Walvisbaai kry eie navigasie-stasie
Namibië is nou deel van die wêreldwye maritieme veiligheidstelsel.
Augetto Graig
Namibië het sy Navtex-stasie op 18 Oktober op Walvisbaai geopen en in die proses deel van die Global Marine Distress and Safety System (GMDSS) geword.
Navtex is 'n eenrigting- teleksnavigasie-inligtingstelsel wat skepe ter see van toestande in kennis stel wat hulle raak.
Die stelsel is deel van die International Convention for the Safety of Life at Sea (SOLAS) van 1974, waarvan Namibië ook deel is.
Volgens Telecom Namibia se woordvoerder, me. Nomvula Kondombolo-Kimbinda, is die Navtex-projek 'n mylpaal vir Namibië as kusstaat en ontluikende maritieme logistieke sentrum.
Telecom het tot dusver sowat N$7,5 miljoen aan die oprigting van die stasie bestee.
Nege Namibiërs is by die stasie in diens – een toesighouer en agt agente.
Die stelsel werk 24 uur 'n dag, sewe dae 'n week.
Navtex verskaf inligting op kort afstande aan skepe en is deur die Internasionale Maritieme Organisasie (IMO) ontwikkel.
Moderne en verbeterde radiokommunikasie word ingespan deur tegnologie wat van selektiewe, satelliet-, of digitale verspreiding gebruik maak.
Volgens Kondombolo-Kimbinda verhoog Navtex die moontlikheid om waarskuwings uit te stuur wanneer skepe in die moeilikheid is.
BETER POGINGS
Die kans is groter dat waarskuwings ontvang sal word, die vermoë om oorlewendes op te spoor is beter, en dit verbeter kommunikasie en die koördinering van reddingspogings.
Die stelsel verskaf seevaarders ook van noodsaaklike veiligheidsinligting, sê sy.
Namibië is naby groot internasionale skeepsroetes geleë, en die afgelope 10 jaar is daar 'n toename in beide besoekende en verbyvarende maritieme verkeer.
“Maritieme veiligheid en GMDSS, waarvan Navtex 'n kerndeel is, is noodsaaklik in die vordering van ons strategiese doelwitte as kusstaat,” het die adjunkminister van werke en vervoer, mnr. James Sankwasa, by die geleentheid gesê.
Sy ministerie is toegewy aan die voortdurende sterk klem op maritieme veiligheid en om met vennote saam te werk – veral met die ministerie van inligting en kommunikasietegnologie (ICT), het hy gesê.
Saam sal hulle maritieme veiligheid in Namibiese waters verbeter deur moderne ingenieurswese en administratiewe oplossings toe te pas, sê Sankwasa.
Walvisbaai se adjunkburgemeester, me. Penelope Martin-Louw, het gesê: “Ek het geen twyfel dat hierdie belegging in die moderne stelsel nie net ons veiligheid langs die kus sal verbeter nie, maar ons ook aan internasionale standaarde sal laat voldoen.”
Mnr. Fernando Somaeb, voorsitter van Telecom Namibia se raad, het gesê: “Die aanlê van infrastruktuur en opgradering oor alle sektore van ons ekonomie soos uitgelig in die nasionale agenda is Telecom Namibia se hoofprioriteit.
VERPLIGTINGE NAGEKOM
“Ons lê nie net infrastruktuur aan nie, en lewer en onderhou nie net netwerke wat die voorsiening van gehalte-dienste aan kliënte verskaf nie – ons stel ook nasionale en plaaslike owerhede in staat om nasionale en internasionale kommunikasieverpligtinge na te kom, soos met die navigasie-teleksstelsel wat ons vandag van stapel stuur,” het hy gesê.
Wêreldwye handel per see sal binne die volgende 30 jaar na verwagting verdriedubbel, wat groter geleenthede vir Namibië as hawe- en kusstaat bied, maar ook groter risiko's van ongelukke op see sal beteken.
Volgens Kondombolo-Kimbinda kan Namibië heelwat voordeel hieruit trek.
- [email protected]
Namibië het sy Navtex-stasie op 18 Oktober op Walvisbaai geopen en in die proses deel van die Global Marine Distress and Safety System (GMDSS) geword.
Navtex is 'n eenrigting- teleksnavigasie-inligtingstelsel wat skepe ter see van toestande in kennis stel wat hulle raak.
Die stelsel is deel van die International Convention for the Safety of Life at Sea (SOLAS) van 1974, waarvan Namibië ook deel is.
Volgens Telecom Namibia se woordvoerder, me. Nomvula Kondombolo-Kimbinda, is die Navtex-projek 'n mylpaal vir Namibië as kusstaat en ontluikende maritieme logistieke sentrum.
Telecom het tot dusver sowat N$7,5 miljoen aan die oprigting van die stasie bestee.
Nege Namibiërs is by die stasie in diens – een toesighouer en agt agente.
Die stelsel werk 24 uur 'n dag, sewe dae 'n week.
Navtex verskaf inligting op kort afstande aan skepe en is deur die Internasionale Maritieme Organisasie (IMO) ontwikkel.
Moderne en verbeterde radiokommunikasie word ingespan deur tegnologie wat van selektiewe, satelliet-, of digitale verspreiding gebruik maak.
Volgens Kondombolo-Kimbinda verhoog Navtex die moontlikheid om waarskuwings uit te stuur wanneer skepe in die moeilikheid is.
BETER POGINGS
Die kans is groter dat waarskuwings ontvang sal word, die vermoë om oorlewendes op te spoor is beter, en dit verbeter kommunikasie en die koördinering van reddingspogings.
Die stelsel verskaf seevaarders ook van noodsaaklike veiligheidsinligting, sê sy.
Namibië is naby groot internasionale skeepsroetes geleë, en die afgelope 10 jaar is daar 'n toename in beide besoekende en verbyvarende maritieme verkeer.
“Maritieme veiligheid en GMDSS, waarvan Navtex 'n kerndeel is, is noodsaaklik in die vordering van ons strategiese doelwitte as kusstaat,” het die adjunkminister van werke en vervoer, mnr. James Sankwasa, by die geleentheid gesê.
Sy ministerie is toegewy aan die voortdurende sterk klem op maritieme veiligheid en om met vennote saam te werk – veral met die ministerie van inligting en kommunikasietegnologie (ICT), het hy gesê.
Saam sal hulle maritieme veiligheid in Namibiese waters verbeter deur moderne ingenieurswese en administratiewe oplossings toe te pas, sê Sankwasa.
Walvisbaai se adjunkburgemeester, me. Penelope Martin-Louw, het gesê: “Ek het geen twyfel dat hierdie belegging in die moderne stelsel nie net ons veiligheid langs die kus sal verbeter nie, maar ons ook aan internasionale standaarde sal laat voldoen.”
Mnr. Fernando Somaeb, voorsitter van Telecom Namibia se raad, het gesê: “Die aanlê van infrastruktuur en opgradering oor alle sektore van ons ekonomie soos uitgelig in die nasionale agenda is Telecom Namibia se hoofprioriteit.
VERPLIGTINGE NAGEKOM
“Ons lê nie net infrastruktuur aan nie, en lewer en onderhou nie net netwerke wat die voorsiening van gehalte-dienste aan kliënte verskaf nie – ons stel ook nasionale en plaaslike owerhede in staat om nasionale en internasionale kommunikasieverpligtinge na te kom, soos met die navigasie-teleksstelsel wat ons vandag van stapel stuur,” het hy gesê.
Wêreldwye handel per see sal binne die volgende 30 jaar na verwagting verdriedubbel, wat groter geleenthede vir Namibië as hawe- en kusstaat bied, maar ook groter risiko's van ongelukke op see sal beteken.
Volgens Kondombolo-Kimbinda kan Namibië heelwat voordeel hieruit trek.
- [email protected]
Kommentaar
Republikein
Geen kommentaar is op hierdie artikel gelaat nie