Warmbad verwerp vakbond

Beide kante vra regeringshulp

11 October 2018 | Sakenuus
Augetto Graig – Gemeenskapslede op Warmbad is ontevrede met die Mynwerkersvakbond van Namibië (MUN) se optrede wat die tantalietmyn naby dié dorp betref.

Die myn het 93 werkers in Augustus afgelê en produksie is afgeskaal.

Mnr. Allen Kalumbu, die vakbond se suidelike voorsitter, dring egter daarop aan die bestuur van die myn het die werkers onwettig afgelê en boonop onvoldoende vir hul dienste vergoed.

Volgens Kalumbu aanvaar die vakbond nie ’n watertekort as rede vir die tydelike staking van dié mynbouprojek nie.

Hy bevestig sy vakbond het die regering gevra om die myn se mynboulisensie op te skort, en ook gevra mnr. Larry Johnson, die myn se uitvoerende hoof, se werkspermit moet gekanselleer word.

Dít volg ná oudwerkers van die myn, onder die leiding van mnr. Mathew Veldskoen, ’n tradisionele leier van die Bondelswartz-gemeenskap, aan die president geskryf het en gevra het hy moet ingryp.

Veldskoen het gevra president Hage Geingob moet help om onmin onder die mense van die dorpie in die kiem te smoor.

Volgens hom het sowat 80% van die 93 mynwerkers wat afgelê is, reeds hul skeidingspakkette ontvang.

Dít en die belofte om weer aangestel te word wanneer die myn weer oopmaak, laat hulle tevrede met die stand van sake, sê hy.

Volgens Veldskoen is dit ook die vakbond se toedoen dat die uitstaande 20% van werknemers nog nie betaal is nie.

“Om eerlik te wees, die skuldige misdadigers in hierdie saak is die vakbond – in hierdie geval die MUN,” het Veldskoen aan Geingob geskryf.

“Waarom moet die Tantalite Valley Mine op so 'n moeilike manier hanteer word, anders as ander myne wat jare gelede ook werkers afgelê het?” het hy gevra.

Veldskoen sê as gevolg van die MUN se houding teenoor die myn het hy en van sy medewerkers as lede van die vakbond bedank.

“Ons voel sterk daaroor dat die vakbond nie die belange van sy lede verteenwoordig nie,” het hy gesê.

Die werkers ondersteun ook nie die vakbond se poging om die afleggings voor die hof te daag nie, het Veldskoen gesê.

Hy sê Kalumbu het ‘n persoonlike vete met die myn se bestuur.

Kalumbu sê egter die vakbond het die gemeenskap en die betrokke tradisionele owerhede se ondersteuning, soos dié groepe se teenwoordigheid by hul onlangse optog getoon het.

Hy het gesê die belange van die gemeenskap lê Johnson nie na aan die hart nie, en dat ongeskoolde werkers vir goedkoop arbeid aangestel word.

“Ons soek iemand wat gekwalifiseerde Namibiërs sal aanstel, nie enigiemand wat hulle op straat vind nie,” het hy gesê.

“Daar is baie mense wat tantaliet wil myn, selfs op ’n groter skaal,” was Kalumbu se kommentaar oor wat van die myn sou word indien sy lisensie opgeskort sou word en die uitvoerende hoof in die pad gesteek sou word.

Hy het ook die regering se ingryping versoek om die omstandighede die hoof te bied.

Soortgelyk

 

Raad sit oor polisiehoof

3 ure gelede | Regering

Denver Kisting – Die Windhoekse stadsraad (CoW) sou gisteraand vir mnr. Abraham Kanime as hoof van die stadspolisie heraangestel het.Kanime is in Maart verlede jaar...

Windhoek droogste in 90 jaar

3 ure gelede | Weer

Ronelle Rademeyer - Die 2018-’19-reënseisoen sal vir die oorgrote deel van die land in die geskiedenisboeke opgeteken staan as van die droogste in menseheugenis.Die statistiek...

Katrina se lot gou bepaal

3 ure gelede | Howe

Denver Kisting – Onder gewone omstandighede is die staat se verantwoordelikheid om skuld bo redelike twyfel te bewys.In die geval van die oudgoewerneur van die...

Regstelling oor Zenobia Kloppers

3 ure gelede | Kuns en vermaak

Republikein het gister verkeerdelik berig Zenobia Kloppers, die bekende Namibiese aktrise en sanger wat die hoofrol in die rolprent Fiela se kind losgeslaan het, is...

Minder studente ondersteun

3 ure gelede | Ministeries

Augetto Graig - Die nuus dat bestaande en voornemende studente minder finansiële steun gaan ontvang, is ’n teleurstelling. So sê me. Ester Simon, president van...

Lodge heropen binnekort vir Visrivier-voetslaners

3 ure gelede | Toerisme

Namibia Wildlife Resorts (NWR) se Hobas Lodge het vroeg Februarie kitsvloede ervaar wat tot skade gelei het, maar die lodge sal op 1 Junie weer...

Charles Namiseb eindelik gestraf

3 ure gelede | Howe

Die tweede misdadiger en verkragter wat in 2010 vir die aanval op ‘n bejaarde egpaar van Uis verantwoordelik was, is gevonnis.Die eens voortvlugtige en berugte...

Aansoek vir toerisme-ontwikkeling by Meobbaai

3 ure gelede | Toerisme

Francoise Steynberg - Die Namab-toeragentskap het planne om Meobbaai as toeristeaantreklikheid te ontgin.Die agentskap het ‘n aansoek vir ‘n omgewingsklaringsertifikaat vir die bou van ‘n...

Hulp sonder oordeel

3 ure gelede | Mense

Tanja Bause - “Ek het ‘n verkeerde pad geloop – een van verwoesting. Eendag het ek besef ek kan nie meer so aangaan nie....