevind is op ’n bankie by ’n winkelsentrum in Salisbury, Wiltshire. Hulle is na die hospitaal gehaas en is steeds in ’n kritieke toestand, berig die BBC.

Intussen is bevestig dat Skripal en sy dogter met ’n middel vergiftig is wat die senustelsel aanval. Die polisie wil nie in dié stadium bekend maak presies watter middel dit is nie.

Een van die eerste polisielede op die toneel is ook verlede week in die hospitaal opgeneem en is steeds in ’n kritieke toestand. Boonop word twee ander polisiebeamptes vir minder ernstige simptome behandel nadat hul oë begin jeuk het en hulle kortasem geword het.

Spore van dié senumiddel is in die Mill-kroeg en Zizzi-restaurant in Salisbury opgespoor en daarom word die Britse publiek gevra om as voorsorgmaatreël al hul klere en besittings te was as hulle een van dié twee plekke die afgelope week besoek het.

Volgens prof. Sally Davies, Engeland se mediese hoofbeampte, is die risiko in dié stadium klein.

Daar is wel kommer dat as mense oor ’n lang tydperk aan die middel blootgestel word, dit gesondheidsprobleme kan veroorsaak.

Sy het egter beklemtoon dat daar geen rede tot paniek is nie.

“Die risiko vir die algemene publiek is steeds klein en ek is vol vertroue dat die restaurante se klante en personeel nie in gevaar is nie,” het sy gesê.

Die twee restaurante sal tot verdere kennisgewing gesluit wees. - Netwerk24/Sky News/BBC/Daily Mail

Soortgelyk

 

Behati en Adam wys foto van nuwe baba

7 ure gelede | Kuns en vermaak

Elvira HattinghDie Namibiese model Behati Prinsloo en haar man, Adam Levine, het gister vir die eerste keer 'n foto van hul jongste babadogtertjie, wat in...

Resessie verslap sy greep op Namibië

7 ure gelede | Ministeries

Jo-Maré DuddyHoewel die Namibiese ekonomie sedert die tweede kwartaal van 2016 geen of negatiewe groei toon, het die resessie se houvas op die land verminder....

Ek­samens: 'Skole het genoeg tyd'

7 ure gelede | Onderwys

Henriette Lamprecht – Staatskole is deeglik bewus van die datums waarop streekeksamens afgelê word. Dié datums behoort ook op elke skool se kalender van aktiwiteite...

Weer, Woensdag 19 Junie 2018

7 ure gelede | Weer

BINNELAND: Aanvanklik koud oor die binne­land. Gedeeltelik bewolk en matig tot warm in die ||Kharasstreek. Elders sal dit sonnig en warm wees, maar baie warm...

Reeksverkragter sal vir 60 jaar moet boet

7 ure gelede | Howe

Denver KistingJan Rooinasie, wat onlangs emosieloos na sy skuldigbevinding op 16 klagte geluister het, het vandeesweek gehoor hy verdien om uit die samelewing verwyder te...

Duitse vrou vas oor wapens, ammunisie, bigamie en bedrog...

7 ure gelede | Misdaad

Francoise Steynberg - 'n Duitse vrou is steeds in aanhouding ná sy Vrydag in die landdroshof op Okahandja in verband met klagte van die besit...

Aranos-moord: Breinondersoek gevra

7 ure gelede | Howe

Fred Goeieman - 'n Kliniese sielkundige wat Willem Visagie Barnard, wat sy vrou vermoor het, geëvalueer het, het bevind hy het 'n mate van organiese...

April-reën bring uitkoms vir sommige

7 ure gelede | Landbou

Elvira Hattingh - Die 2017-’18-reënseisoen het op ‘n hoë noot afgesluit toe die meeste Noorde-streke en gebiede rondom Windhoek, plaas Monica in die Omahekestreek, Gibeon...

Ouma Sofia is 105!

7 ure gelede | Mense

ont face="Verdana" >Henriette Lamprecht - Sy was al die jare “heeltemal gesond”, maar het skielik blind geword en mettertyd agteruitgegaan. So vertel me. Maria Claassen...