Warriors bespreek plek in groepfase

Sokker

12 September 2019 | Sport
Petrus Shitembi was een van die uitblinkers toe die Brave Warriors Dinsdagaand met 2-0 teen 'n goed georganiseerde Eritrea-span in die Sam Nujoma-stadion gewen het, om sodoende tot die groepfase van kwalifisering vir die 2022 Wêreldbekertoernooi in Katar deur te dring.

Die oorwinning volg op die sege met 2-1 verlede week teen dieselfde opponent in Eritrea se hoofstad Asmara, wat Namibië die kragmeting met die saamgestelde telling van 4-1 laat wen.

Afrigter Bobby Samaria se manne was sommer uit die staanspoor op die voorvoet.

Binne die eerste tien minute het Chris Katjiukua twee maal vanaf hoekskoppe sy kopstote bo-oor die dwarsbalk gestuur, voordat Benson Shilongo ook sy kopstoot van die dwarsbalk af sien terugspat het.

Die Oos-Afrikane het na 'n goed georganiseerde span gelyk en het ná 'n tyd hul selfvertroue herwin. Eritrea het die plaaslike doelwagter, Loydt Kazapua, met 'n vryskop getoets.

Die eerste treffer aan die Namibiese kant het egter gekom toe Absalom Iimbondi die besoekende doelwagter met 'n kragtige skop naby die doelhok geklop het. Iimbondi het sy terugkeer gevier nadat hy die vorige wedstryd in Asmara misgeloop het.

Eritrea se kaptein, Henock Goitom, het kort voor rustyd so byna 'n gelykmakende doel behaal, maar sy skop het net-net bo-oor die doelhok geseil.

In die tweede helfte het Eritrea algaande beter gespeel, maar het nie die Namibiese verdediging baie hoofbrekens besorg nie.

Dit was Shitembi wat die tuisskare groot genot verskaf het wanneer hy met sy glibberige dribbellopies en slim aangeewerk gewys het watter gevaar hy kan inhou. Die Namibiërs het 'n greep op die balbesit uitgeoefen, maar het uiteindelik nie die volle munt geslaan uit al die kanse wat hulle geskep het nie.

Die plaasvervanger Joslin Kamatuka se akrobatiese terugskop bo sy kop het reguit na die doelwagter se hande gevlieg, maar in die 84ste minuut het Namibië se kaptein vir die twee Eritrea-wedstryde, Peter Shalulile, 'n doel behaal nadat Kamatuka teen die regterkantlyn weggebreek het.

Met 'n akkurate aangee het hy vir Shalulile onbewaak gevind, wat die bal teen die doelnet laat bons het om die eindtelling 2-0 in Namibië se guns te maak.

Afrigter Samaria was in sy noppies dat sy manne hul talent kon ten toon stel.

“Dit was 'n aand waar ons die voëls kon vrylaat om hul vlerke te sprei en te vlieg. Ons was die span in beheer en die opposisie het ons nooit rêrig in die moeilikheid gehad nie. Ons het geweet ons sou die lyn oorsteek.

“Dit is 'n perfekte uitslag vir ons en Namibië kan nou net vorentoe beweeg. Kom ons kyk hoe gaan dit in die volgende ronde.”

Namibië het hiermee sy naam in die hoed gegooi vir die loting van die groepfase ter kwalifisering vir die volgende Fifa Wêreldbeker, met die eerste uitdunwedstryde wat in Maart 2020 afskop. Die loting sal na verwagting in November of Desember vanjaar gedoen word.

• In die tussentyd hervat die Brave Warriors hul aanslag op die Afrika Nasieskampioenskap (CHAN) se kwalifisering vir die volgende eindtoernooi volgende jaar. Namibië se volgende afspraak is teen Madagaskar. Die eerste wedstryd sal in Windhoek wees (die naweek van 20-22 September) gevolg deur die wegwedstryd (18-20 Oktober). Die wenner tussen Namibië en Madagaskar dring deur tot die CHAN-toernooi wat volgende jaar in Kameroen gespeel word.

– Nampa/NFA.org.na

Soortgelyk

 

Teko-trio vrygespreek

1 uur gelede | Howe

Ronelle Rademeyer - Die sakevrou, me. Teckla Lameck, en haar twee vennote, mnre. Yang Fan en Jeroboam (Kongo) Mokaxwa, is vanoggend in die hoërhof in...

Dokters wis nie van voorskrifte

12 ure gelede | Ministeries

Henriette Lamprecht Geen amptelike kennisgewing is aan lede van die twee grootste verenigings vir dokters in die land uitgestuur oor die herske­dulering van medikasie, insluitende...

Regering kry skuld vir SOE-gemors

12 ure gelede | Regering

Denver Kisting Die regering is 'n swak aandeelhouer.Só het die adjunk- uitvoerende direkteur van staatsdiensondernemings, me. Louise Shixwameni, gister op die ontbytprogram Good Morning Namibia...

Teenstropery: 280 polisielede veg saam

12 ure gelede | Misdaad

Francoise Steynberg Altesaam 280 polisielede van oraloor die land word in teenstropingseenhede op 'n driemaandelikse roteringsbasis in die Palmwagkonsessie en die Etosha en Bwabwata Nasionale...

Meer as N$350 000 se goedere kry voete

12 ure gelede | Misdaad

Volgens die Namibiese polisie se misdaadverslag het skelms Woensdag om 14:00 die venster van 'n voertuig in Windhoek se noordelike nywerheidsgebied stukkend geslaan. Die insittende...

Weer vir 18 September

12 ure gelede | Weer

WEERWAAK: Baie warm toestande sal oor die binneland voortduur.BINNELAND: Gedeeltelik bewolk en bloedig warm in die Suide, andersins sonnig en baie tot bloedig warm.KUS: Bewolk...

Konferensie fokus op gehalte-onderrig

12 ure gelede | Onderwys

Die Nasionale Raad vir Hoër Onderrig het, in vennootskap met die Namibiese Kwalifikasie-owerheid en die Universiteit van Namibië (Unam), die Universiteit van Wetenskap en Tegnologie...

'n Kolwyntjie vir Nadine

12 ure gelede | Plaaslik

Tanja Bause'n Elfjarige meisie van Windhoek het verlede jaar tydens die Internasionale Dansfees in Suid-Afrika stof in ander deelnemers sê oë geskop, en is hard...

Invaluable experience for Alonso at Lichtenburg

12 ure gelede | Motors

Fernando Alonso and Marc Coma completed an eventful but invaluable learning experience at the Lichtenburg 400 in South Africa on Friday and Saturday with Toyota...