Wagwoorde wat jou laat wag

14 February 2019 | Rubrieke
Daar gebeur dit weer.

My rekenaar by die werk moet ’n update kry en ongelukkig verdwyn al my user names en passwords vir al wat ’n ding waarop ek ingeteken is.

Op die rekenaar by die huis wys die user names, maar die passwords is ’n klomp kolletjies. So ek weet steeds nie wat my passwords is nie. En as julle soos ek is, is daar nie ’n enkele password wat onthou word nie.

Ek kliek oudergewoonte maar weer op die “forgot password?”-skakel dat die diensverskaffer vir my ’n e-pos kan stuur sodat ek weer by my rekening kan inkom. Maar dit beteken ook elke liewe wagwoord op albei rekenaars en my foon moet verander.

En onthou, jy mag mos nie ’n wagwoord gebruik wat jy in die afgelope week of maand(e) gebruik het nie, of selfs een van die laaste 10 nie.

Ai. Sug. Hier gaan ons al weer.

Tik in jou wagwoord.

Wortel.

Nee, sê die rekenaar. Dit moet langer as agt karakters wees.

Grootwortel.

Jammer, daar moet ’n nommer wees ook.

1gróótwortel.

Jammer, dit mag nie aksenttekens bevat nie.

Kom ons probeer weer. 1grootwortel.

Nee, dit moet minstens een hoofletter bevat.

Goed. 1GROOTwortel.

Nee, dit mag nie meer as twee agtereenvolgende hoofletters bevat nie.

1GrootWortelEnLaatMyIn!

Jammer, maar nee, dit mag nie leestekens bevat nie.

LuisterNouMooiGeeMyToegangOf . . .

Jammer, hierdie wagwoord is reeds in gebruik.

Oukei, hierdie is (’n bietjie) aangedik. Maar dít is hoe dit voel.

Is daar iemand in die wêreld wat nie wagwoorde verpes nie? Jy stres aanhoudend oor watter nommers en letters by watter rekening hoort. Dan moet jy dit elke tiktak update, of jou rekenaar crash en jy moet alles van voor af begin.

Ek haat die goed.

Dis juis oor hierdie frustrasies wat mense – tot IT se konsternasie – wagwoorde gebruik wat voorspelbaar is. Eintlik só voorspelbaar dat SplashData vier jaar gelede ’n lys opgestel het van die 25 algemeenste wagwoorde. Heel boaan die lys is 123456 en kort op sy hakke is – wag daarvoor – password. Ewe gewild is qwerty of qwertyuiop, abc123 en letmein.

Ander mense sien die skep van ’n nuwe wagwoord dalk anders.

Iemand soos die New York Times-skrywer Ian Urbina meen wagwoorde hou meer as net ergernis in.

Soos hy skryf: “In ons outeurskap daarvan en omdat ons dit skep sodat net ons dit sal onthou, neem wagwoorde soms ’n geheime lewe aan. Baie van ons wagwoorde is deurdrenk met pathos, kwaadwilligheid, selfs poësie. Soms steek daar ’n verhaal agter. ’n Motiverende mantra, ’n dwarsklap wat op die baas gemik is, ’n verwysing na ’n verlore liefde. Hierdie wagwoorde . . . is soos tchotchkes van ons innerlike lewens.”

Maar ek dink die beste beskrywing van wagwoorde is ’n Reddit-skrywer s’n wat sê in plaas daarvan dat hy dieselfde wagwoord oral gebruik, gebruik hy verskeie variasies daarvan. Hy verander byvoorbeeld een letter of voeg ’n nommer by en so aan. Tong in die kies sê hy “dit is super veilig en beskerm al my rekeninge só dat ek self nie eens kan inteken nie”.

Ware woorde.

Soortgelyk

 

||Kharas gaan bibber

6 ure gelede | Omgewing

Die Namibiese weerkantoor voorspel reënbuie asook winderige toestande vir Namibië se verre Suide, terwyl dit teen Woensdag “baie koud” op plekke in die ||Kharasstreek kan...

Burgstraat na wyle dr. Theo-Ben Gurirab vernoem

7 ure gelede | Plaaslik

Burgstraat in Windhoek staan sedert Sondag as dr. Theo-Ben Gurirab bekend. Volgens die hoofstad se burgemeester, mnr. Muesee Kasapua het die stadsvaders ‘n herbenamingsbeleid aanvaar...

Regering laat val nuwe 2%-bom

21 ure gelede | Regering

Denver KistingNamibiërs vaar opnuut uit alle oorde uit teen die regering se versoek om finansiële hulp.Dit het die afgelope Vrydag rugbaar geword die regering wil...

Evangelis pleit bloed oor Namibië

21 ure gelede | Plaaslik

Denver KistingDit is weens die juk van sonde dat Namibië stoei met dwelms, passiemoorde, alkoholmisbruik en selfs uitdagings in die onderwyssektor beleef.So sê die Ghanese...

'Vriende van Katrina' staan bakhand

21 ure gelede | Plaaslik

Denver Kisting - Om by te dra tot Katrina Hanse-Himarwa se regskoste en ander uitgawes, is niks anders as om korrupsie te steun nie. Dít was gister die mening...

Kombat-kwessie sloer

21 ure gelede | Byvoegsels

Augetto Graig - “Hulle sê daar is ? eienaar van Kombat, maar hy doen niks oor ons probleme nie. “Niks word op Kombat onderhou nie....

Toeristetoring

21 ure gelede | Byvoegsels

Die ikoniese De Wet-skag, hysbakkamer en ystertoring wat jare lank ‘n baken op Tsumeb is, gaan dalk in ‘n toeriste-trekpleister omskep word. Lees die berig...

Weer, Maandag 22 Julie 2019

21 ure gelede | Weer

BINNELAND: Sonnig en warm tot baie warm.KUS: Gedeeltelik bewolk en matig met miskolle.GETYE BY WALVISBAAI: H: 06:26 L: 12:19 H: 18:56WINDHOEK06°26°RUNDU09°27°OSHAKATI12°29°GOBABIS06°26°MARIENTAL08°25°KEETMANSHOOP10°24°WALVISBAAI09°24°LUANDA19°26°JOHANNESBURG04°16°KAAPSTAD10°19°

Riruako se grafsteen onthul

21 ure gelede | Plaaslik

Opperhoof Vekuii Rukoro van die Ovaherero’s het gister tydens die jaarlikse herdenking van Rooivlagdag die grafsteen van sy voorganger, opperhoof Kuaima Riruako, op Okahandja onthul....