Warm op die rak in Junie en Julie

14 June 2019 | Kuns en vermaak
Fiksie

Die boek van gelukkige eindes

Debbie Loots

Chris, ’n Kaapse sielkundige, se voorspelbare lewe word van alle kante bedreig. ’n Vrou met wie hy lank terug ’n vlietende verhouding gehad het, duik skielik weer op met ’n ultimatum, sy pasiënte raak by die dag moeiliker, en sy dirty little secret neem ’n onheilspellende wending. Is sy plat-op-die-aarde jong vrou uiteindelik al mens op wie hy kan staatmaak?

’n Genuanseerde, ironiese blik op seks, intieme verhoudings en eksistensiële krisisse.

---------------------------------------------------------------------------------

Fiksie

Gedeeltelik bewolk

Ruan Kemp

George Moore is gebore toe Jan Smuts dood is, word op ’n plaas in die Noord-Kaap groot, dien in ’n peloton in Angola, raak deurmekaar met die Baader-Meinhof-bende in Duitsland ...

Hy werk as joernalis tydens die noodtoestande in Kaapstad, word ’n saboteur, ’n skaapsmokkelaar, ’n mal man, ’n boemelaar. Tussendeur kul en koggel George prokureurs, kopdokters en vroue.

Gedeeltelik bewolk is ’n pittige, aweregse debuutroman wat jou wind uitslaan.

------------------------------------------------------------------------------------------------------

Toekomsfiksie

In ’n land sonder voëls

Harry Kalmer

Danksy tegnologie en die veranderende klimaat kon die land aan derduisende dankbare Amerikaners en Kanadese blyplek bied.

Dit was die vyftiende jaar van ekonokrasie ...

Vir die aankomelinge én die gevestigde inwoners het voorspoed en ’n beter lewe aangebreek. So het ons geglo.

In ’n land sonder voëls is ’n verdoemende ondersoek na die impak van ’n totalitêre bestel en een man se besinning oor sterflikheid en dít wat ons mense maak.

----------------------------------------------------------------------------------------------------------------------

Misdaadfiksie

Doodsengel

Madelein Rust

Magdalena Bakkes moor vir die derde keer in haar lewe en kies om te vlug.

Weg van die molestering en geweld wat haar kinderjare gekenmerk het. Niemand, behalwe die onbekende vrou wat haar help wegkom, weet van die verkragting nie en niemand sal weet dat Magdalena haar aanvaller se lewe geneem het nie.Doodsengel is Rust se sesde roman en het ’n splinternuwe hoofkarakter.

Nie vir sensitiewe lesers nie.

-----------------------------------------------------------------------------------------------------------------------

Poësie

Nuwe vrese

Willem S. van der Merwe

Die ontnugtering en nostalgie van die middeljare word hier in alle erns en humor verwoord.

Ryk aan intertekstualiteit en slim woordspeling, is hierdie bundel vars en toeganklik vir alle oopkop-lesers. Ou vrese word besweer en nuwes sinies en liries besing.

Van der Merwe was 24 jaar oud toe sy debuutbundel, Son-dig, in 1985 die lig gesien het. Dié is sy tweede bundel.Hy woon en werk tussen Suid-Afrika en Hongkong. - Netwerk24

Soortgelyk

 

Omkeerpunt vir Meatco

16 ure gelede | Landbou

Elvira Hattingh - Meatco het die afgelope boekjaar sy totale verliese met N$33 miljoen gesny en het boonop daarin geslaag om sy gemiddelde produsenteprys met...

Honde, katte, kinders, sushi en goeie harte

16 ure gelede | Omgewing

Tanja Bause - Die niewinsgewende organisasie Have-a-Heart op Walvisbaai het onlangs in samewerking met Mobile Animal Clinic Namibia 'n baie suksesvolle sterilisasie- en kastrasieveldtog onderneem....

Lubowski ‘krabbel terug’

16 ure gelede | Regering

Denver Kisting – Mnr. Sisa Namandje, pres. Hage Geingob se prokureur, sê me. Gabrielle Lubowski skrabbel terug nadat sy vroeër die staatshoof glo valslik beskuldig...

Blowing the whistle

16 ure gelede | Mense

Justicia Shipena Tamara !Gaoses is the first internationally recognised female 3x3 basketball referee in the country and this qualification allowed her to officiate...

LPM betreur Operasie Kalahariwoestyn

16 ure gelede | Politiek

Catherine Sasman – Die Landless People’s Movement (LPM) het sy stem by die toenemende druk gevoeg dat die regering lede van die Namibiese weermag (NDF)...

Weer vir 25 Junie 2019

16 ure gelede | Weer

BINNELAND: Sonnig en matig tot warm in die Suide. Elders sal dit sonnig en warm wees, maar baie warm in die Noorde. KUS:...

Hilton Hotel 7de keer beste in Namibië

16 ure gelede | Toerisme

Vir die sewende agtereenvolgende jaar het die Hilton Hotel in Windhoek met die World Travel-toekenning vir 2019 as die beste hotel in Namibië weggestap. “Ek...

CoW-drama kry tweede asem

16 ure gelede | Regering

Denver Kisting – Sodra sy tugverhoor afgehandel is, kan die stadsraad besluit of strafregtelike klagte ook teen mnr. Robert Kahimise, Windhoek se uitvoerende hoof, gelê...

Kalahariwoestyn-slagoffer se lyk op lorrie

16 ure gelede | Polisie

Denver Kisting – Talle Namibiërs is woedend omdat mnr. Fambauone Black (22) se oorskot die afgelope Saterdag agter op ’n lorrie terug Zimbabwe toe vervoer...