Wagte se lone onder die loep

Klagtes ondersoek

01 October 2019 | Ministeries
Augetto Graig - Sekuriteitswagte se lang en bitter stryd om beter betaling behoort binnekort dalk tot die verlede.

Namibië se sekuriteitsbedryf beoog om die voortou in die stryd teen die wan- en onderbetaling van wagte te neem, en ook wat algemene voldoening aan die arbeidswet se vereistes vir dié bedryf betref.

Die Sekuriteitsvereniging van Namibië (SAN) het dié nuwe sending Vrydag by sy jaarvergadering bekend gemaak.

In ’n verslag wat deur die SAN-raad voorgelê is, word op ongerymdhede in die betaling van wagte gefokus.

“Dit het onder ons, en die sekuriteitsbedryf in die algemeen, se aandag gekom dat sekuriteitsmaatskappy-eienaars hul wagte soms nie betyds betaal nie,” lees die verslag.

Die raad het ook aan die direkteur in die ministerie van arbeid, nywerheidsbetrekkinge en werkskepping geskryf om sy aandag te fokus op maatskappye wat nie aan die minimum- vergoedingsvereistes voldoen nie.

By ’n vergadering met die ministerie op 4 Februarie vanjaar is die status van die betrokke wetgewing, die gesamentlike ooreenkoms op minimale beloning van 2016, en wagte se algemene werksomstandighede bespreek.

In samewerking met die drie betrokke vakbonde, Natau, Nasguw en Nisu, sal SAN stappe teen oortreders doen.

Maatskappye wat nie die minimumvergoeding betaal nie, sal geïdentifiseer word en aan die kantoor van die arbeidskommissaris oorhandig word.

Volgens mnr. Hans Miljo, uitvoerende hoof van Crown Security en president van SAN, sal die name van maatskappye wat oortree aan die publiek bekend gemaak word.

“Ek kan nie sien hoekom nie,” het hy gesê.

“Ons sal hierdie ding saam met die vakbonde van stapel stuur,” het hy gesê.

Die vereniging beplan om ’n databasis van sekuriteitswagte in Namibië op te stel.

Miljo het gesê ’n mediavergadering sal binnekort plaasvind waartydens SAN ’n propagandaveldtog van stapel sal stuur om wagte landswyd op die hoogte van sake te bring.

“Wagte moet al hul klagtes na SAN se kantoor bring,” het Miljo bygevoeg.

Klagtes oor onderbetaling, werksure, vakansiedae of enige oortreding van die arbeidswet sal ondersoek word.

Dít is vantevore deur die arbeidsministerie behartig, maar Miljo het gesê ’n tekort aan personeel belemmer die proses.

“SAN sal die proses koördineer. Ons sal onder andere ’n administrateur aanstel om die taak te behartig. Die inligting sal aan die kantoor van die arbeidskommissaris oorhandig word en hulle sal dit verder hanteer en terugvoering verskaf,” het Miljo gesê.

SAN het meer as 80 lidmaatskappye, maar verskeie is nie by die vereniging geregistreer is nie, en die meerderheid voldoen nie aan wetgewing of die regulasies vir vergoeding nie, het Miljo gesê.

Ander kwessies wat by die jaarvergadering aangespreek is, sluit in die daarstelling van regulasies vir die sekuriteitsbedryf, veilige vervoer vir sekuriteitswagte, die nuwe SAN-webwerf, die nuwe SAN-logo en beplande fondsinsamelings.

Die vereniging beoog ook om streektakke in die Noorde en Noordweste te hervestig.

Dié taak sal ook voorkeur van die nuwe SAN-raad geniet, wat Vrydag gekies is.

Saam met Miljo dien mnre. Bart Koopman en Kaboi Tobias as adjunkpresidente.

Mnr. Veiko Peelenga, me. Seriano Mukutu, mnr. Kuume Uutaapama en mnr. Levi Shigwedha is as raadslede herkies, terwyl mnre. David Nujoma en Hanhapo Onesmus saam met mnr. Andre en me. Antoinette Smit by die raad aansluit.

Soortgelyk

 

Valskerm-ongeluk eis Chinese vrou

1 uur gelede | Ongelukke

'n Valskerm-ongeluk het die lewe van 'n Chinese vrou, me. Ran Lei (33), Sondagmiddag geëis. Volgens die Namibiese polisie se weeklikse misdaadverslag het die voorval...

Meer as N$6 miljoen se dagga in lorrie gevind

2 ure gelede | Misdaad

'n Lorriebestuurder (24) en sy 34-jarige medebestuurder is Saterdag omstreeks 09:00 op die B3-hoofweg naby Grunau in hegtenis geneem. Volgens die Namibiese polisie se weeklikse...

Frankfurt-vlugte het hervat

2 ure gelede | Vervoer

Air Namibia se vlugte na en vanaf Frankfurt in Duitsland het hervat.Die Airbus A330-200 is ná die vlerkskade tydens ‘n ligte botsing Saterdagaand by die...

Beserker slaan 2-jarige nefie na bewering met graaf dood

2 ure gelede | Misdaad

‘n Tweejarige seuntjie is vroeg Saterdagoggend dood toe sy 50-jarige oom hom na bewering met ‘n graaf aangeval het, terwyl ‘n driejarige meisie wat hy...

Man vas oor 'diamantsmokkelary'

3 ure gelede | Misdaad

'n Nambiese man is Vrydag in verband met diamantsmokkelary op die grenspos tussen Suid-Afrika en Namibië by Oranjemund in hegtenis geneem.Volgens die Namibiese polisie se...

Laat koppe rol - Jooste, SPYL

18 ure gelede | Politiek

Catherine Sasman - Stemme uit die regerende party dring toenemend aan dat diegene wat beskuldig word van korrupsie onder sy geledere verwyder word.Nadat die beleërde...

Gertze skiet glo vrou

18 ure gelede | Misdaad

Henriette Lamprecht – Die uitvoerende hoof van die Namibiese Kwalifikasieowerheid (NQA) het die naweek agter tralies deurgebring nadat hy na bewering sy vrou Saterdag in...

Namibiërs betoog oor korrupsie

18 ure gelede | Plaaslik

Tanja Bause - Meer as 200 mense van alle rasse en ouderdomme het Vrydag deelgeneem aan ’n teenkorrupsie-optog in Windhoek wat deur aktiviste gereël is....

VERKIESINGS 2019: PRESIDENSIËLE KANDIDATE

18 ure gelede | Politiek

McHenry VenaaniPopular Democratic Movement (PDM)McHenry Venaani is die leier van die amptelike opposisie en het in 2014 as mees suksesvolle opposisiekandidat 44 271 stemme (sowat...