Waarskuwing oor bedrogspul met herdershonde

30 December 2020 | Landbou
Die Cheetah Conservation Fund (CCF) naby Otjiwarongo waarsku Namibiese boere teen ‘n bedrogspul met ‘n hondeteelprogram.

“Ons het inligting ontvang dat herdershonde deur persone op plase uitgeplaas word wat nie by die CCF betrokke is nie,” lui ‘n mediaverslag.

Die Anatoliese en Kangalherdershondjies word glo deur ‘n onbekende teler teen tussen N$3 000 en N$5 000 direk aan boere verkoop.

“CCF se plasingsfooi vir die herdershonde is baie laer, so hondjies teen hierdie prys kom nie van die CCF af nie.”

CCF waarsku dat hierdie honde nie deel is van hul veewagterhonde-program (LGD) nie en hulle is nie opgelei om vee op te pas nie.

Boere kan vir mnr. O’Flaherty, CCF se bestuurder van die LGD, by 081 603 0683 kontak om te bepaal of hulle ingeloop is. CCF sal boere bystaan as hulle ingeloop is en bepaal of hul honde wel van CCF se hondeprogram is of nie.

CCF se honde is elk met ‘n mikroskyfie toegerus wat deur ‘n veearts geskandeer kan word.

Foto CCF

“Alle honde van CCF het ‘n mikroskyfie met sy eie unieke nommer en slegs CCF-personeel ken die nommers,” sê CCF.

“Het jy twee hondjies op dieselfde tyd gekry? CCF sal slegs een hond op ‘n plaas plaas, sodat die honde saam met die vee grootword en aan hulle geheg word en nie aan ‘n broer of suster nie.”

Al CCF se honde is ook gekastreer of gesteriliseer.

Personeel van CCF sal ook ná ‘n amptelike plasing van honde ná drie maande, ses maande en 12 maande en daarna jaarlikse opvolgbesoeke doen om te kyk hoe dit met die honde gaan.

“CCF soek inligting om die bron van die hondebedrogspul te help identifiseer. CCF is bereid om saam met boere te werk wat hierdie hondjies ontvang het om hulle te adviseer oor hul sorg en opleiding.”

Boere kan ook vir dr. Laurie Marker, CCF se stigter en uitvoerende direkteur, by 081 124 7887 of [email protected] kontak.

Soortgelyk

 

Gesondheidswerkers, leerlinge en onderwysers deel van 343 nuwe gevalle

47 minute gelede | Gesondheid

Sewe Covid-19-verwante sterftes is vandag aangekondig en wel vier in Windhoek, twee in Swakopmund en een in Grootfontein. Die sterftes in Windhoek sluit 'n 63-jarige...

Moller, Hatuikulipi se belange onder vergrootglas

16 ure gelede | Misdaad

Hoofredaksie – Een van die transaksies wat deur die Teenkorrupsie-kommissie (ACC) as deel van die Fishrot-ondersoek gefynkam word, is 'n bedrag van N$8 miljoen wat...

Rekening van N$151 000 bly toe 'jakkals' gly

16 ure gelede | Misdaad

Francoise Steynberg – 'n Vermeende glyjakkals wat vir 'n maand saam met sy gesin in 'n gastehuis op Swakopmund gebly en glo nie betaal het...

Mans vas oor vervalsing van Covid-19-toetsuitslae

16 ure gelede | Misdaad

Kristien KrugerTwee Zimbabwiese mans is Saterdag omstreeks 12:00 op Katima Mulilo in hegtenis geneem vir die besit was vervalste Covid-19 laboratoriumtoetsverslae van PathCare Namibië.Die mans...

Reënweer bring groot skade

16 ure gelede | Weer

Kristien Kruger – Terwyl Namibië die derde week van swaar neerslae binnegaan, is groot skade reeds aan paaie, landerye en ander infrastruktuur aangerig. Windhoekers is...

Weer vir 11 Januarie 2021

16 ure gelede | Weer

BINNELAND: Gedeeltelik bewolk en baie warm in die Noordweste, verre Weste en dele van die //Kharasstreek. Elders sal dit bewolk en warm tot baie...

Regering slaan toe op klaringsagente

16 ure gelede | Regering

Phillepus Uusiku – Die regering is in die finale fase van die instelling van strenger maatreëls vir die lisensiëring van klaringsagente.Die instellings beoog om die...

Nafau wen in hof teen Shoprite

16 ure gelede | Arbeid

Kristien Kruger en Adolf Kaure – Stakende Shoprite-werknemers was Vrydagmiddag verjuig toe die hoërhof in Windhoek beslis het dat ’n interdik teen die Shoprite-winkelgroep uitgereik...

Op die spoor van Hardapdam se opvangsgebiede

16 ure gelede | Infrastruktuur

Kallie Pauw (gasskrywer)Die onlangse wonderlike reën in groot dele van Namibië en verslae daaroor en foto's van vol riviere en dansende boere het mense (soos...