WAP-leerling reik na Nasa-sterre

24 July 2019 | Tegnologie
Mariselle Stofberg - ’n Namibiese tiener vlieg Namibië se vlag tans hoog by die United Space School (USS) in Amerika.

Christo Boshoff, ’n graad 11-leerling aan die Windhoek Afrikaanse Privaatskool (WAP), woon sedert 21 Julie die Amerikaanse ruimteagentskap (Nasa) se ruimteskool by.

Vanjaar is die eerste keer dat Namibië onafhanklik aan dié geleentheid deelneem.

Die program duur tot 5 Augustus en vind in Houston, Texas, plaas.

“Ek voel bevoorreg en geëerd om deel van hierdie ongelooflike geleentheid te wees. Dit is alles net moontlik deur die wil van ons Hemelse Vader,” sê Boshoff.

Ná ’n streng, landswye keuringsproses is hy eindelik as Namibië se verteenwoordiger aangewys.

Me. Wida du Plessis, die USS se amptelike verteenwoordiger in suidelike Afrika, sê die geleentheid is ’n deurbraak vir Namibië.

“Dit is ’n reusemylpaal vir Namibië. Die omvang van Namibië se amptelike deelname beteken ons vlag gaan vir die eerste keer saam met die ander lande se vlae gehys word.”

In die verlede het Namibië onder Suid-Afrika deelgeneem, maar van vanjaar af het Namibië ook sy eie regmatige plek by die USS.

Dit beteken Namibië kan jaarliks een leerling USS toe stuur.

Dié deelname beteken ook Namibië kan nou aan die kultuurfees, wat deel van die USS is, deelneem waar tipies Namibiese disse en eg Namibiese produkte uitgestal word.

Du Plessis sê die geleentheid is nie net vir Boshoff betekenisvol nie, maar ook vir die land.

“Meeste van die leerlinge en sprekers wat die USS bywoon, het nog nooit iemand van Namibië gesien of ontmoet nie, en nou het hulle die geleentheid om meer van die land, sy kultuur, sy vlag en sy mense te leer.”

Boshoff het ’n lewendige belangstelling in wetenskap en die ruimte, sê hy.

“My liefde vir die ruimte is gebore uit my belangstelling in wetenskap. Hoe meer ek van biologie, wiskunde en fisika leer, hoe meer groei my belangstelling.”

Boshoff beplan om eendag medies te studeer om ander se omstandighede te help verbeter.

“Ek wil nie noodwendig ’n dokter word nie, maar wil eerder mediese toerusting ontwerp wat in areas gebruik kan word, soos oorlogsones, of deur diegene in die ruimte, waar daar ’n gebrek aan tradisionele mediese toerusting is.”

Harde werk en deursettingsvermoë is volgens dié Wapper die sleutel tot sukses.

“Om te droom is goed, maar jy gaan moet werk as jy die droom wil bewaarheid. Niks is onmoontlik nie en hoe meer jy goed begin doen wat onmoontlik lyk, hoe meer gaan jy besef dit is wél moontlik.”

Soortgelyk

 

KOLLIG Voorblad

1 dag gelede | Byvoegsels

Swakop hou Makietie bl. 4

ECN gaan Itula se aansoek teenstaan

1 dag gelede | Politiek

Denver Kisting – Vanweë die beweerde negatiewe uitwerking van elektroniese stemtoestelle (EVM’s) in die afgelope presidensiële verkiesing moet die proses tersyde gestel word.Dr. Panduleni Itula,...

Ekonomie bloei lánkal

1 dag gelede | Plaaslik

Jo-Maré Duddy – Ekonomiese groei het reeds in 2015 skerp begin tuimel sonder dat dit deur amptelike syfers weerspieël is, toon nuwe data wat gister...

NOU AAN DIE GANG

1 dag gelede | Byvoegsels

» Die Swakopmund Wetenskaplike Vereniging bied tans ‘n Kersfees-skattejag by die Swakopmund Museum aan. Dit bestaan uit twee afdelings, een vir kinders en een vir...

Geskorste raadslede van Rehoboth herkies

1 dag gelede | Regering

Denver Kisting op Rehoboth – Dieselfde span raadslede wat verlede jaar deur dr. Peya Mushelenga, die minister van stedelike en landelike ontwikkeling, in die pad...

Weer vir 13 Desember 2019

1 dag gelede | Weer

BINNELAND: Mooi weer en baie tot bloedig warm in die Suide. Elders sal dit gedeeltelik bewolk en baie tot bloedig warm wees. Winderige weer sal...

STEMFEITE: NAM & SA 2019

1 dag gelede | Politiek

In Namibië het Swapo persentasiegewys meer steun ingeboet as die ANC in Suid-Afrika.

NamibRe: Versekeraars moet 12,5% sedeer

1 dag gelede | Howe

Elvira Hattingh Plaaslike versekeringsmaatskappye móét voorts vir herverseke­ring by NamibRe opdok - tot tyd en wyl daar in 'n hangende hofsaak oor die wettigheid van...

CoW baklei teen beslaglegging

1 dag gelede | Regering

Denver Kisting – Die Windhoekse munisipaliteit (CoW) baklei tans verbete teen ’n beweerde beslagleggingsbevel wat poog om van hul vaste bates te konfiskeer.Veertien superintendente verbonde...