Wapens by grondberaad

Pistole, gewere, pangas en messe afgeneem

12 October 2018 | Misdaad
Die Namibiese polisie (Nampol) het tydens die pas­afgelope tweede ­nasionale grondberaad op 45 wapens en 'n botteltjie pepersproei beslag gelê.

Veertien pistole, een jaggeweer, een haelgeweer, twee pangas, 26 messe en drie tradisionele messe is by die polisiebeheerpunt by die Safari Hotel en Konferensie­sentrum oor die vyf dae by konferensiegangers afgeneem.

Gelisensieerde vuurwapens is vir die duur van die beraad gekonfiskeer en ná afloop van die geleentheid aan die regmatige eienaars daarvan terugbesorg.

Een ongelisensieerde vuurwapen is ná die konferensie nié terug­besorg nie.

Volgens lt.genl. Sebastian Ndeitunga, polisiehoof, wek dié omstandighede ernstige kommer.

“'n Mens wonder hoekom 'n wetsgehoorsame burger ná 'n byeenkoms van hierdie aard dit met 'n gevaarlike wapen moet bywoon.

“In hierdie opsig wil ons die nasie in kennis stel lede van die publiek mag geen wapens na enige vergadering dra nie,” sê hy.

Volgens die polisiehoof is veiligheid tydens die beraad goed ­gehandhaaf. Hy het sy ­kollegas vandeesweek geprys vir hul pogings tot die bewaring van vrede by dié geleentheid.

Hy is ook dankbaar teenoor konferensiegangers vir hul same­werking in die algemeen.

Tog het Ndeitunga daarop ­aangedring dat Namibiërs in die uitoefening van hul regte ander se regte in ag neem.

“In die geval van vreedsame betogings moet vryheid van spraak op só 'n manier uitgeoefen word dat dit nie aanval of laster nie, en ook nie haatspraak of aanhitsing tot geweld behels nie.

“Die neiging van sommige burgers wat ons leiers of medeburgers ontmoedig en beledig, is onbetaamlik en moet stopgesit word,” sê hy.

Ndeitunga het ook na die Strydkinders verwys wat tydens die grondberaad onwettig in Windhoek se strate vergader het, paaie geblokkeer het, klippe in die pad gesit het, motorbande in die strate gebrand het, en voertuie en padgebruikers met klippe gegooi het.

Volgens die polisiehoof is dié gedrag betreurenswaardig.

“Dié onaanvaarbare houding en gedrag kan nie goedgekeur word nie, aangesien dit met chaos en wetteloosheid gepaard gaan,” sê hy.

Ndeitunga doen 'n beroep op alle Namibiërs om geen openbare byeenkoms gewapend by te woon nie, en om hul taalgebruik by enige protesaksie te beperk om aanhitsing tot geweld en beledigende uitsprake te vermy.

Soortgelyk

 

Pas jou rug op

12 ure gelede | Gebeure

Tanja Bause - Môre word Wêreldruggraatdag met die tema “Wees lief vir jou ruggraat” gevier. Lede van die Namibiese Chiropraktisynsvereniging en van hul pasiënte het...

Kleurryke Pik Botha sterf op 86

12 ure gelede | Mense

Ronelle Rademeyer – Die afgelope naweek is selfs in die internasionale nuus wyd berig oor die afsterwe van die kleurryke en legendariese voormalige minister van...

Onwettige sandmyne se dae getel

12 ure gelede | Misdaad

Kenya Kambowe - Die omgewingskommissaris se kantoor is tans besig met die wysiging van omgewingsregulasies om hulle minder dubbelsinnig te maak en suksesvolle vervolgings te...

Ichingo Chobe River Lodge wen weer

12 ure gelede | In beeld

Ichingo Chobe River Lodge in die Zambezistreek is vir die tweede agtereenvolgende jaar tydens die Wêreldreistoekennings as die beste tentsafarikamp in Namibië aangewys. Die 2018-toekennings...

Namibië deel van vlootsimposium

12 ure gelede | Ministeries

Die senior verdedigingsbeampte en verdedigingsattaché vir die Amerikaanse ambassade in Windhoek, lt.kol. John Lacy, het verlede maand die Namibiese vlootbevelvoerder, skout-admiraal Sinsy Nghipandua, na die...

Weer vir 12 Oktober 2018

12 ure gelede | Weer

BINNELAND: Sonnig en bloedig warm in die verre noordelike streke. Elders sal dit gedeeltelik bewolk en baie tot bloe­dig warm wees met enkele buie in...

Drie sterf in ongelukke

12 ure gelede | Ongelukke

Drie mense het hul lewens die naweek in motorongelukke en ’n treinongeluk verloor. In ’n kop-teen-kop-botsing op die pad tussen Walvisbaai en Swakopmund is ’n...

Sossusvlei Desert Lodge beste safari-lodge

12 ure gelede | In beeld

&Beyond Sossusvlei Desert Lodge is as die beste safari-lodge in Namibië tydens die Wêreldreistoekennings aangewys. In 2016 het dié luukse safari-lodge ook met hierdie toekenning...

Kamushinda van vuilspel beskuldig

12 ure gelede | Howe

Catherine Sasman - Namibië se hooggeregshof het verlede Dinsdag uitspraak voorbehou in die saak waarin Zimbabwe se Metropolitan Bank en World Eagle Investment (Pty) Ltd...