Walvis oorleef naelbytstryd
Skolerugby
Andrew Poolman - 'n Afdag teen begeesterde opposisie kan enige rugbyspan in die Momentum onder 19 premierliga duur te staan kom.
Hierdie boodskap is Woensdagmiddag landwyd uitgestuur toe De Duine hom sommer behoorlik teëgesit het teen die kusdorp se meer ervare buurspan, Namib Diesel Walvisbaai Privaat Hoërskool.
In De Duine se terugkeerseisoen na die land se hoogste liga het hy reeds 'n paar groot pakke op die lyf geloop, maar dié keer moes Walvisbaai alles uithaal om met 'n sege van 32-25 weg te kom.
De Duine het 'n bonuspunt ingepalm te danke aan die neerlaag met minder as tien punte, terwyl die Naartjies twee bonuspunte byvoeg omdat hy meer drieë gedruk het (vier teen drie).
“Dit was 'n harde wedstryd en ek is baie beïndruk met my spelers,” sê De Duine se afrigter, Karl Cookson.
“Ons ontwikkeling en verbetering deur die loop van die seisoen is vir my belangriker as die uitslag op die telbord,” het hy opnuut beklemtoon.
“Ek dink ons kon gewen het as een of twee beslissings van die skeidsregter anders was. Ons het byvoorbeeld die laaste 15 minute met een speler minder klaargekom toe hy op 'n rooi kaart vir 'n boorvat besluit het – hoewel ons speler die man vir wie hy omgedop het, veilig op die grond neergesit het.
“In die geheel is ek baie trots op ons spelers wat hulle goed van hul taak gekwyt het.”
Walvisbaai se afrigter, Quinton Simon, sê De Duine het 'n ongelooflike vertoning gelewer en het sy manne deurgaans onder druk gehou.
“Die Naartjies het gewis al beter gespeel as Woensdag, maar hierdie is vir ons 'n wekroep om terug aarde toe te kom,” was sy opsomming na aanleiding van sy span se vorige drie uitslae waarin OK Foods Moria (op Walvisbaai) en Samsung WHS (by FNB Vegkop) geklop is, voor 'n naelskraapse tuisneerlaag met 12-15 teen die onoorwonne voorloper Rubicon Tsumeb Gimnasium.
Vanweë oosweer is die wedstryd in hitte van 34 grade Celsius gespeel, het Simon opgemerk.
Die wenspan se vier drieë het van slot Neil Brand, vleuel Jivino Polster, flank Divan van Vreden en reserwe-agterspeler Keanu Gonteb gekom. Polster en losskakel Scott Winborn het die skoppunte gedeel.
De Duine se driedrukkers was vleuel Keanu Daniels, senter Jade Visagie en losskakel Algirnon Kolz. Die plaasvervanger-losskakel Bevan Coetzee en stut Jay Jay Dentlinger het met skoppe pale toe geslaag.
WHS TEEN GIM
Die onsekere begin wat afrigter Henry Kemp se jong WHS-span sover in die seisoen beleef, word môre in die gekweste Schoemans-groep Windhoek Gimnasium Leeus se kuil verder op die proef gestel.
Die ligbloues kan dalk 'n geringe voordeel van varser spelers hê, nadat hulle laas naweek in die FNB Vegkop-stadion met De Duine weggehardloop het (70-0).
Aan motivering sal die span van Kleine Kuppe egter nie te kort skiet nie. Gimnasium sal graag wil hergroepeer ná hul eerste neerlaag verlede naweek op Tsumeb (25-43) en het reeds vanjaar vriendskaplik op die WHS-veld gewen.
KAMPIOEN TEEN VOORLOPER
Laas naweek se euforie op Tsumeb sal die tuisspan en hul ondersteuners vir seker laat opruk vir die koms môre van die huidige titelhouer, KMC/JCC Windhoek Affies.
Tsumeb Gimnasium het sover nog nie 'n voet verkeerd gesit nie met die maksimum van 45 ligapunte ná vyf wedstryde.
Die Windhoekers het nog net twee keer gespeel en het beide kere oortuigend gewen (43-0 teen De Duine en 40-12 teen Elnatan), maar 'n bulstryd lê voor indien hulle al die faktore in die noordespan se guns te bowe wil kom – soos momentum, 'n swaar agttal en 'n akkurate skopper.
STAMPRIET IN KOLLIG
OK Foods Moria van Outjo was sover met tye ongelukkig met uitslae wat net-net uit hul greep geglip het.
Losskakel DJ Holtzhausen is sedert verlede jaar een van hul groot spelbrekers in die premierliga en gewis 'n man vir die toekoms, maar die Bere sal op die hede gefokus wees wanneer hulle Pupkewitz Haval Elnatan môre op Stampriet gaan takel.
Hou gerus 'n oog op die Facebook-blad van My Zone, waar 'n span van Namibia Media Holdings regstreekse videostroom vanaf die suidedorp se rugbyveld gaan verskaf (afskoptyd 12:00).
Hierdie boodskap is Woensdagmiddag landwyd uitgestuur toe De Duine hom sommer behoorlik teëgesit het teen die kusdorp se meer ervare buurspan, Namib Diesel Walvisbaai Privaat Hoërskool.
In De Duine se terugkeerseisoen na die land se hoogste liga het hy reeds 'n paar groot pakke op die lyf geloop, maar dié keer moes Walvisbaai alles uithaal om met 'n sege van 32-25 weg te kom.
De Duine het 'n bonuspunt ingepalm te danke aan die neerlaag met minder as tien punte, terwyl die Naartjies twee bonuspunte byvoeg omdat hy meer drieë gedruk het (vier teen drie).
“Dit was 'n harde wedstryd en ek is baie beïndruk met my spelers,” sê De Duine se afrigter, Karl Cookson.
“Ons ontwikkeling en verbetering deur die loop van die seisoen is vir my belangriker as die uitslag op die telbord,” het hy opnuut beklemtoon.
“Ek dink ons kon gewen het as een of twee beslissings van die skeidsregter anders was. Ons het byvoorbeeld die laaste 15 minute met een speler minder klaargekom toe hy op 'n rooi kaart vir 'n boorvat besluit het – hoewel ons speler die man vir wie hy omgedop het, veilig op die grond neergesit het.
“In die geheel is ek baie trots op ons spelers wat hulle goed van hul taak gekwyt het.”
Walvisbaai se afrigter, Quinton Simon, sê De Duine het 'n ongelooflike vertoning gelewer en het sy manne deurgaans onder druk gehou.
“Die Naartjies het gewis al beter gespeel as Woensdag, maar hierdie is vir ons 'n wekroep om terug aarde toe te kom,” was sy opsomming na aanleiding van sy span se vorige drie uitslae waarin OK Foods Moria (op Walvisbaai) en Samsung WHS (by FNB Vegkop) geklop is, voor 'n naelskraapse tuisneerlaag met 12-15 teen die onoorwonne voorloper Rubicon Tsumeb Gimnasium.
Vanweë oosweer is die wedstryd in hitte van 34 grade Celsius gespeel, het Simon opgemerk.
Die wenspan se vier drieë het van slot Neil Brand, vleuel Jivino Polster, flank Divan van Vreden en reserwe-agterspeler Keanu Gonteb gekom. Polster en losskakel Scott Winborn het die skoppunte gedeel.
De Duine se driedrukkers was vleuel Keanu Daniels, senter Jade Visagie en losskakel Algirnon Kolz. Die plaasvervanger-losskakel Bevan Coetzee en stut Jay Jay Dentlinger het met skoppe pale toe geslaag.
WHS TEEN GIM
Die onsekere begin wat afrigter Henry Kemp se jong WHS-span sover in die seisoen beleef, word môre in die gekweste Schoemans-groep Windhoek Gimnasium Leeus se kuil verder op die proef gestel.
Die ligbloues kan dalk 'n geringe voordeel van varser spelers hê, nadat hulle laas naweek in die FNB Vegkop-stadion met De Duine weggehardloop het (70-0).
Aan motivering sal die span van Kleine Kuppe egter nie te kort skiet nie. Gimnasium sal graag wil hergroepeer ná hul eerste neerlaag verlede naweek op Tsumeb (25-43) en het reeds vanjaar vriendskaplik op die WHS-veld gewen.
KAMPIOEN TEEN VOORLOPER
Laas naweek se euforie op Tsumeb sal die tuisspan en hul ondersteuners vir seker laat opruk vir die koms môre van die huidige titelhouer, KMC/JCC Windhoek Affies.
Tsumeb Gimnasium het sover nog nie 'n voet verkeerd gesit nie met die maksimum van 45 ligapunte ná vyf wedstryde.
Die Windhoekers het nog net twee keer gespeel en het beide kere oortuigend gewen (43-0 teen De Duine en 40-12 teen Elnatan), maar 'n bulstryd lê voor indien hulle al die faktore in die noordespan se guns te bowe wil kom – soos momentum, 'n swaar agttal en 'n akkurate skopper.
STAMPRIET IN KOLLIG
OK Foods Moria van Outjo was sover met tye ongelukkig met uitslae wat net-net uit hul greep geglip het.
Losskakel DJ Holtzhausen is sedert verlede jaar een van hul groot spelbrekers in die premierliga en gewis 'n man vir die toekoms, maar die Bere sal op die hede gefokus wees wanneer hulle Pupkewitz Haval Elnatan môre op Stampriet gaan takel.
Hou gerus 'n oog op die Facebook-blad van My Zone, waar 'n span van Namibia Media Holdings regstreekse videostroom vanaf die suidedorp se rugbyveld gaan verskaf (afskoptyd 12:00).
Kommentaar
Republikein
Geen kommentaar is op hierdie artikel gelaat nie