Walvisbaai se geldgemors

10 January 2019 | Regering
Jemima Beukes - Senior munisipale amptenare van Walvisbaai is met hul hande in die spreekwoordelike koekieblik betrap, met dokumente wat die onregmatige gebruik van die munisipaliteit se kredietkaart toon, asook 'n kontantonttrekking van N$86 220 deur mnr. Ngdishoshili Nghilumbwa.

In 'n brief gedateer 4 Oktober 2018 het die raad se finansiële bestuurder, mnr. Frans Gonteb, die uitvoerende hoof, mnr. Muronga Haingura, gemaan oor kontantonttrekkings met die raad se kredietkaarte.

Gonteb het Haingura ingelig dat hy volledige transaksiestate van die bank vir die tydperk vanaf Desember 2015 tot September 2018 aangevra het.

Hy het bygevoeg twee kaarte word bevraagteken wat aan burgemeester Immanuel Wilfred en die voorsitter van die bestuurskomitee, mnr. Simson Nghilumbwa, uitgereik is.

Gonteb het in die brief uitgewys die bankstate vir die tydperk Desember 2015 tot September 2018 het aangedui Wilfred het spoedpuntbetalings (speed-point payments) van N$152 533 gemaak het, en mnr. Tobias Nambala spoedpuntbetalings van N$30 486.

Mnr. Ngdishoshili Nghilumbwa het 'n kontantonttrekking van N$86 220 gedoen en spoedpuntbetalings van N$5 860 gemaak.

Toe Haingura Maandag vir kommentaar gekontak is, het hy gesê hy het nie hierdie inligting ontvang nie.

Hy is wel bewus van ander kredietkaartonreëlmatighede wat verlede jaar gerapporteer is.

“Ek is nie nou op kantoor nie, kan jy asseblief die inligting na die skakelbeampte stuur? Ek is nie bewus van waarna jy spesifiek verwys nie. Ek is bewus van die ander voorvalle waaroor in New Era berig is,” het hy gesê.

Wilfred wou weet waar die koerant die dokumente in die hande gekry het en gevra of dit inderdaad sy naam is wat op die dokumente verskyn.

“Gaan vra die uitvoerende hoof van Walvisbaai, mnr. Haingura; hy is die een wat die administrasie van die dorp bestuur. Gaan direk na hom toe en vra hom hierdie vrae," het Wilfred gesê.

Toe hy gevra is of hy bewus is van die transaksies en of hy wel die munisipaliteit se kredietkaart gebruik het om betalings te doen, het hy gevra: “Aan wie was die munisipaliteit se kredietkaart toegeken?”

'n Ander dokument wys dat Wilfred die munisipaliteit se kredietkaart wat aan hom toegeken is, gebruik het om 'n selfoon van N$12 707 te koop toe hy die 32ste handelsekspo in 2017 bygewoon het.

Volgens die bankstate is hierdie selfoon by 'n belastingvrye winkel in Dubai gekoop.

In 'n brief aan Gonteb gedateer 7 November het Wilfred gevra dat geld van sy salaris in twee paaiemente afgetrek word.

Dit blyk egter uit 'n duidelike nota op die brief dat hierdie geld nie afgetrek is nie.

New Era het in Oktober berig dat 'n ondersoek voortgaan oor kredietkaartmisbruik by die Walvisbaaise munisipaliteit wat in verskeie onreëlmatighede ontaard en tot die skorsing van raadslid Simson Nghilumbwa gelei het.

Leuens

Die Regstellende Herposisioneringsbeweging (AR) se aktivis mnr. Irvin Summers het gesê Haingura het gelieg en moet die eerbare ding doen en bedank.

Nóg 'n AR-aktivis, mnr. Kasie Shikongo, het gesê almal by die munisipaliteit was bewus van die onreëlmatighede.

“Ek was in die raadsvergadering toe hulle vir raadslid Nghilumbwa oor hierdie kwessie geskors het. Die burgemeester was die voorsitter van die vergadering wat gehou is. As hulle dit ontken, dan moet hulle bedank,” het hy gesê.

'n AR-leier van Walvisbaai, mnr. Andre Eugene Gunther von Broen, het gesê hulle sal die hof nader as die raadslede nie voor stok gekry word nie.

Soortgelyk

 

Weermag trek skouers op

17th of June 00:00 | Plaaslik

Denver Kisting – Talle Namibiërs is die josie in oor wat sommige as die militarisering van die land se strate bestempel.Maar die Namibiese weermag (NDF)...

Grubesonderhede in die hof onthul

17th of June 00:00 | Howe

Erwin Leuschner op Swakopmund - Die beskuldigde in die Arandis-moorde sê hy is oorbluf deur die magdom getuienis wat die staat teen hom ingewin het.Tog...

Swapo wen naelskraap op Ondangwa

17th of June 00:00 | Politiek

Denver Kisting – Net 3 792 van die geregistreerde 15 800 kiesers het Saterdag in die tussenverkiesing op Ondangwa gestem.Dit verteenwoordig ’n skrale 24%-deelname.Die naweek...

Weer vir 17 Junie 2019

17th of June 00:00 | Weer

BINNELAND: Gedeeltelik bewolk en matig tot warm oor die sentrale dele. Elders sal dit warm tot baie warm wees. KUS: Mooiweer en warm tot baie...

Gebrekkige waterbesparings táp damme

17th of June 00:00 | Plaaslik

Elvira Hattingh - Die droogloopdatum vir damme wat Windhoek van water voorsien, het nou met tussen twee en drie weke vervroeg. Dít omdat Windhoekers...

Brand vernietig nege huise in Mondesa

17th of June 00:00 | Ongelukke

Adolf Kaure - Verskeie families is dakloos gelaat nadat 'n brand Vrydagmiddag nege huise by die enkelkwartiere van die Mondesa-woonbuurt op Swakopmund vernietig het. Volgens...

Indonesiërs in Namibië vier Eid Mubarak

17th of June 00:00 | Lesersfoto's

Die Indonesiese ambassade in Namibië het verlede Dinsdag Eid Mubarak – die einde van die heilige maand van Ramadaan in die Moslemgeloof – ­gevier. Ambassadeur...

Maatskaplike impak van droogte gemeet

17th of June 00:00 |

Elvira Hattingh - Droogtetoestande in Namibië en Angola is deur die navorsers van die Instituut vir Sosio-Ekologiese Navorsing (ISOE) gebruik om 'n nuwe instrument te...

Visums by lughawe uitgereik

17th of June 00:00 | Toerisme

Inwoners van lande soos onder meer Suid-Afrika, Duitsland, Frankryk, Italië, Amerika, Hongkong, Australië, Nederland, Angola, Zimbabwe en Zambië wat in Namibië wil kom vakansie hou,...